ചൂടേറി റായ്ബറേലി

ഘ​ണ്ഡാ ഘ​ർ ചൗ​രാ​ഹ (നാ​ൽ ക​വ​ല) മു​ത​ൽ റാ​യ്ബ​റേ​ലി ജി​ല്ല കോ​ട​തി വ​രേ​യു​ള്ള റോ​ഡി​നോ​ര​ങ്ങ​ളി​ൽ വി​ൽ​പ​ന​ക്ക് വെ​ച്ചി​രി​ക്കു​ന്ന പ​ച്ച​ക്ക​റി​ക​ളി​ലും പ​ഴ​ങ്ങ​ളി​ലും കൂ​ടെ ത​ങ്ങ​ളു​ടെ ത​ല​യി​ലും വെ​ള്ളം ത​ളി​ച്ചു​കൊ​ണ്ടി​രി​ക്കു​ക​യാ​ണ് വ​ഴി​യോ​ര ക​ച്ച​വ​ട​ക്കാ​ർ. തൂ​വെ​ള്ള തു​ണി​ക​ൾ കൊ​ണ്ട് ത​ല​യും മു​ഖ​വും ചു​റ്റി​ക്കെ​ട്ടി​യാ​ണ് ചൂ​ടു​കാ​ല​ത്ത് ഉ​ത്ത​രേ​ന്ത്യ​യി​ൽ ജ​നം പു​റ​ത്തി​റ​ങ്ങാ​റു​ള്ള​ത്. മു​ഴു​ക്കൈ കു​പ്പാ​യ​ങ്ങ​ളും കൈ​യു​റ​ക​ളും ധ​രി​ച്ചും ര​ണ്ട് ക​ണ്ണൊ​ഴി​ച്ച് മു​ഖ​വും ത​ല​യു​മൊ​ന്നാ​കെ വ​രി​ഞ്ഞു​കെ​ട്ടി​യും സൂ​ര്യാ​ത​പ​മേ​ൽ​ക്കാ​തെ നോ​ക്കു​ക​യാ​ണ് ജ​നം. കൊ​ടും താ​പ​ത്തി​ൽ എ​രി​പൊ​രി കൊ​ണ്ട് ജ​നം പു​റ​ത്തി​റ​ങ്ങാ​ൻ മ​ടി​ക്കു​​​മ്പോ​ഴും ജി​ല്ല കോ​ട​തി വ​ള​പ്പി​ലും അ​തി​ന​ഭി​മു​ഖ​മാ​യി നി​ൽ​ക്കു​ന്ന കോ​ൺ​ഗ്ര​സ് ഓ​ഫി​സി​ലും ഒ​രു പോ​ലെ തി​ര​ക്ക്.

