ഗെയിം കളിച്ച്​ 17കാരൻ നഷ്​ടപ്പെടുത്തിയത്​ 16 ലക്ഷം

ന്യൂഡൽഹി: പബ്​ജിയിൽ നടത്തിയ ഇടപാടുകളിലൂടെ 17കാരൻ നഷ്​ടപ്പെടുത്തിയത്​ രക്ഷിതാക്കളുടെ 16 ലക്ഷം രൂപ. ആപ്പിനുള്ളിൽ വിവിധ സാധനങ്ങൾ വാങ്ങുന്നതിനായാണ്​ ഇത്രയും തുക ചെലവഴിച്ചത്​. ഗെയിം കോസ്​മെറ്റിക്​ സാധനങ്ങൾ, പീരങ്കികൾ, ടൂർണമ​െൻറിനുള്ള പാസുകൾ,  വെടിയുണ്ടകൾ എന്നിവയാണ്​ വാങ്ങിയത്​.  പിതാവിൻെറ ആശുപത്രി ചെലവിനായി നീക്കിവെച്ച തുകയാണ്​ പഞ്ചാബിലെ ഖാഗർ സ്വദേശിയായ 17കാരൻ നഷ്​ടപ്പെടുത്തിയത്​.

ലോക്​ഡൗണിനിടെ ഓൺലൈൻ പഠനത്തിനായാണ്​ കുട്ടിക്ക്​ രക്ഷിതാക്കൾ മൊബൈൽ നൽകിയത്​. ഫോണി​ൽ കുട്ടിയുടെ പിതാവിൻെറ ബാങ്ക്​ അൗക്കൗണ്ട്​ വിവരങ്ങളുണ്ടായിരുന്നു. ഇത്​ ഉപയോഗിച്ചാണ്​ ഇടപാട്​ നടത്തിയത്​. ഒരു മാസത്തിനിടെ നടത്തിയ ഇൻ-ഗെയിം ട്രാൻസാക്ഷനുകളിലാണ്​ ഇത്രയും തുക നഷ്​ടമായത്​.

ബാങ്കിൽ നിന്ന്​ തുക പിൻവലിക്കു​േമ്പാൾ മൊബൈലിലേക്ക്​ വന്ന മെസേജുകളെല്ലാം കുട്ടി ഡിലീറ്റ്​ ചെയ്യുകയായിരുന്നു. അമ്മയുടെ ബാങ്ക്​ അക്കൗണ്ടിലുണ്ടായിരുന്ന പണവും ഇത്തരത്തിൽ സാധനങ്ങൾ വാങ്ങുന്നതിനായി ഉപയോഗിച്ചു. പിന്നീട്​ അക്കൗണ്ടിൽ സീറോ ബാലൻസ്​ ആയതിനെ തുടർന്നാണ്​ രക്ഷിതാക്കൾ വിവരമറിയുന്നത്​.

സംഭവമറിഞ്ഞതിന്​ പിന്നാലെ കുട്ടിയെ രക്ഷിതാക്കൾ സ്​കൂട്ടർ റിപ്പയറിങ്​ കടയിൽ ജോലിക്ക്​ വിട്ടു. അവനെ സുഖമായി വീട്ടിലിരിക്കാൻ ഞാൻ അനുവദിക്കില്ല. അതുകൊണ്ടാണ്​ മകൻ സ്​കൂട്ടർ റിപ്പയറിങ്​ ഷോപ്പിൽ ജോലി​ക്കയച്ചത്​. പണമുണ്ടാക്കുന്നതിൻെറ ബുദ്ധിമുട്ട്​ അവൻ തിരിച്ചറിയ​ട്ടെ. മകൻെറ ഭാവി പഠനത്തിനായി ശേഖരിച്ച പണമാണ്​ അവൻ ഗെയിം കളിച്ച്​ നശിപ്പിച്ചത്​. ഇനിയെന്താവുമെന്ന്​ തനിക്കറിയില്ലെന്നും കുട്ടിയുടെ പിതാവ്​ പറഞ്ഞു.