രാഹുൽ ഗാന്ധി ഇന്ന്​ 12 മണിക്ക്​ വീഡിയോ കോൺഫറൻസിലൂടെ പ്രാദേശിക മാധ്യമങ്ങളെ കാണും

ന്യൂഡൽഹി: മുൻ കോൺഗ്രസ്​ അധ്യക്ഷനും വയനാട്​ എം.പിയുമായ​ രാഹുൽ ഗാന്ധി ഇന്ന്​ ഉച്ചക്ക്​ 12 മണിക്ക്​ മാധ്യമങ്ങളെ കാണും. വിഡിയോ കോൺഫറൻസിങ്​ വഴിയാകും പ്രാദേശിക ചാനൽ മാധ്യമപ്രവർത്തകരുടെ ചോദ്യങ്ങൾക്ക്​  രാഹുൽ ഉത്തരം നൽകുക. രാഹുൽ ഗാന്ധിയുടെയും കോൺഗ്രസിൻെറയും സമുഹമാധ്യമ അക്കൗണ്ടുകളിലൂടെ വാർത്തസമ്മേളനം തത്സമയം സംപ്രേഷണം ചെയ്യും.  

I will be taking questions from the electronic regional news media at 12 noon today. You can watch the press conference LIVE right here on Twitter or on my YouTube channel: https://t.co/4WBysS69uG

On YouTube, please press the bell icon to subscribe to the channel

— Rahul Gandhi (@RahulGandhi) May 16, 2020

നേരത്തെയും ലൈവ്​ പത്രസമ്മേളനങ്ങളുമായി രാഹുൽ രംഗത്തെത്തിയിരുന്നു. ലോക്​ഡൗണിനെത്തുടർന്ന്​ താറുമാറായ  സാമ്പത്തിക രംഗംത്തെ പുനരുജ്ജീവിപ്പിക്കാൻ ആവശ്യമായ കാര്യങ്ങൾ വിദഗ്​ദരുമായി രാഹുൽ ചർച്ച ചെയ്​തിരുന്നു. റിസർവ്​ ബാങ്ക്​ മുൻ ഗവർണർ രഘുറാം രാജനുമായും നൊബേൽ പുരസ്​കാര ജേതാവ്​ അഭിജിത്​ ബാനർജിയുമായും​ രാഹുൽ നടത്തിയ സംവാദങ്ങൾക്ക്​ വൻ സ്വീകാര്യതയാണ്​ ലഭിച്ചത്​. ഏഴരക്കോടിയാളുകൾ ഈ സംവാദങ്ങൾ കണ്ടതായി കോൺഗ്രസ്​ പറയുന്നു.