രാജ്യസുരക്ഷയിൽ വീഴ്ചവരുത്തിയ സർക്കാരിനെ വെറുതെ വിടാനാകില്ല- മനീഷ്​ തിവാരി

ന്യൂഡൽഹി: പുൽവാമ ഭീകരാക്രമണം നടക്കു​േമ്പാൾ പ്രധാനമന്ത്രി നരേന്ദ്രമോദി എവിടെയായിരുന്നുവെന്ന്​ വ്യക്തമാക് കണമെന്ന്​ എ.​െഎ.സി.സി വക്താവ്​ മനീഷ് തിവാരി. ദേശസുരക്ഷ സംബന്ധിച്ച് കോൺഗ്രസ് ഉയർത്തിയ ചോദ്യങ്ങൾക്ക് രാജ്യത്തെ ജനത ഉത്തരം ആഗ്രഹിക്കുന്നു. രാജ്യസുരക്ഷയിൽ വീഴ്ച വരുത്തിയ പ്രധാനമന്ത്രിയെയും സർക്കാരിനെയും വെറുതെ വിടാനാകില ്ല. സംഭവത്തിൽ ഒന്നും മറച്ച് വെക്കാൻ അനുവദിക്കില്ല. ആക്രമണം ഉണ്ടായത് ഫെബ്രുവരി 14 ന് വൈകിട്ട്​ 3.10 നായിരുന്നു. അന്ന്​ 3.10 തൊട്ട് 4.30 വരെ പ്രധാനമന്ത്രി എവിടെയായിരുന്നുവെന്ന്​ വ്യക്തമാക്കണമെന്നും തിവാരി വാർത്താസമ്മേളനത്തിൽ ആവശ്യപ്പെട്ടു.

ആക്രമണം നടന്നശേഷമാണ്​ മോദി മൊബൈലിലൂടെ ഉത്തരാഖണ്ഡിൽ റാലിയെ അഭിസംബോധന ചെയ്​തത്​. വൈകിട്ട്​ 5.10 നായിരുന്നു ഇത്. പുൽവാമയിൽ മൂന്നു മണിക്ക്​ ആക്രമണം നടന്നിട്ടും അതിനെ കുറിച്ച്​ ഒരു വാക്ക് പോലും മോദി പറഞ്ഞില്ല. റാലിയിൽ മൗനം ആചരിക്കാൻ പോലും തയാറായില്ലെന്നും മനീഷ്​ തിവാരി ആരോപിച്ചു.

രണ്ട്​ ചോദ്യങ്ങളാണ്​ പ്രധാനമന്ത്രിയോട്​ ആവർത്തിച്ച്​ ചോദിക്കാനുള്ളത്​. ആക്രമണത്തെ കുറിച്ച് പ്രധാനമന്ത്രി അറിഞ്ഞിരുന്നില്ലേ? പ്രധാനമന്ത്രിയും ഒാഫീസും തമ്മിലുള്ള ആശയവിനിമയത്തിൽ വീഴ്​ചയുണ്ടായോ? ഭീകരാക്രമണ വിവരം അറിഞ്ഞിട്ടും ജിം കോർബറ്റ് പാർക്കിലെ പ്രചരണ വീഡിയോ ചിത്രീകരണം തുടർന്നു. നിശ്ചയിച്ച പരിപാടികൾ മുടക്കമില്ലാതെ നടത്തി. ബോധപൂർവം വിഷയത്തിൽ മൗനം പാലിച്ചു. ഭീകരാക്രമണ വിവരം അറിഞ്ഞിരുന്നുവെങ്കിൽ പ്രധാനമന്ത്രി മൗനം പാലിച്ചത് എന്തുകൊണ്ടാണെന്നും തിവാരി ചോദിച്ചു.

പ്രതിപക്ഷം ചോദ്യങ്ങൾ ആവർത്തിച്ചു​കൊണ്ടേയിരിക്കും. ശക്തമായ ചോദ്യങ്ങൾ ഉന്നയിക്കുന്നത് രാജ്യ സുരക്ഷ ശക്തിപ്പെടുത്താനാണെന്ന ബോധം എൻ.ഡി.എ -ബി.ജെ.പി സർക്കാരുകൾക്ക് ഉണ്ടാകണമെന്നും ​അദ്ദേഹം പറഞ്ഞു. കോൺഗ്രസിന് പാക് പ്രധാനമന്ത്രിയുടെ അതേ ശബ്ദമാകുന്നത്​ എങ്ങിനെയെന്ന്​ കേന്ദ്രമന്ത്രി രവിശങ്കർ പ്രസാദ്​ വിശദീകരിക്കണമെന്നും മനീഷ്​ തിവാരി ആവശ്യപ്പെട്ടു.