റഫാൽ: സി.എ.ജി റിപ്പോർട്ട്​ നാളെ രാഷ്​ട്രപതിക്ക്​ സമർപ്പിച്ചേക്കും

ന്യൂഡൽഹി: റഫാൽ ഇടപാട്​ സംബന്ധിച്ച സി.എ.ജി റിപ്പോർട്ട്​ തിങ്കളാഴ്​ച രാഷ്​ട്രപതിക്ക്​ സമർപ്പിക്കുമെന്ന്​ സൂ ചന​. വെള്ളിയാഴ്​ച തന്നെ റിപ്പോർട്ട്​ പൂർത്തിയായതായാണ്​ വിവരം​. ബുധനാഴ്​ച റിപ്പോർട്ട്​ പാർലമ​​​​െൻറിൽ വെക് കും.

റിപ്പോർട്ടി​​​​​െൻറ ഒരു പകർപ്പ്​ കേന്ദ്ര സർക്കാരിന്​ കൈമാറിയതിന്​ ശേഷമായിരിക്കും പാർലമ​​​​െൻറി​​​​​െൻറ ഇരുസഭകളിലും വെക്കുക. ഇതിനായി രാഷ്​ട്രപതി ഭവൻ റിപ്പോർട്ട്​ ലോക്​സഭാ സ്​പീക്കർക്കും രാജ്യസഭാ അധ്യക്ഷനും കൈമാറും.

ഇടപാടിൽ പ്രതിപക്ഷം ആരോപണങ്ങൾ ഉന്നയിച്ച പശ്ചാത്തലത്തില്‍ റിപ്പോര്‍ട്ടിന് വലിയ പ്രാധാന്യമാണുള്ളത്​. റഫാല്‍ യുദ്ധവിമാന ഇടപാടിൽ പ്രധാനമന്ത്രിയുടെ ഒാഫീസ്​ സമാന്തര ഇടപെടൽ നടത്തിയ വിവരം കേന്ദ്രസര്‍ക്കാർ സുപ്രീംകോടതിയിൽ മറച്ചുവെച്ചു എന്ന സൂചനയും പുറത്തായി. ഫ്രഞ്ച് കമ്പനിയുമായി പ്രധാനമന്ത്രിയുടെ ഒാഫീസ്​ സമാന്തര ചര്‍ച്ച നടത്തിയതി​​​​​െൻറ തെളിവുകള്‍ കഴിഞ്ഞ ദിവസം പുറത്തുവന്നിരുന്നു.