ത​ല​ക്ക് മു​ക​ളി​ൽ ക​ത്തി നി​ൽ​ക്കു​ന്ന ഉ​ച്ച​വെ​യി​ലി​നെ ത​ടു​ക്കാ​ൻ പ്ര​ചാ​ര​ണ​ത്തി​നി​റ​ങ്ങു​ന്ന പ്ര​വ​ർ​ത്ത​ക​ർ​ക്ക് തൂ​വെ​ള്ള തു​ണി​ക​ൾ വി​ത​ര​ണം ചെ​യ്തു​കൊ​ണ്ടി​രി​ക്കു​ക​യാ​ണ് റാ​യ്ബ​റേ​ലി ടൗ​ൺ കോ​ൺ​ഗ്ര​സ് ക​മ്മി​റ്റി സെ​ക്ര​ട്ട​റി സ​ത്യേ​ന്ദ്ര ശ്രീ​വാ​സ്ത​വ. ഇ​ത്ര​യും നാ​ൾ റാ​യ്ബ​റേ​ലി മ​ണ്ഡ​ല​ത്തി​ന്റെ എം.​പി​യാ​യി​രു​ന്ന സോ​ണി​യ ഗാ​ന്ധി​യു​ടെ ഓ​ഫി​സി​ന് മു​ന്നി​ലാ​ണ് വി​ത​ര​ണം. കൊ​ടും​ചൂ​ടി​ലും പ്ര​വ​ർ​ത്ത​ക​രു​ടെ ആ​വേ​ശ​ത്തി​ന് ഒ​രു കു​റ​വു​മി​ല്ല​ല്ലോ​യെ​ന്ന് ചൂ​ണ്ടി​ക്കാ​ട്ടി​യ​പ്പോ​ൾ ഭൂ​രി​പ​ക്ഷം കൂ​ട്ടാ​നു​ള്ള ഈ ​തി​ര​ക്കി​നി​ട​യി​ൽ ചൂ​ട് നോ​ക്കാ​നെ​വി​ടെ നേ​ര​മെ​ന്ന് ശ്രീ​വാ​സ്ത​വ തി​രി​ച്ചു​ചോ​ദി​ച്ചു. ചൂ​ട് ഇ​ൻ​ഡ്യ സ​ഖ്യ​ത്തി​ന്റെ പ്ര​വ​ർ​ത്ത​ക​രെ ബാ​ധി​ച്ചി​ട്ടി​ല്ല. ഗാ​ന്ധി കു​ടും​ബ​വും റാ​യ്ബ​റേ​ലി​യും ത​മ്മി​ൽ നു​റ്റാ​ണ്ടോ​ളം പ​ഴ​ക്ക​മു​ള്ള ഹൃ​ദ​യ ബ​ന്ധം ഈ ​തെ​ര​ഞ്ഞെ​ടു​പ്പ് ഊ​ട്ടി​യു​റ​പ്പി​ക്കും. ഉ​ത്ത​ർ​പ്ര​ദേ​ശി​ലെ പ്ര​തി​കൂ​ല രാ​ഷ്ട്രീ​യ സാ​ഹ​ച​ര്യ​ത്തി​നി​ട​യി​ൽ പോ​ലും 2019ൽ ​സോ​ണി​യ ഗാ​ന്ധി​യെ ഞ​ങ്ങ​ൾ ജ​യി​പ്പി​ച്ചു​വി​ട്ട​താ​ണ്. 2019ൽ ​എ​ന്തു​മാ​ത്രം വെ​ല്ലു​വി​ളി​ക​ൾ അ​തി​ജീ​വി​ച്ചാ​ണ് സോ​ണി​യ​ഗാ​ന്ധി റാ​യ്ബ​റേ​ലി നി​ല​നി​ർ​ത്തി​യ​തെ​ന്ന് ആ​ലോ​ചി​ക്കാ​ൻ പോ​ലു​മാ​കി​ല്ല. എ​ന്നി​ട്ടും ശ്രീ​മ​തി ഗാ​ന്ധി​യെ തെ​റ്റി​ല്ലാ​ത്ത ഭൂ​രി​പ​ക്ഷ​ത്തി​ന് ഞ​ങ്ങ​ൾ ലോ​ക്സ​ഭ​യി​ലെ​ത്തി​ച്ചു. രാ​ഹു​ൽ ഗാ​ന്ധി പ​ത്രി​ക സ​മ​ർ​പ്പി​ച്ച​തോ​ടെ റാ​യ്ബ​റേ​ലി​യി​ലെ ജ​ന​ങ്ങ​ൾ​ക്കും ഗാ​ന്ധി കു​ടും​ബ​ത്തി​നു​മി​ട​യി​ൽ ഒ​രു ത​ര​ത്തി​ലു​ള്ള ആ​ശ​യ​ക്കു​ഴ​പ്പ​വു​മി​ല്ല. ​രാ​ഹു​ൽ ഗാ​ന്ധി 101 ശ​ത​മാ​ന​വും ജ​യ​മു​റ​പ്പി​ച്ച മ​ണ്ഡ​ല​ത്തി​ൽ ഭൂ​രി​പ​ക്ഷം നാ​ല് ല​ക്ഷ​ത്തി​ന​പ്പു​റം ക​ട​ത്തു​ക​യാ​ണ് ല​ക്ഷ്യം. ഗാ​ന്ധി​കു​ടും​ബ​ത്തെ ഈ ​മ​ണ്ഡ​ലം ഇ​പ്പോ​ഴും ഹൃ​ദ​യ​ത്തോ​ട് ചേ​ർ​ത്തു​ന്നു​വെ​ന്ന് തെ​ര​ഞ്ഞെ​ടു​പ്പ് ഫ​ലം തെ​ളി​യി​ക്കു​മെ​ന്നും ശ്രീ​വാ​സ്ത​വ പ​റ​ഞ്ഞു.

ശ്രീ​വാ​സ്ത​വ പ​റ​യു​ന്ന​ത് സാ​ധൂ​ക​രി​ക്കു​ന്ന ത​ര​ത്തി​ലാ​ണ് റാ​യ്ബ​റേ​ലി​യി​ലെ കാ​ഴ്ച​ക​ളും സം​സാ​ര​ങ്ങ​ളും. വീ​ടു​ക​ൾ​ക്കും കെ​ട്ടി​ട​ങ്ങ​ൾ​ക്കും മു​ക​ളി​ൽ അ​വി​ട​വി​ടെ പാ​റി​ക്ക​ളി​ക്കു​ന്ന കോ​ൺ​ഗ്ര​സ് പ​താ​ക​ക​ൾ. അ​വ​ക്കി​ട​യി​ൽ അ​പൂ​ർ​വ​മാ​യ ബി.​ജെ.​പി പ​താ​ക​ക​ൾ. രാ​മ​​ക്ഷേ​ത്ര പ്രാ​ണ​പ്ര​തി​ഷ്ഠ​ക്കും ശ്രീ​രാ​മ ന​വ​മി​ക്കും ഉ​യ​ർ​ത്തി​യ കാ​വി​ക്കൊ​ടി​ക​ൾ പ​ല​യി​ട​ങ്ങ​ളി​ലും കി​ട​പ്പു​ണ്ട്.

