''എല്ലാ വിശ്വാസത്തിലുള്ളവരെയും ഒരുമിപ്പിക്കുകയാണ്​ എ​െൻറ ജീവിത ലക്ഷ്യം''; സ്​റ്റിഗ്​ ലിറ്റ്​സിനെ ശരിവെച്ച്​ രാഹുൽ

വാഷിങ്​ടൺ: അമേരിക്കൻ സാമ്പത്തിക ശാസ്​ത്രജ്​ഞനും നൊബേൽ ജേതാവുമായ ജോസഫ്​ സ്​റ്റിഗ്​ ലിറ്റ്സി​െൻറ അഭിപ്രായത്തോട്​ യോജിച്ച്​ കോൺഗ്രസ്​ നേതാവ്​ രാഹുൽ ഗാന്ധി​. ന​രേന്ദ്ര​ മോദി സർക്കാർ ഹിന്ദുക്കളെയും മുസ്​ലിംകളെയും തമ്മിലടിപ്പിക്കുന്നെന്നും അത്​ ഇന്ത്യയെ എന്നെന്നേക്കുമായി നശിപ്പിക്കുമെന്നും സ്​റ്റിഗ്​ ലിറ്റ്സ്​ അഭിപ്രായപ്പെട്ടിരുന്നു. ഫെഡറേഷൻ ഓഫ്​ ഇന്ത്യൻ ചേംബേഴ്​സ്​ ഓഫ്​ കൊമേഴ്​സ്​ ആൻഡ്​ ഇൻഡസ്​ട്രിയുടെ വെബ്​ കോൺഫറൻസിൽ സംസാരിക്കവേയായിരുന്നു​​സ്​റ്റിഗ്​ ലിറ്റ്​സി​െൻറ പ്രതികരണം.

''സ്​റ്റിഗ്​ലിറ്റ്​സി​െൻറ അഭിപ്രായത്തോട്​ ഞാൻ യോജിക്കുന്നു. ഈ മണ്ണിൽ എല്ലാ വി​ശ്വാസത്തിലുള്ളവരെയും ഒരുമിച്ച്​ കൊണ്ടുവരികയാണ്​ എ​െൻറ ജീവിത ലക്ഷ്യം'' -രാഹുൽ ഗാന്ധി ട്വീറ്റ്​ ചെയ്​തു.

ഇന്ത്യയുടെ കഴിഞ്ഞ 250 വർഷത്തെ സാമ്പത്തിക പുരോഗതിയുടെ കാരണം സഹിഷ്​ണുതയും ബഹുസ്വരതയുമാണ്​. ഇന്ത്യ ചെയ്യേണ്ടതി​െൻറ നേർവിപരീതമാണ്​ വിഭജന രാഷ്​ട്രീയം. മോദി ഇന്ത്യ​യെ വിഭജിക്കാൻ ശ്രമിച്ചുകൊണ്ടിരിക്കുന്നു. മുസ്​ലിംകളെയും ഹിന്ദുക്കളെയും തമ്മിലടിപ്പിക്കുന്നു. ഇത്​ സാമൂഹിക-സാമ്പത്തിക വ്യവസ്ഥയെ തകർക്കും. അടിസ്ഥാന സ്വഭാവത്തിൽ നടക്കുന്ന ഈ വിഭജനം ഇന്ത്യയെ എന്നെന്നേക്കുമായി നശിപ്പിക്കുമെന്നും സ്​റ്റിഗ്​ ലിറ്റ്​സ്​ പ്രതികരിച്ചു.

ഇന്ത്യയും അമേരിക്കയും ബ്രസീലുമടക്കമുള്ള രാജ്യങ്ങൾ കോവിഡിനെ പ്രതിരോധിക്കുന്നതിൽ സമ്പൂർണ പരാജയമാണ്​. എന്തുചെയ്യരുതെന്നതി​െൻറ ഉത്തമ ഉദാഹരമാണ്​ ഇന്ത്യ. ഇന്ത്യപോലുള്ള ഒരു ദരിദ്രരാജ്യത്ത്​ ലോക്​ഡൗൺ ​പ്രഖ്യാപിക്കു​േമ്പാൾ കൂടുതൽ ചിന്തിക്കേണ്ടിയിരുന്നു. ആളുകൾ എങ്ങനെ ജീവിക്കുമെന്ന്​ മനസ്സിലാക്കേണ്ടിയിരുന്നു. പകർച്ച വ്യാധിയെ തുരത്താതെ സാമ്പത്തിക ശക്തി വീണ്ടെടുക്കാൻ കഴിയാത്തതിനാൽ ഇന്ത്യ പ്രതിരോധ പ്രവർത്തനങ്ങളിൽ ​ശ്രദ്ധ കേന്ദ്രീക്കണം -സ്​റ്റിഗ്​ ലിറ്റ്​സ്​ കൂട്ടിച്ചേർത്തു

പൊതുനയ വിദഗ്​ധൻ കൂടിയയ സ്​റ്റിഗ്​ ലിറ്റ്​സ്​ അമേരിക്കയിലെ കൊളംബിയ സർവകലാശാലയിലെ ​പ്രൊഫസറാണ്​. ലോകബാങ്കി​െൻറ സീനിയർ വൈസ്​ പ്രസിഡൻറും ചീഫ്​ ഇക്കണോമിസ്​റ്റുമായി സേവനമനുഷ്​ഠിച്ച സ്​റ്റിഗ്​ലിറ്റ്​സിന്​ 2001ലാണ്​ നോബേൽ സമ്മാനം ലഭിച്ചത്​.