രാഹുൽ ഗാന്ധിയുടെ കാറിനരികിൽ കുറുവടിയുമായി ബൈക്ക് യാത്രികൻ; സുരക്ഷാ വീഴ്ച

ചണ്ഡീഗഢ്: ലോക്സഭ പ്രതിപക്ഷ നേതാവായ രാഹുൽ ഗാന്ധിയുടെ വാഹനവ്യൂഹം കടന്നുപോകുമ്പോൾ ഹരിയാനയിൽ വൻ സുരക്ഷാ വീഴ്ച. നിയമസഭ തെരഞ്ഞെടുപ്പ് പ്രചാരണത്തിനായി ഇന്ന് സംസ്ഥാനത്തെത്തിയപ്പോഴാണ് സംഭവം. രാഹുലിന്റെ വാഹനവ്യൂഹത്തിന് സമാന്തരമായി ബൈക്കിൽ കുറുവടിയുമായി ഒരാൾ സഞ്ചരിക്കുകയായിരുന്നു.

സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. രാഹുൽ ഗാന്ധിയുടെ വാഹനവ്യൂഹത്തിന് അരികിലൂടെയാണ് മോട്ടോർ സൈക്കിൾ ഓടിക്കുന്നത്. സംഭവം സുരക്ഷാ വീഴ്ചയുടെ ഉദാഹരണമാണെന്ന് നെറ്റിസൺസ് പറഞ്ഞു. മാധ്യമങ്ങളും മറ്റും വാഹനവ്യൂഹത്തിൻ്റെ യാത്ര ചിത്രീകരിക്കുന്നതിനിടെയാണ് സംഭവം. മുൻവശത്തുള്ള വാഹനത്തിൽ രാഹുൽ ഗാന്ധി ഇരിക്കുന്നതും വിഡിയോയിൽ കാണാം. രാഹുൽ ഗാന്ധി ആളുകൾക്ക് നേരെ കൈവീശി കാണിക്കുന്നുണ്ട്. ഹരിയാനയിലെ ഗ്രാമപ്രദേശങ്ങളിൽ ആളുകൾ കൊണ്ടുപോകുന്ന കുറുവടിയാണ് ബൈക്ക് യാത്രികന്റെ കൈയിലുള്ളത്.

കഴിഞ്ഞ 10 വർഷമായി ബി.ജെ.പി ഭരിക്കുന്ന ഹരിയാനയിൽ ഒക്‌ടോബർ അഞ്ചിനാണ് നിയമസഭ തെരഞ്ഞെടുപ്പ്. 90 സീറ്റുകളിലാണ് തെരഞ്ഞെടുപ്പ്. ഈ വർഷം നടന്ന ലോക്‌സഭാ തെരഞ്ഞെടുപ്പിൽ കോൺഗ്രസ് ​മെച്ചപ്പെട്ട പ്രകടനം കാഴ്ചവെച്ചിരുന്നു. ഒക്ടോബർ എട്ടിനാണ് വോട്ടെണ്ണൽ.

हरियाणा में राहुल गांधी के काफिले के साथ-साथ एक ताऊ लट्ठ लेकर मोटरसाइकिल से चल रहे हैं.
- वीडियो हो रहा सोशल मीडिया पर वायरल..#Rahul_Gandhi #Congress #Haryana #haryanaassemblypolls #HaryanaCongress #HaryanaElection2024 #ViralVideos #Nedricknews @RahulGandhi pic.twitter.com/bhbZy5Lhiw

— Nedrick News (@nedricknews) September 30, 2024

हरियाणा में राहुल गांधी के काफिले के साथ-साथ एक ताऊ लट्ठ लेकर मोटरसाइकिल से चल रहे हैं।

राहुल की जगह नरेंद्र मोदी होते तो अब तक रो देते कि बता देना जिंदा लौट आया हूं।

वीडियो - @mandeeppunia1 भाई pic.twitter.com/c1JVDOhuY3

— Krishna Kant (@kkjourno) September 30, 2024