‘ജെയ്റ്റ്‌ലി, പ്രഹസന നാടകം കൈയിലിരിക്ക​െട്ട’– പരിഹാസവുമായി രാഹുൽ

ന്യൂഡല്‍ഹി: മോദി സർക്കാറി​​​െൻറ കീഴിലുള്ള സാമ്പത്തിക വളർച്ചാ നിരക്കിനെ പരിഹസിച്ച്​  കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. പ്രസ് ഇന്‍ഫര്‍മേഷന്‍ ബ്യൂറോ ചൊവ്വാഴ്​ച പുറത്തുവിട്ട ജി.ഡി.പി വളർച്ച സംബന്ധിച്ച ട്വീറ്റി​നു താഴെയാണ്​ രാഹുലി​​​െൻറ വിമർശനം. ധനമന്ത്രി അരുൺ ജെയ്റ്റ്‌ലിക്കെതിരെയാണ്​ സിനിമാ ഡയലോഗുമായി രാഹുലി​​​െൻറ ട്വീറ്റ്​.  

കഴിഞ്ഞ മൂന്നു വര്‍ഷത്തെ യഥാര്‍ഥ ജി.ഡി.പി വളര്‍ച്ചാ ശരാശരി 7.5 ശതമാനം ആണെന്നാണ്​ ഗ്രാഫ്​ ഉൾപ്പെടെ  പ്രസ് ഇന്‍ഫര്‍മേഷന്‍ ബ്യൂറോ ട്വീറ്റ്​ ചെയ്​തത്​. ഹോളിവുഡ് സിനിമാ പരമ്പരയായ സ്റ്റാര്‍ വാര്‍സിലെ പ്രശസ്തമായ  ‘may the farce be with you’ എന്ന  ദ്വയാര്‍ത്ഥ പ്രയോഗത്തിലൂടെയാണ്​ രാഹുൽ ധനമന്ത്രി ജെയ്റ്റ്‌ലിയെ വിമർശിക്കുന്നത്​. "പ്രിയപ്പെട്ട മി. ജെയ്റ്റ്‌ലി പ്രഹസന നാടകം താങ്കളുടെ പക്കല്‍ത്തന്നെയിരിക്കട്ടെ’’ എന്നായിരുന്നു രാഹുലി​​​െൻറ ട്വീറ്റ്​.

Dear Mr. Jaitley, May the Farce be with you. pic.twitter.com/Dxb5jFCaEa

— Office of RG (@OfficeOfRG) October 25, 2017

സാമ്പത്തിക വളർച്ച നിരക്കിലുണ്ടായ ഇടിവ്​ താൽക്കാലികമാണെന്നും 2015-16 കാലയളവിൽ 8.2 ശതമാനം വളർച്ച കൈവരിച്ചിട്ടുണ്ടെന്നും പ്രസ്​ ഇൻഫർമേഷൻ ബ്യൂറോയുടെ ട്വീറ്റിൽ പറയുന്നു. 
മാന്ദ്യം നിലനിൽക്കെ രാജ്യത്തി​​​െൻറ സാമ്പത്തിക ഉത്തേജനം ലക്ഷ്യമാക്കി 9 ലക്ഷം കോടിയുടെ പദ്ധതി കഴിഞ്ഞ ദിവസം ജെയ്റ്റ്‌ലി പ്രഖ്യാപിച്ചിരുന്നു.