കർഷകർക്കുനേരെയുള്ള ലാത്തിച്ചാർജിൽ പ്രതിഷേധം​: പ​ഞ്ചാ​ബി​ൽ റോഡുപരോധം, കോലം കത്തിക്കൽ

ഛണ്ഡി​ഗ​ഢ്​: ഹ​രി​യാ​ന​യി​ലെ ക​ർ​ണാ​ലി​ൽ ക​ഴി​ഞ്ഞ ദി​വ​സം ന​ട​ന്ന പൊ​ലീ​സ്​ ലാ​ത്തി​ച്ചാ​ർ​ജി​ൽ പ്ര​തി​ഷേ​ധി​ച്ച് ക​ർ​ഷ​ക​ർ ഞാ​യ​റാ​ഴ്ച പ​ഞ്ചാ​ബി​ലെ റോ​ഡു​ക​ളും ഹൈ​വേ​ക​ളും ത​ട​ഞ്ഞു. ബി.​ജെ.​പി സ​ർ​ക്കാ​രി​ന്‍റെ കോ​ല​ങ്ങ​ൾ ക​ത്തി​ച്ചു. ബി.​ജെ.​പി​യു​ടെ യോ​ഗ​ത്തി​ൽ പ​​ങ്കെ​ടു​ക്കാ​ൻ പാ​ർ​ട്ടി സം​സ്ഥാ​ന അ​ധ്യ​ക്ഷ​ൻ ഒ.​പി ധ​ങ്ക​ർ സ​ഞ്ച​രി​ച്ച വാ​ഹ​ന​വ്യൂ​ഹം ത​ട​​യാ​ൻ ശ്ര​മി​ച്ച​തി​നെ തു​ട​ർ​ന്ന്​ ശ​നി​യാ​ഴ്ച ക​ർ​ഷ​ക സം​ഘ​ത്തി​ന് നേ​രെ പോ​ലീ​സ് ന​ട​ത്തി​യ ലാ​ത്തി​ച്ചാ​ർ​ജി​ൽ പ​ത്തോ​ളം പേ​ർ​ക്ക്​ പ​രി​ക്കേ​റ്റി​രു​ന്നു. ക​ർ​ഷ​ക​രി​ൽ ഒ​രാ​ൾ മ​രി​ച്ചു.

ഗു​രു​ത​ര​മാ​യി പ​രി​ക്കേ​റ്റ സു​ശീ​ൽ കാ​ജ​ൽ എ​ന്ന​യാ​ൾ ഹൃ​ദ​യാ​ഘാ​ത​ത്തെ തു​ട​ർ​ന്ന്​ മ​രി​ച്ചു​വെ​ന്ന്​ ക​ർ​ഷ​ക നേ​താ​വ്​ ഗു​ർ​ണം സി​ങ്​ ച​ദൂ​നി അ​റി​യി​ച്ചു. ഒ​മ്പ​ത് മാ​സ​മാ​യി സു​ശീ​ൽ കാ​ജ​ൽ സ​മ​ര​ത്തി​ൽ പ​ങ്ക് വ​ഹി​ച്ചു​വ​രി​ക​യാ​യി​രു​ന്നു. ലാ​ത്തി​ച്ചാ​ർ​ജി​ൽ അ​ദ്ദേ​ഹ​ത്തി​ന് ഗു​രു​ത​ര​മാ​യ പ​രി​ക്കേ​റ്റു, രാ​ത്രി​യി​ൽ ഹൃ​ദ​യാ​ഘാ​തം​വ​ന്ന്​ മ​ര​ണ​ത്തി​ന്​ കീ​ഴ​ട​ങ്ങി. ക​ർ​ഷ​ക സ​മൂ​ഹം അ​ദ്ദേ​ഹ​ത്തി​െ​ന്‍റ ത്യാ​ഗം എ​പ്പോ​ഴും ഓ​ർ​ക്കു​മെ​ന്നും​ ച​ദൂ​നി ട്വീ​റ്റ്​ ചെ​യ്​​തു.