വ​യ​നാ​ട്ടി​ൽ ജ​യ​മു​റ​പ്പി​ച്ച രാ​ഹു​ൽ ഗാ​ന്ധി റാ​യ്ബ​റേ​ലി കൂ​ടി ജ​യി​ച്ചാ​ൽ പി​ന്നെ​ന്തു ചെ​യ്യു​മെ​ന്ന കാ​ര്യ​ത്തി​ൽ ഓ​ഫി​സി​ലു​ള്ള ഒ​രാ​ൾ​ക്കു പോ​ലും സം​ശ​യ​മി​ല്ല. ഉ​പ​തെ​ര​ഞ്ഞെ​ടു​പ്പ് വ​യ​നാ​ട്ടി​ലാ​യി​രി​ക്കും ന​ട​ക്കു​ക​യെ​ന്നും അ​വ​ർ ത​റ​പ്പി​ച്ചു​പ​റ​യു​ന്നു. റാ​യ്ബ​റേ​ലി നി​ല​നി​ർ​ത്തു​ന്ന രാ​ഹു​ൽ ഗാ​ന്ധി പ്ര​ധാ​ന​മ​ന്ത്രി​യാ​യി അ​ധി​കാ​ര​മേ​ൽ​ക്കു​മെ​ന്നും 37ാം വാ​ർ​ഡ് കോ​ൺ​ഗ്ര​സ് ക​മ്മി​റ്റി പ്ര​സി​ഡ​ന്റ് യ​ഗ്ദേ​വ് ശ​ർ​മ പ​റ​യു​​മ്പോ​ൾ ശ്രീ​വാ​സ്ത​വ അ​ട​ക്ക​മെ​ല്ലാ​വ​രും ത​ല​യാ​ട്ടി ശ​രി​വെ​ക്കു​ന്നു. റാ​യ്ബ​റേ​ലി​യി​ൽ രാ​ഹു​ൽ രാ​ജി​വെ​ച്ച് ഉ​പ തെ​ര​ഞ്ഞെ​ടു​പ്പി​ൽ പ്രി​യ​ങ്ക വ​രു​ക​യാ​ണെ​ങ്കി​ലോ എ​ന്ന് ചോ​ദി​ച്ച​​പ്പോ​ൾ ഗാ​ന്ധി കു​ടും​ബ​ത്തി​ൽ​നി​ന്ന് ആ​രു വേ​ണ​മെ​ന്ന് റാ​യ്ബ​റേ​ലി തീ​രു​മാ​നി​ക്കു​മെ​ന്നാ​യി മ​ന​സ്സി​ള​കി​യ ശ​ർ​മ​യും പ്ര​വ​ർ​ത്ത​ക​രും.

65 സീ​റ്റി​ൽ​നി​ന്ന് ബി.​ജെ.​പി​യെ 45ലേ​ക്ക് താ​ഴ്ത്താ​നു​ള്ള പ​രി​ശ്ര​മ​ത്തി​ലാ​ണ് കോ​ൺ​ഗ്ര​സ് - സ​മാ​ജ് വാ​ദി പാ​ർ​ട്ടി പ്ര​വ​ർ​ത്ത​ക​ർ എ​ന്ന് യ​ഗ്ദേ​വ് ശ​ർ​മ പ​റ​ഞ്ഞു. ഇ​തി​ന് മു​മ്പും കോ​ൺ​ഗ്ര​സും എ​സ്.​പി​യും സ​ഖ്യ​മു​ണ്ടാ​യി​രു​​ന്നു​വെ​ങ്കി​ലും ഇ​രു​പാ​ർ​ട്ടി​യി​ലെ​യും പ്ര​വ​ർ​ത്ത​ക​ർ ഇ​തു​പോ​ലെ മ​ണ്ണി​ലി​റ​ങ്ങി ഒ​രു​മി​ച്ച് പ​ണി​യെ​ടു​ത്തി​രു​ന്നി​ല്ല. 30നും 40​നും സീ​റ്റി​നു​മി​ട​യി​ൽ ഇ​ൻ​ഡ്യ സ​ഖ്യം നേ​ടു​മെ​ന്നും പ്ര​ധാ​ന​മ​ന്ത്രി​യു​ടെ പ്ര​സം​ഗ​ങ്ങ​ൾ ഇ​ൻ​ഡ്യ​ക്ക് കൂ​ടു​ത​ൽ അ​നു​കൂ​ല സാ​ഹ​ച​ര്യ​മൊ​രു​ക്കു​ക​യാ​ണെ​ന്നും ശ​ർ​മ പ​റ​ഞ്ഞു.