‘ദുഃഖാചരണത്തിനിടെ പുതുവർഷം ആഘോഷിക്കാൻ രാഹുൽ വിയറ്റ്നാമിലേക്ക് പറന്നു’; വിമർശനവുമായി ബി.ജെ.പി

ന്യൂഡൽഹി: ലോക്സഭ പ്രതിപക്ഷ നേതാവ് രാഹുൽ ഗാന്ധി വിയറ്റ്നാം സന്ദർശനത്തിന് പോയെന്ന റിപ്പോർട്ടുകൾക്കിടെ വിമർശനവുമായി ബി.ജെ.പി രംഗത്ത്. രാജ്യത്ത്, മുൻ പ്രധാനമന്ത്രി മൻമോഹൻ സിങ്ങിന്റെ ദുഃഖാചരണം നടക്കുന്നതിനിടെ രാഹുൽ പുതുവർഷം ആഘോഷിക്കാൻ വിയറ്റ്നാമിലേക്ക് പറന്നുവെന്നും ഇത് മൻമോഹൻ സിങ്ങിനെ അവമതിക്കുന്നതിന് തുല്യമാണന്നും ബി.ജെ.പി നേതാക്കൾ പ്രതികരിച്ചു. എന്നാൽ യഥാർഥ പ്രശ്നങ്ങളിൽനിന്ന് ശ്രദ്ധതിരിക്കാനാണ് ബി.ജെ.പി ശ്രമിക്കുന്നതെന്നും രാഹുലിന്റേത് വ്യക്തിപരമായ യാത്രയാണെന്നും കോൺഗ്രസ് പ്രതികരിച്ചു. നേരത്തെ മൻമോഹൻ സിങ്ങിന്റെ സംസ്കാരവുമായി ബന്ധപ്പെട്ട് വിവാദങ്ങളുയർന്നിരുന്നു.

സിഖുകാർക്കെതിരെ കോൺഗ്രസ് വലിയ കലാപത്തിന് നേതൃത്വം നൽകിയിരുന്നുവെന്നും മൻമോഹൻ സിങ്ങിന്റെ മരണത്തെ അനാവശ്യമായി രാഹുൽ ഗാന്ധി രാഷ്ട്രീയവൽക്കരിക്കുകയാണെന്നും ബി.ജെ.പി നേതാവ് അമിത് മാളവ്യ എക്സിൽ കുറിച്ചു. 1984ലെ സിഖ് കലാപത്തെ അധികരിച്ചുകൊണ്ടായിരുന്നു അമിത് മാളവ്യയുടെ പോസ്റ്റ്. ഇതിനു മറുപടിയായി സംഘികൾ എന്നാണ് ‘ടേക്ക് ഡൈവേർഷൻ പൊളിറ്റിക്സ്’ അവസാനിപ്പിക്കുകയെന്ന് കോൺഗ്രസ് നേതാവ് മാണിക്കം ടാഗോർ എക്സിൽ കുറിച്ചു.

ഡോ. മൻമോഹൻ സിങ്ങിന്റെ സംസ്‌കാര ചടങ്ങുകളെ സംബന്ധിച്ച് വലിയ വിവാദമാണ് ഉയർന്നത്. ബി.ജെ.പിയുടെ കെടുകാര്യസ്ഥതയും അനാദരവുമാണ്, മുൻ പ്രധാനമന്ത്രി മൻമോഹൻ സിങ്ങിന് യമുനാ തീരത്ത് ഉചിതമായ സ്ഥലത്ത് സ്മാരകം നിഷേധിച്ചതിനു പിന്നിലെന്ന് കോൺഗ്രസ് ആരോപിച്ചു. എന്നാൽ സംസ്‌കാര ചടങ്ങുകളിൽ എല്ലാ പ്രോട്ടോക്കോളുകളും പാലിച്ചിട്ടുണ്ടെന്നും ഇതിനായി മൻമോഹൻ സിങ്ങിന്റെ കുടുംബത്തിന് മതിയായ സൗകര്യങ്ങൾ ഒരുക്കിയെന്നും വാദിച്ച ബി.ജെ.പി, ആരോപണങ്ങൾ തള്ളിക്കളഞ്ഞു.