പൊ​ലീ​സ്​ ലാ​ത്തി​ച്ചാ​ർ​ജി​ൽ പ്ര​തി​ഷേ​ധി​ച്ച്​ പ​ഞ്ചാ​ബി​ൽ ഞാ​യ​റാ​ഴ്ച ഉ​ച്ച​ക്ക്​ 12 മ​ണി​ക്ക് ആ​രം​ഭി​ച്ച ര​ണ്ട് മ​ണി​ക്കൂ​ർ നീ​ണ്ട റോ​ഡു​പ​രോ​ധം പ​ല​യി​ട​ങ്ങ​ളി​ലും ഗ​താ​ഗ​തം സ്​​തം​ഭി​പ്പി​ച്ചു. കി​സാ​ൻ സം​ഘ​ർ​ഷ് മ​സ്ദൂ​ർ ക​മ്മി​റ്റി ജ​ന​റ​ൽ സെ​ക്ര​ട്ട​റി സ​ർ​വാ​ൻ സി​ങ്​ പ​ന്ത​ർ ലാ​ത്തി​ച്ചാ​ർ​ജി​നെ ശ​ക്ത​മാ​യി അ​പ​ല​പി​ച്ചു. ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ ലാ​ൽ ഖ​ട്ടാ​റി​ന് ആ ​സ്ഥാ​ന​ത്ത് തു​ട​രാ​ൻ അ​വ​കാ​ശ​മി​ല്ലെ​ന്നും രാ​ജി​വെ​ച്ച്​ പു​റ​ത്തു​പോ​വ​ണ​മെ​ന്നും അ​മൃ​ത്​​സ​റി​ൽ ന​ട​ന്ന പ്ര​തി​ഷേ​ധ​ത്തി​നി​ടെ പാ​ന്ത​ർ പ​റ​ഞ്ഞു.

ഭാ​ര​തീ​യ കി​സാ​ൻ യൂ​നി​യ​ൻ സം​സ്ഥാ​ന​ത്തെ 56 ഇ​ട​ങ്ങ​ളി​ൽ പ്ര​തി​ഷേ​ധ പ്ര​ക​ട​ന​ങ്ങ​ൾ ന​ട​ത്തു​ക​യും ഖ​ട്ടാ​ർ സ​ർ​ക്കാ​രി​െ​ന്‍റ ന​ട​പ​ടി​യെ അ​പ​ല​പി​ക്കു​ക​യും ചെ​യ്തു. പ​ഞ്ചാ​ബ് കോ​ൺ​ഗ്ര​സ് നേ​താ​വ് ന​വ​ജ്യോ​ത് സിം​ഗ് സി​ദ്ദു​വും അ​തി​ക്ര​മ​ത്തി​നെ​തി​രെ രം​ഗ​ത്തു​വ​ന്നു. 'പ്ര​തി​ഷേ​ധി​ക്കു​ന്ന ക​ർ​ഷ​ക​ർ​ക്ക് നേ​രെ​യു​ള്ള ആ​ക്ര​മ​ണം ഓ​രോ ഇ​ന്ത്യ​ക്കാ​ര​െ​ന്‍റ​യും മൗ​ലി​കാ​വ​കാ​ശ​ങ്ങ​ൾ​ക്കെ​തി​രാ​യ ആ​ക്ര​മ​ണ​മാ​ണ്.

ഇ​തി​ലൂ​ടെ ഭ​ര​ണ​ഘ​ട​ന​യു​ടെ ആ​ത്മാ​വി​നെ ത​ട​സ്സ​പ്പെ​ടു​ത്തു​ക​യും ഇ​ന്ത്യ​ൻ ജ​നാ​ധി​പ​ത്യ​ത്തി​െ​ന്‍റ ന​ട്ടെ​ല്ല് ത​ക​ർ​ക്കു​ക​യും ചെ​യ്യു​ക​യാ​ണെ​ന്നും സി​ദ്ദു പ​റ​ഞ്ഞു. ഹ​രി​യാ​ന​യി​ലെ ക​ർ​ഷ​ക​ർ​ക്ക് നേ​രെ പോ​ലീ​സ് ന​ട​ത്തി​യ ബ​ല​പ്ര​യോ​ഗ​ത്തി​െ​ന്‍റ വി​ഡി​യോ​യും അ​ദ്ദേ​ഹം ട്വീ​റ്റി​നൊ​പ്പം പ​ങ്കു​വെ​ച്ചു. സ​ർ​ക്കാ​ർ സ്പോ​ൺ​സ​ർ ആ​ക്ര​മ​ണം എ​ന്നാ​ണ്​ പ​ഞ്ചാ​ബ് മു​ഖ്യ​മ​ന്ത്രി അ​മ​രീ​ന്ദ​ർ സി​ങ്​ വി​ശേ​ഷി​പ്പി​ച്ച​ത്. ഈ ​ക്രൂ​ര​ത അ​പ​ല​പ​നീ​യ​വു​മാ​ണെ​ന്ന് അ​ദ്ദേ​ഹം പ​റ​ഞ്ഞു.

