തെലങ്കാനയിൽ ‘വിജയഭേരി യാത്ര’ക്ക് തുടക്കമിട്ട് രാഹുലും പ്രിയങ്കയും

മു​ളു​ഗു (തെ​ല​ങ്കാ​ന): കോ​ൺ​ഗ്ര​സ് വി​ജ​യ​പ്ര​തീ​ക്ഷ​യ​ർ​പ്പി​ക്കു​ന്ന തെ​ല​ങ്കാ​ന​യി​ൽ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി കോ​ൺ​ഗ്ര​സ് നേ​താ​ക്ക​ളാ​യ രാ​ഹു​ൽ ഗാ​ന്ധി​യും പ്രി​യ​ങ്ക ഗാ​ന്ധി​യു​മെ​ത്തി. മൂ​ന്നു ദി​വ​സ​ത്തെ സ​ന്ദ​ർ​ശ​ന​ത്തി​നി​ടെ ബ​സ് യാ​ത്ര (വി​ജ​യ​ഭേ​രി യാ​ത്ര)​യ​ട​ക്കം വി​പു​ല​മാ​യ പ്ര​ചാ​ര​ണ പ​രി​പാ​ടി​ക​ളാ​ണ് കോ​ൺ​ഗ്ര​സ് ആ​സൂ​ത്ര​ണം​ചെ​യ്ത​ത്.

ബു​ധ​നാ​ഴ്ച ഉ​ച്ച​ക്കു​ശേ​ഷം ഡ​ൽ​ഹി​യി​ൽ​നി​ന്ന് പ്ര​​ത്യേ​ക വി​മാ​ന​ത്തി​ലാ​ണ് ഇ​രു​വ​രും ഹൈ​ദ​രാ​ബാ​ദി​ലെ ബീ​ഗം​പേ​ട്ട് വി​മാ​ന​ത്താ​വ​ള​ത്തി​ലെ​ത്തി​യ​ത്. മു​ളു​ഗു​വി​ലേ​ക്ക് ഹെ​ലി​കോ​പ്ട​റി​ലാ​ണ് വ​ന്ന​ത്. മു​ളു​ഗു​വി​ലെ ച​രി​ത്ര​പ്ര​സി​ദ്ധ​മാ​യ രാ​മ​പ്പ ക്ഷേ​ത്ര​ത്തി​ൽ രാ​ഹു​ലും പ്രി​യ​ങ്ക​യും ദ​ർ​ശ​നം ന​ട​ത്തി. കോ​ൺ​ഗ്ര​സി​ന്റെ പ്ര​ക​ട​ന​പ​ത്രി​ക ഇ​രു​വ​രും പൂ​ജി​ച്ചു.

യു​ന​സ്കോ​യു​ടെ പൈ​തൃ​ക​പ​ട്ടി​ക​യി​ലു​ള്ള രാ​മ​പ്പ ക്ഷേ​ത്ര​ത്തി​ലെ അ​ധി​കാ​രി​ക​ൾ ഇ​രു​വ​രെ​യും സ്വീ​ക​രി​ച്ചു. ‘വി​ജ​യ​ഭേ​രി യാ​ത്ര’​ക്കു തു​ട​ക്ക​മി​ട്ട രാ​ഹു​ൽ മു​ളു​ഗു​വി​ൽ പൊ​തു​യോ​ഗ​ത്തി​ൽ സം​സാ​രി​ച്ചു. ബി.ആർ.എസും ബി.ജെ.പിയും എ.ഐ.എം.ഐ.എമ്മും കോൺഗ്രസിനെ തോൽപ്പിക്കാൻ ഒരുമിച്ച് ശ്രമിക്കുകയാണെന്ന് രാഹുൽ പറഞ്ഞു. ബി.ആർ.എസിന് വോട്ട് ചെയ്താൽ അത് ബി.ജെ.പിക്ക് ചെയ്യുന്നതിന് തുല്യമാണെന്നും രാഹുൽ പറഞ്ഞു. പ്രി​യ​ങ്ക രാ​ത്രി​യോ​ടെ തി​രി​ച്ചു​പോ​യി. ഭൂ​പാ​ൽ​പ​ള്ളി വ​രെ 30 കി​ലോ​മീ​റ്റ​റാ​ണ് ആ​ദ്യ​ദി​ന​ത്തി​ലെ ബ​സ് യാ​ത്ര.

മൂ​ന്നു ദി​വ​സ​ത്തെ രാ​ഹു​ലി​ന്റെ പ​ര്യ​ട​ന​ത്തി​ൽ എ​ട്ടു നി​യോ​ജ​ക മ​ണ്ഡ​ല​ങ്ങ​ളി​ൽ പ്ര​ചാ​ര​ണം കൊ​ഴു​പ്പി​ക്കാ​നാ​ണ് കോ​ൺ​ഗ്ര​സ് ഉ​ദ്ദേ​ശി​ക്കു​ന്ന​ത്. വ്യാ​ഴാ​ഴ്ച ഖ​നി തൊ​ഴി​ലാ​ളി​ക​ളു​മാ​യി കൂ​ടി​ക്കാ​ഴ്ച ന​ട​ത്തും. ക​രീം​ന​ഗ​റി​ല​ട​ക്കം പൊ​തു​യോ​ഗ​വും സം​ഘ​ടി​പ്പി​ച്ചി​ട്ടു​ണ്ട്. വെ​ള്ളി​യാ​ഴ്ച ക​രി​മ്പ്, മ​ഞ്ഞ​ൾ ക​ർ​ഷ​ക​രു​മാ​യി രാ​ഹു​ൽ കൂ​ടി​ക്കാ​ഴ്ച ന​ട​ത്തും.