മയക്കു മരുന്നു കേസിൽ വധശിക്ഷ നൽകണമെന്ന്​​ പഞ്ചാബ്​ സർക്കാർ 

ചണ്ഡിഗഢ്​: മയക്കു മരുന്ന്​ കടത്തു കേസിലെ കുറ്റവാളികൾക്ക്​ വധശിക്ഷ നൽകണമെന്ന്​ പഞ്ചാബ്​ സർക്കാർ​. തിങ്കളാഴ്​ച ചേർന്ന മന്ത്രിസഭ യോഗത്തിലാണ്​ ഇതു സംബന്ധിച്ച്​ തീരുമാനമെടുത്തത്​. നിർദ്ദേശം കേന്ദ്രത്തിന്​ സമർപ്പിച്ചതായി മുഖ്യമന്ത്രി അമരീന്ദർ സിങ്​ പറഞ്ഞു.

മയക്കു മരുന്നു രഹിത സംസ്​ഥാനമായി പഞ്ചാബിനെ മാറ്റിയെടുക്കുക​െയന്നത്​ കഴിഞ്ഞ വർഷം തെരഞ്ഞെടുപ്പിനു മുന്നോടിയായി കോൺഗ്രസി​​​​െൻറ പ്രതിജ്​ഞകളിലൊന്നായിരുന്നു. മയക്കു മരുന്നു കടത്തും വിൽപനയു​ം തലമുറകളെ ഒന്നാകെ നശിപ്പിക്കുമെന്നതിനാൽ അതിന്​ മാതൃകാപരമായ ശിക്ഷ നൽകണമെന്നും മയക്കു മരുന്നു രഹിത പഞ്ചാബിനു വേണ്ടിയാണ്​ താൻ നിലകൊള്ളുന്നതെന്നും അമരീന്ദർ സിങ്​ പറഞ്ഞു.

തുടർച്ചയായി മയക്കു മരുന്നു കടത്തും വിൽപനയും ചെയ്യുന്നവർക്ക്​ വധശിക്ഷ നൽകാൻ നിലവിൽ നർക്കോട്ടിക്​ ഡ്രഗ്​സ്​ ആൻറ്​ സൈക്കോട്രോപ്പിക്​ സബ്​സ്​റ്റാൻസസ്​(എൻ.ഡി.പി.എസ്​) ആക്​ടിൽ വ്യവസ്​ഥയുണ്ട്​.