ചി​താ​ഭ​സ്മ നി​മ​ജ്ജ​ന​ത്തി​ൽ പ​​​ങ്കെ​ടു​ക്കാ​ത്ത​ത് കു​ടും​ബ​ത്തി​​ന്റെ സ്വ​കാ​ര്യ​ത മാ​നി​ച്ച്

ന്യൂ​ഡ​ൽ​ഹി: അ​ന്ത​രി​ച്ച മു​ൻ പ്ര​ധാ​ന​മ​ന്ത്രി ഡോ. ​മ​ൻ​മോ​ഹ​ൻ സി​ങ്ങി​ന്റെ ചി​താ​ഭ​സ്മ നി​മ​ജ്ജ​ന​ത്തി​ൽ പ​ങ്കെ​ടു​ക്കാ​ത്ത​ത് സം​ബ​ന്ധി​ച്ച ബി.​ജെ.​പി ആ​രോ​പ​ണ​ത്തി​ൽ വി​ശ​ദീ​ക​ര​ണ​വു​മാ​യി കോ​ൺ​ഗ്ര​സ്. സം​സ്കാ​ര ച​ട​ങ്ങി​ൽ കു​ടും​ബ​ത്തി​ന് സ്വ​കാ​ര്യ​ത ല​ഭി​ക്കാ​ത്ത​തി​നാ​ലും, ചി​ത ഒ​രു​ക്കി​യ സ്ഥ​ല​ത്തി​ന​രി​കി​ലേ​ക്ക് ഒ​രു​പാ​ട് കു​ടും​ബാം​ഗ​ങ്ങ​ൾ​ക്ക് എ​ത്തി​പ്പെ​ടാ​ൻ ക​ഴി​യാ​ത്ത​തി​നാ​ലും ചി​താ​ഭ​സ്മ നി​മ​ജ്ജ​ന​ത്തി​ൽ കു​ടും​ബ​ത്തി​ന് സ്വ​കാ​ര്യ​ത ന​ൽ​കാ​നാ​യി​രു​ന്നു കോ​ൺ​ഗ്ര​സി​ന്റെ തീ​രു​മാ​ന​മെ​ന്ന് കോ​ൺ​​ഗ്ര​സ് ദേ​ശീ​യ വ​ക്താ​വ് പ​വ​ൻ ​ഖേ​ര പ​റ​ഞ്ഞു. ചി​താ​ഭ​സ്മ നി​മ​ജ്ജ​നം കു​ടും​ബാം​ഗ​ങ്ങ​ൾ​ക്ക് വൈ​കാ​രി​ക നി​മി​ഷ​മാ​യ​തി​നാ​ൽ അ​വ​രു​ടെ സ്വ​കാ​ര്യ​ത​ക്ക് ബ​ഹു​മാ​നം ന​ൽ​കു​ക​യാ​യി​രു​ന്നു. ച​ട​ങ്ങു​ക​ൾ​ക്കു ശേ​ഷം മു​തി​ർ​ന്ന നേ​താ​ക്ക​ളാ​യ സോ​ണി​യ ​ഗാ​ന്ധി​യും പ്രി​യ​ങ്ക ​ഗാ​ന്ധി​യും മ​ൻ​മോ​ഹ​ൻ സി​ങ്ങി​ന്റെ കു​ടും​ബ​ത്തെ അ​വ​രു​ടെ വ​സ​തി​യി​ലെ​ത്തി ക​ണ്ടി​രു​ന്നു​വെ​ന്ന് പ​വ​ൻ ​ഖേ​ര വ്യ​ക്ത​മാ​ക്കി.

അ​ന്തി​മോ​പ​ചാ​ര​ങ്ങ​ൾ നി​ഗം​ബോ​ധ്ഘ​ട്ടി​ലെ പൊ​തു​ശ്മ​ശാ​ന​ത്തി​ൽ ന​ട​ത്തി ബി.​ജെ.​പി അ​ദ്ദേ​ഹ​ത്തോ​ട് അ​നാ​ദ​ര​വ് കാ​ട്ടി. നി​ഗം​ബോ​ധ്ഘ​ട്ടി​ൽ ഒ​രു പ്ര​ധാ​ന​മ​ന്ത്രി​യു​ടെ​യും അ​ന്തി​മോ​പ​ചാ​രം ന​ട​ത്തി​യി​ട്ടി​ല്ല. സ​ർ​ക്കാ​റി​ന്റെ ഈ ​മ​നോ​ഭാ​വം സി​ഖ് സ​മൂ​ഹ​ത്തി​നെ​തി​രെ​യാ​ണോ കോ​ൺ​ഗ്ര​സി​നെ​തി​രെ​യാ​ണോ അ​തോ മ​ൻ​മോ​ഹ​ൻ സി​ങ്ങി​നെ​തി​രെ​യാ​ണോ​യെ​ന്നും പ​വ​ൻ ഖേ​ര ചോ​ദി​ച്ചു.