‘പഴം നിലനിൽപ്പിന്​ ഹാനികരം’; രണ്ട് വാഴപ്പഴത്തി​െൻറ ബിൽ കണ്ട്​ ഞെട്ടി രാഹുൽ ​േബാസ്​

റാഞ്ചി: പഞ്ചനക്ഷത്ര ഹോട്ടലിൽ നിന്ന്​ രണ്ട്​ പഴം വാങ്ങിയതിൻെറ ബിൽ കണ്ട്​ ഞെട്ടി നടൻ രാഹുൽ ബോസ്. താരം ഓർഡർ ചെയ ്​ത രണ്ട്​ റോബസ്​റ്റ പഴത്തിന്​ ഈടാക്കിയിരിക്കുന്നത്​ 442.50 രൂപയാണ്​.​ ചണ്ഡിഗഢിൽ ഷൂട്ടി​ങ്ങിനെത്തിയ താരം താമസി ച്ച ജെ.ഡബ്ല്യു​ മാരിയറ്റ്​ ഹോട്ടലുകാരാണ്​ രണ്ട്​ പഴത്തിന്​ 450 രൂപ വില ഈടാക്കിയത്​.

‘‘നിങ്ങൾ ഇത്​ വിശ്വസിക് കണമെങ്കിൽ ഈ ബിൽ തീർച്ചയായും കാണേണ്ടി വരും. ​പഴങ്ങൾ നമ്മുടെ നിലനിൽപ്പിന്​ ഹാനികരമല്ലെന്ന്​ ആരാണ്​ പറഞ്ഞത്​.’’- രാഹുൽ ബോസ്​ ട്വിറ്ററിൽ ബില്ലി​​​െൻറ ദൃശ്യമുൾപ്പെടെ പങ്കുവെച്ചു.

You have to see this to believe it. Who said fruit wasn’t harmful to your existence? Ask the wonderful folks at @JWMarriottChd #goingbananas #howtogetfitandgobroke #potassiumforkings pic.twitter.com/SNJvecHvZB

— Rahul Bose (@RahulBose1) July 22, 2019

വ്യായാമത്തിനുശേഷം താരം ഹോട്ടൽ മുറിയിലേക്ക്​ രണ്ട്​ പഴങ്ങൾ ഓർഡർ ചെയ്യുകയായിരുന്നു. പഴത്തിനൊപ്പമെത്തിയ ബില്ല്​ കണ്ടാണ്​ അദ്ദേഹം ഞെട്ടിയത്​. 375 രൂപയാണ് രണ്ട് പഴങ്ങളുടെ വില. ജി.എസ്.ടി കൂടി ചേര്‍ക്കുമ്പോള്‍ 442.50 രൂപയെന്ന്​ ബില്ലിൽ അച്ചടിച്ചിട്ടുണ്ട്​.

ബോസി​​​െൻറ വിഡിയോ നിരവധി പേർ പങ്കുവെച്ചിട്ടുണ്ട്​. എന്നാൽ സിനിമാതാരങ്ങളെ പോലെ പണം പ്രശ്​നമല്ലാത്തവരാണ്​ മാരിയറ്റ്​ പോലുള്ള പഞ്ചനക്ഷത്ര ഹോട്ടലുകളിൽ താമസിക്കുകയെന്നും അതിനാൽ ബില്ല്​ കാര്യമാ​ക്കേണ്ടതില്ലെന്നുമാണ്​ ഭൂരിഭാഗം പേരും അഭിപ്രായപ്പെട്ടിരിക്കുന്നത്​.