യു.പി പിടിക്കാൻ കോൺ​ഗ്രസ്​; പ്രിയങ്കയുടെ നേതൃത്വത്തിൽ മാരത്തൺ യോഗങ്ങൾ

ലഖ്​നോ: 2022ലെ ഉത്തർപ്രദേശ് തെരഞ്ഞെടുപ്പിന്‍റെ ഭാഗമായി പാർട്ടി ഭാരവാഹികളുമായി മാരത്തൺ യോഗങ്ങൾ നടത്തി കോൺഗ്രസ്​ നേതാവ്​ പ്രിയങ്ക ഗാന്ധി. തെരഞ്ഞെടുപ്പിലെ സ്​ഥാനാർഥി നിർണയവുമായി ബന്ധപ്പെട്ടാണ്​ യോഗം.

സ്​ഥാനാർഥി പ്രഖ്യാപനത്തിന്​ ഭാരവാഹികളുടെ അഭിപ്രായം നിർണായ​കമാകുന്നുമെന്ന കണക്കുകൂട്ടലിലാണ്​ യോഗം. ശക്തമായ കോൺഗ്രസ്​ സംഘടന രാഷ്​ട്ര നിർമാണത്തി​നും പ്രധാനമാണെന്ന്​ പാർട്ടി പ്രവർത്തകരെ ഉദ്ബോധിപ്പിച്ചുകൊണ്ട്​ പ്രിയങ്ക പറഞ്ഞു.

സെപ്​റ്റംബർ 26നകം സ്​ഥാനാർഥിയാകാൻ താൽപര്യപ്പെടുന്ന​വരോട്​ അപേക്ഷ സമർപ്പിക്കാനും ആവശ്യപ്പെട്ടതായി ഒരു കോൺഗ്രസ്​ പ്രവർത്തകൻ പറഞ്ഞു. കോൺഗ്രസിന്‍റെ വിവിധ സംഘടന ഭാരവാഹികളിൽനിന്ന്​ റിപ്പോർട്ടുകൾ ശേഖരിച്ചതായും അദ്ദേഹം കൂട്ടിച്ചേർത്തു.

2022 ആദ്യത്തോടെ യു.പി തെരഞ്ഞെടുപ്പ്​ പ്രഖ്യാപിക്കും. യോഗി ആദിത്യനാഥിന്‍റെ നേതൃത്വത്തിലുള്ള ​ബി.ജെ.പി സർക്കാറിനെ താഴെയിറക്കുകയാണ്​ കോൺഗ്രസിന്‍റെ ലക്ഷ്യം. പ്രിയങ്ക ഗാന്ധിയുടെ നേതൃത്വത്തിലാണ്​ യു.പിയിലെ കോൺഗ്രസിന്‍റെ തെരഞ്ഞെടുപ്പ്​ ​പ്രവർത്തനങ്ങൾ. തെരഞ്ഞെടുപ്പ്​ വിശകലനങ്ങൾക്കായി വ്യാഴാഴ്ചയാണ്​ പ്രിയങ്ക സംസ്​ഥാനത്തെത്തിയത്​. സോണിയ ഗാന്ധിയുടെ മണ്ഡലമായ റായ്​ബറേലിയി​െലത്തിയ പ്രിയങ്ക നിരവധി യോഗങ്ങളിൽ പ​​ങ്കെടുത്തിരുന്നു. പിന്നീട്​ രണ്ടുദിവസങ്ങളിലായി നിരവധി യോഗങ്ങളിലും പ​ങ്കെടുത്തു.