പഞ്ചാബ്​ മുഖ്യമന്ത്രി വിളിച്ച സർവകക്ഷിയോഗത്തിൽ ശിരോമണി അകാലിദളിനെ മൂന്നംഗ സമിതി പ്രതിനിധീകരിക്കും

ചണ്ഡീഗഢ്​(പഞ്ചാബ്​): കർഷക പ്രക്ഷോഭവുമായി ബന്ധപ്പെട്ട കാ​ര്യങ്ങൾ ചർച്ച ചെയ്യാൻ പഞ്ചാബ്​ മുഖ്യമന്ത്രി അമരീന്ദർ സിങ് വിളിച്ചു ചേർത്ത സർവകക്ഷി യോഗത്തിൽ പ​ങ്കെടുക്കാൻ മൂന്നംഗ സമിതി​ രൂപീകരിച്ച്​ ശിരോമണി അകാലിദൾ.

പ്രേം സിങ്​ ചന്ദുമജ്ര, മഹേഷിന്ദർ സിങ്​ ഗ്രെവാൾ, ദൽജിത്ത്​ സിങ്​, ചീമ എന്നിവരാണ്​ സമിതിയിലുള്ളതെന്ന്​ പാർട്ടി വാർത്താ കുറിപ്പിൽ അറിയിച്ചു.

പഞ്ചാബ്​ മുഖ്യമന്ത്രി യോഗത്തിൽ അധ്യക്ഷത വഹിക്കും. ഡൽഹിയിൽ കഴിഞ്ഞ കുറച്ചു ദിവസങ്ങളായി നടക്കുന്ന സംഭവ വികാസങ്ങളുടെ പശ്ചാത്തലത്തിലാണ് കർഷക ​പ്രക്ഷോഭത്തെ കുറിച്ച്​ ചർച്ച ചെയ്യാൻ പഞ്ചാബ്​ മുഖ്യമന്ത്രി സർവകക്ഷി യോഗം വിളിച്ചത്​. പഞ്ചാബ്​ ഭവനിലാണ്​ യോഗം നടക്കുന്നത്​. ​