സിന്ധു നേടിയ 'സ്വർണമെഡൽ' പിടിക്കുന്നത്​ എന്തൊരനുഭവമെന്ന്​ രാധിക; മാഡം.. അത്​ സ്വർണമല്ല, വെങ്കലമാണെന്ന്​ തിരുത്തി നെറ്റിസൺസ്​

ഹൈദരാബാദ്​: ടോക്യോ ഒളിമ്പിക്​സിൽ ബാഡ്​മിന്‍റണിൽ വെങ്കലമെഡൽ നേടിയ ഇന്ത്യയുടെ അഭിമാനതാരം പി.വി. സിന്ധുവിനെ അഭിനന്ദിക്കാനെത്തിയതായിരുന്നു നടി രാധിക ശരത്​കുമാർ. തെലുങ്ക്​ സിനിമയിലെ സൂപ്പർതാരം ചിരഞ്​ജീവിക്കൊപ്പമാണ്​ രാധിക സിന്ധുവിനെ അഭിവാദ്യം ചെയ്യാൻ എത്തിയത്​​. അഭിനന്ദിക്കാനെത്തിയശേഷം സിന്ധു നേടിയ മെഡൽ പിടിച്ച്​ ഫോ​ട്ടോക്ക്​ പോസ്​ ചെയ്​ത രാധിക ആ ഫോ​ട്ടോ ട്വിറ്ററിൽ പോസ്​റ്റ്​ ചെയ്യുകയും ചെയ്​തു. എന്നാൽ, പടത്തിന്​ നൽകിയ വിശദീകരണത്തോടെ ട്വീറ്റ്​ 'വൈറലായി'.

'നല്ല മനുഷ്യസ്​​േനഹിയും സുഹൃത്തുമായ ചിരഞ്​ജീവി ഒരുക്കിയ അഭിനന്ദന ചടങ്ങിൽവെച്ച്​ പി.വി. സിന്ധുവിനെ കണ്ടുമുട്ടാൻ കഴിഞ്ഞതിൽ ഏറെ അഭിമാനം. നമ്മുടെ രാജ്യത്തിനുവേണ്ടി സിന്ധു പൊരുതി നേടിയ നേടിയ 'സ്വർണമെഡൽ' പിടിക്കുന്നത്​ എന്തൊരനുഭവമാണ്​' -#OlympicGold എന്ന ഹാഷ്​ടാഗിനൊപ്പം രാധിക ട്വീറ്റ്​ ചെയ്​തതിങ്ങനെ.

ഇതിന്​ പിന്നാലെ ആരാധകരും ട്വിറ്ററാറ്റികളും നടിയെ തിരുത്തി രംഗത്തെത്തി. സിന്ധു നേടിയ വെങ്കലമെഡൽ സ്വർണമെന്ന്​ തെറ്റായി ചേർത്തത്​ ചൂണ്ടിക്കാട്ടി നിരവധി പേരാണ്​ ഈ ട്വീറ്റിന്​ കമന്‍റ​ു ചെയ്​തത്​. 'മാഡം..അത്​ വെങ്കലമാണ്​. അടിസ്​ഥാനപരമായ കാര്യങ്ങൾ പോലും അറിയാതെ നിങ്ങൾ എന്തിനാണ്​ ഒരു ജേതാവിനെ സന്ദർശിക്കാൻ ഇറങ്ങിപ്പുറപ്പെടുന്നത്​?' എന്നായിരുന്നു കമന്‍റുകളിലൊന്ന്​. 'സിന്ധുവിനെ സ്വർണം എന്ന്​ അവർ വിശേഷിപ്പിച്ചതാണ്​' എന്ന്​ മറ്റൊരു കമന്‍റിൽ പരിഹാസം. 'ട്വീറ്റ്​ ചെയ്യു​േമ്പാൾ അൽപം ശ്രദ്ധയൊക്കെ ആവാം', 'വെളിച്ചമടിച്ചപ്പോൾ വെങ്കലം സ്വർണം പോലെ തോന്നിയതാവാം' 'വെങ്കലമെഡലിൽ സ്വർണം പൂശിയിട്ടുണ്ടാവും' തുടങ്ങി നിരവധി കമന്‍റുകളാണ്​ രാധികയെ ട്രോളി ട്വീറ്റിനുകീഴിൽ പ്രത്യക്ഷപ്പെട്ടത്​.