സ​മാ​ധാ​ന​പ​ര​മാ​യി പ്ര​തി​ഷേ​ധി​ക്കു​ന്ന ക​ർ​ഷ​ക​ർ​ക്ക് നേ​രെ ലാ​ത്തി ചാ​ർ​ജ് ചെ​യ്യു​ന്ന​ത് തി​ക​ച്ചും തെ​റ്റാ​ണെ​ന്ന്​ ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കെ​ജ്​​രി​വാ​ൾ ട്വീ​റ്റ്​ ചെ​യ്​​തു. ലാ​ത്തി​ച്ചാ​ർ​ജി​ൽ പ​രി​ക്കേ​റ്റ​വ​രു​ടെ ര​ക്തം പു​ര​ണ്ട വ​സ്ത്ര​ങ്ങ​ളും ത​ല​പ്പാ​വു​ക​ളും ത​ല​ക്ക്​ ഗു​രു​ത​ര​മാ​യി പ​രി​ക്കേ​റ്റ ചി​ത്ര​ങ്ങ​ളും സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു. ക​ർ​ഷ​ക ഗ്രൂ​പ്പു​ക​ളി​ൽ നി​ന്നും കോ​ൺ​ഗ്ര​സ് ഉ​ൾ​പ്പെ​ടെ​യു​ള്ള പ്ര​തി​പ​ക്ഷ​ത്തി​ൽ നി​ന്നും ക​ടു​ത്ത പ്ര​തി​ഷേ​ധ​മാ​ണ്​ ഉ​യ​ർ​ന്ന​ത്.

കർഷകർ കല്ലെറിഞ്ഞു -ഹരിയാന മുഖ്യമ​​ന്ത്രി

ച​ണ്ഡി​ഗ​ഢ്​​: സ​മാ​ധാ​ന​പ​ര​മാ​യി പ്ര​തി​ഷേ​ധി​ക്കു​മെ​ന്ന്​ ഉ​റ​പ്പു​ത​ന്ന ക​ർ​ഷ​ക​ർ പൊ​ലീ​സി​നു​​നേ​രെ ക​ല്ലെ​റി​യു​ക​യും ഹൈ​വേ ഉ​പ​രോ​ധി​ക്കു​ക​യും ചെ​യ്​​ത​തി​നാ​ലാ​ണ്​ ക​ർ​നാ​ലി​ൽ പൊ​ലീ​സ്​ ലാ​ത്തി പ്ര​യോ​ഗി​ച്ച​തെ​ന്ന്​ ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ ലാ​ൽ ഖ​ട്ട​ർ. പ്ര​തി​ഷേ​ധി​ക്കു​ന്ന​തി​ന്​ ആ​രും എ​തി​ര​ല്ല. എ​ന്നാ​ൽ, മ​റി​ച്ചാ​യാ​ൽ പൊ​ലീ​സി​ന്​ ന​ട​പ​ടി​യെ​ടു​ക്കേ​ണ്ടി വ​രും. ​ബി.​ജെ.​പി​യു​ടെ സം​സ്ഥാ​ന​ത​ല യോ​ഗ​മാ​ണ്​ അ​വി​െ​ട ന​ട​ന്ന​ത്. എ​ന്തി​‍െൻറ പേ​രി​ലാ​യാ​ലും യോ​ഗ​ത്തി​നു​​നേ​രെ എ​തി​ർ​പ്പു​യ​ർ​ത്തു​ന്ന​ത്​ ജ​നാ​ധി​പ​ത്യ​വി​രു​ദ്ധ​മാ​ണെ​ന്നും ഖ​ട്ട​ർ പ​റ​ഞ്ഞു.

