റിപ്പബ്ലിക്​ ദിനത്തിൽ മരണപ്പെട്ട കർഷകന്‍റെ വീട്ടിൽ പ്രിയങ്കയെത്തി

ലഖ്​നൗ: റിപ്പബ്ലിക്​ ദിനത്തിലെ കർഷകരുടെ ട്രാക്​ടർ പരേഡിനിടെ പൊലീസുമായുള്ള സംഘർഷത്തിൽ മരണപ്പെട്ട കർഷകന്‍റെ വീട്​ കോൺഗ്രസ്​ ജനറൽ സെക്രട്ടറി പ്രിയങ്ക ഗാന്ധി സന്ദർശിച്ചു. ഉത്തർപ്രദേശിലെ രാംപൂർ സ്വദേശിയായ നവ്​രീത്​ സിങ്ങാണ്​ റിപ്പബ്ലിക്​ ദിനത്തിൽ മരണപ്പെട്ടത്​.

വീട്ടിലെത്തിയ പ്രിയങ്ക പ്രാർഥന ചടങ്ങുകളിൽ പ​ങ്കെടുത്തു. പ്രിയങ്ക ഗാന്ധിക്കൊപ്പം ഉത്തർപ്രദേശിലെ കോൺഗ്രസ്​ നേതാക്കളും അനുഗമിച്ചു. പ്രിയങ്കയുടെ കൂടെയുണ്ടായിരുന്ന വാഹനവ്യൂഹം കൂട്ടിയിടിച്ചതിനാൽ യാത്ര ഏതാനുംസമയം തടസ്സപ്പെട്ടിരുന്നു. ആർക്കും പരിക്കില്ലെന്നാണ്​ വിവരം.