'പ്രതിഷേധിക്കുന്ന പഞ്ചാബിലെ കർഷകരെ​ ആശ്വസിപ്പിക്കണം' -മോദിയോട്​ രാഹുൽ

ന്യൂഡൽഹി: കേന്ദ്രസർക്കാറി​െൻറ കാർഷിക നിയമങ്ങൾക്കെതിരെ പ്രതിഷേധിക്കുന്ന പഞ്ചാബിലെ കർഷകരെ ആശ്വസിപ്പിക്കാൻ പ്രധാനമന്ത്രി നരേ​ന്ദ്രമോദിയോട്​ ആവശ്യപ്പെട്ട്​ കോൺഗ്രസ്​ നേതാവ്​ രാഹുൽ ഗാന്ധി. ദസറയോട്​ അനുബന്ധിച്ച്​ പ്രധാനമന്ത്രിയുടെ കോലം പഞ്ചാബിലെ കർഷകർ കത്തിച്ചിരുന്നു. ഇതിനോട്​ പ്രതികരിക്കുകയായിരുന്നു രാഹുൽ.

'കഴിഞ്ഞദിവസം പഞ്ചാബിലെ എല്ലായിടത്തും ഇത്​ സംഭവിച്ചു. പഞ്ചാബിന്​ പ്രധാനമന്ത്രിയോട്​ ഇത്രയും ദേഷ്യം തോന്നുന്നതിൽ സങ്കടം തോന്നുന്നു. ഇത്​ വളരെ അപകടകരവും രാജ്യത്തിനെ ദോഷകരമായി ബാധിക്കുന്നതുമാണ്​. പ്രധാനമന്ത്രി നരേന്ദ്രമോദി അവിടെ എത്തണം. കർഷകരെ കേൾക്കുകയും അവർക്ക്​ ആശ്വാസം നൽകുകയും വേണം' -രാഹുൽ ഗാന്ധി ട്വിറ്ററിൽ കുറിച്ചു. പ്രധാനമന്ത്രിയുടെ കോലം കത്തിച്ചെന്ന പത്രവാർത്ത പങ്കുവെച്ചുകൊണ്ടായിരുന്നു രാഹുലി​െൻറ കുറിപ്പ്​.

സെപ്​റ്റംബറിൽ കേ​ന്ദ്രസർക്കാർ പാസാക്കിയ മൂന്ന്​ കാർഷിക നിയമങ്ങൾക്കെതിരെ പഞ്ചാബിലും മഹാരാഷ്​ട്രയിലുമെല്ലാം പ്രതിഷേധം ശക്തമായിരുന്നു. പഞ്ചാബിലെ കർഷകർ ദിവസങ്ങളായി തെരുവുകളിൽ പ്രതിഷേധത്തിലാണ്​. രാഹുൽ ഗാന്ധിയുടെ നേതൃത്വത്തിൽ പഞ്ചാബിൽ ട്രാക്​ടർ റാലി സംഘടിപ്പിച്ചിരുന്നു. കൂടാതെ കോൺഗ്രസ്​ നേതൃത്വത്തിലു​ള്ള പഞ്ചാബ്​ സർക്കാർ കേന്ദ്രത്തി​െൻറ കാർഷിക നിയമങ്ങളെ പ്രതിരോധിക്കുന്നതിനായി ബദൽ കാർഷിക നിയമങ്ങൾ നിയമസഭയിൽ അവതരിപ്പിക്കുകയും ചെയ്​തിരുന്നു.