പുതുച്ചേരി തദ്ദേശ തെരഞ്ഞെടുപ്പ്: നടപടികൾ നിർത്തിവെക്കണമെന്ന്​ സുപ്രീംകോടതി

മാഹി: പുതുച്ചേരി തദ്ദേശ സ്വയംഭരണ തെരഞ്ഞെടുപ്പുമായി ബന്ധപ്പെട്ട എല്ലാ പ്രക്രിയകളും ഒക്ടോബർ 21 വരെ നിർത്തിവെക്കാൻ സംസ്ഥാന സർക്കാറിനോടും തെരഞ്ഞെടുപ്പ് കമീഷനോടും സുപ്രീംകോടതി ആവശ്യപ്പെട്ടു.

പ്രതിപക്ഷ നേതാവ് പി.ആർ. ശിവയുടെ ഹരജി ഫയലിൽ സ്വീകരിച്ചുകൊണ്ടാണ് കോടതി ഉത്തരവ്. കേസിൻമേൽ ഒക്ടോബർ 21ന് വാദം കേൾക്കും.