കർഷകസമരം മാറ്റമുണ്ടാക്കും –തമ്പാൻ തോമസ്​

ന്യൂ​ഡ​ൽ​ഹി: ദേ​ശീ​യ രാ​ഷ്​​ട്രീ​യ​ത്തി​ൽ അ​ടി​സ്ഥാ​ന മാ​റ്റ​ങ്ങ​ൾ വ​രു​ത്താ​ൻ കെ​ൽ​പു​ള്ള​താ​ണ്​ ക​ർ​ഷ​ക​പ്ര​ക്ഷോ​ഭ​മെ​ന്ന്​ എ​ച്ച്.​എം.​എ​സ്​ മു​ൻ പ്ര​സി​ഡ​ൻ​റ്​ അ​ഡ്വ. ത​മ്പാ​ൻ തോ​മ​സ്. കൃ​ഷി​ഭൂ​മി ക​ർ​ഷ​ക​ർ​ക്ക്, തൊ​ഴി​ൽ​ശാ​ല തൊ​ഴി​ലാ​ളി​ക്ക് എ​ന്ന മു​ദ്രാ​വാ​ക്യം സ്വാ​ത​ന്ത്ര്യ​സ​മ​ര​കാ​ല​ത്ത് ഇ​ന്ത്യ​യി​ലെ സോ​ഷ്യ​ലി​സ്​​റ്റു​ക​ൾ ഉ​യ​ർ​ത്തി​യ​താ​ണ്. സം​യു​ക്ത കി​സാ​ൻ മോ​ർ​ച്ച സിം​ഘു അ​തി​ർ​ത്തി​യി​ൽ ന​ട​ത്തി​യ ദേ​ശീ​യ ക​ൺ​വെ​ൻ​ഷ​െൻറ തു​ട​ർ​ച്ച​യാ​യി മു​സാ​ഫ​ർ ന​ഗ​റി​ൽ സെ​പ്റ്റം​ബ​ർ അ​ഞ്ചി​നു ന​ട​ക്കു​ന്ന കി​സാ​ൻ മ​ഹാ​പ​ഞ്ചാ​യ​ത്ത് ഈ ​ദി​ശ​യി​ലു​ള്ള മു​ന്നേ​റ്റ​മാ​ണെ​ന്നും അ​ദ്ദേ​ഹം പ​റ​ഞ്ഞു. ദ​ക്ഷി​ണേ​ന്ത്യ​യി​ലും പ്ര​ക്ഷോ​ഭ​ങ്ങ​ൾ ആ​രം​ഭി​ക്കാ​ൻ തീ​രു​മാ​നി​ച്ച​താ​യി ​അ​ദ്ദേ​ഹം പ​റ​ഞ്ഞു.

സെ​പ്​​റ്റം​ബ​ർ 25ന്​ ​ഭാ​ര​ത ബ​ന്ദി​ന്​ ആ​ഹ്വാ​നം

ന്യൂ​ഡ​ൽ​ഹി: പൊ​ലീ​സ്​ ലാ​ത്തി​ച്ചാ​ർ​ജി​ന്​ തൊ​ട്ടു​പി​ന്നാ​ലെ ഹ​രി​യാ​ന​യി​ലെ മേ​വാ​ത്തി​ൽ ക​ർ​ഷ​ക മ​ഹാ​പ​ഞ്ചാ​യ​ത്ത് ചേ​ർ​ന്നു. സ​മ​ര​രം​ഗ​ത്തു​ള്ള സം​യു​ക്ത കി​സാ​ൻ മോ​ർ​ച്ച​യു​ടെ മു​തി​ർ​ന്ന നേ​താ​ക്ക​ളാ​യ ഡോ.​ദ​ർ​ശ​ൻ പാ​ൽ, രാ​കേ​ഷ് ടി​കാ​യ​ത്ത്, ബ​ൽ​ബീ​ർ സി​ങ്​ രാ​ജ്‌​വാ​ൾ, യോ​ഗേ​ന്ദ്ര യാ​ദ​വ് തു​ട​ങ്ങി​യ​വ​ർ സം​ബ​ന്ധി​ച്ചു. പ്ര​തി​ഷേ​ധം പ​ത്ത്​ മാ​സം പി​ന്നി​ടു​ന്ന വേ​ള​യി​ൽ സെ​പ്റ്റം​ബ​ർ 25 ന് ​ഭാ​ര​ത് ബ​ന്ദി​ന് ആ​ഹ്വാ​നം ചെ​യ്തു. ഡ​ൽ​ഹി ഉ​പ​രോ​ധി​ക്കാ​ൻ ക​ർ​ഷ​ക​രോ​ട് ത​യ്യാ​റാ​വാ​ൻ ദ​ർ​ശ​ൻ പാ​ൽ സി​ങ്​ അ​ഭ്യ​ർ​ത്ഥി​ച്ചു. സെ​പ്റ്റം​ബ​ർ അ​ഞ്ചി​ന്​ മു​സ​ഫ​ർ​ന​ഗ​ർ മ​ഹാ​പ​ഞ്ചാ​യ​ത്തി​ൽ 'മി​ഷ​ൻ യു.​പി' പ്ര​ഖ്യാ​പി​ക്കു​മെ​ന്നും അ​ദ്ദേ​ഹം പ​റ​ഞ്ഞു.