പുതുച്ചേരിയിൽ ലോക്​ഡൗൺ നീട്ടി

പുതുച്ചേരി: പുതുച്ചേരിയിൽ ലോക്​ഡൗൺ 14 വരെ നീട്ടി. നിയന്ത്രണങ്ങളിൽ കൂടുതൽ ഇളവ്​ നൽകിയാണ്​ ഒരാഴ്​ച കൂടി ലോക്​ഡൗൺ നീട്ടിയത്​.

പ്രദേശത്ത്​ കോവിഡ്​ ബാധിതരുടെ എണ്ണത്തിൽ കുറവുണ്ടായതിന്​ പിന്നാലെയാണ്​ നി​യന്ത്രണങ്ങളിൽ കൂടുതൽ ഇളവ്​ നൽകിയത്​.അതെ സമയം കോവിഡ്​ മാനദണ്ഡങ്ങൾ പാലിച്ച്​ രാവിലെ ഒമ്പത്​ മുതൽ വൈകുന്നേരം അഞ്ചു വരെ മദ്യ ഷോപ്പുകൾക്ക്​ തുറക്കാൻ അനുമതി നൽകി.

കഴിഞ്ഞ ദിവസം കോവിഡ്​ ​ബാധിതരുടെ എണ്ണത്തിൽ 1000 ൽ താഴെയായി കുറഞ്ഞിരുന്നു. ഞായറാഴ്​ച 640 പേർക്കാണ്​ കോവിഡ്​ സ്ഥിരീകരിച്ചത്​. കോവിഡ്​ ബാധിച്ചവരിൽ 90.9 ശതമാനം പേരും രോഗമുക്​തരായതായി ആരോഗ്യവകുപ്പ്​ അവകാശപ്പെട്ടു. 6.9 ശതമാനമാണ്​ ​കോവിഡ്​ പോസിറ്റീവിറ്റി നിരക്ക്​.