ബ്രിട്ടീഷുകാരെപ്പോലെ ബി.ജെ.പിയും ഭിന്നിപ്പിച്ച്​ ഭരിക്കുന്നു -രാഹുൽ ഗാന്ധി

ക​ന്യാ​കു​മാ​രി: അ​ന്വേ​ഷ​ണ ഏ​ജ​ൻ​സി​ക​ളെ ഉ​പ​യോ​ഗി​ച്ച്​ പ്ര​തി​പ​ക്ഷ നേ​താ​ക്ക​ളെ പേ​ടി​പ്പി​ക്കാ​മെ​ന്ന​ത്​ വ്യാ​മോ​ഹ​മാ​ണെ​ന്നും ബ്രി​ട്ടീ​ഷു​കാ​രെ​പ്പോ​​ലെ ജ​ന​ങ്ങ​ളെ ഭി​ന്നി​പ്പി​ച്ച്​ ഭ​രി​ക്കു​ക​യാ​ണ്​ ബി.​ജെ.​പി​യെ​ന്നും കോ​ൺ​ഗ്ര​സ്​ നേ​താ​വ്​ രാ​ഹു​ൽ ഗാ​ന്ധി. 'ഭാ​ര​ത് ​​ജോ​ഡോ' യാ​ത്ര​ക്ക്​ തു​ട​ക്കം കു​റി​ച്ച്​ പൊ​തു​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

രാ​ജ്യ​ത്തി​ന്‍റെ ഭാ​വി ഏ​ക​പ​ക്ഷീ​യ​മാ​യി നി​ർ​ണ​യി​ക്കാ​മെ​ന്നാ​ണ്​ ബി.​ജെ.​പി​യും ആ​ർ.​എ​സ്.​എ​സും ക​രു​തു​ന്ന​ത്. അ​ത്​ ഈ ​രാ​ജ്യ​ത്ത്​ വി​ല​പ്പോ​കി​ല്ല. ഇ​ന്ത്യ​ക്ക്​ സ്വാ​ത​ന്ത്ര്യം ല​ഭി​ച്ച്​ 75 വ​ർ​ഷ​ത്തി​നു​ശേ​ഷം ഇ​ത്ത​ര​മൊ​രു യാ​ത്ര രാ​ജ്യ​ത്തെ ദ​ശ​ല​ക്ഷ​ക്ക​ണ​ക്കി​ന്​ ജ​ന​ങ്ങ​ൾ ആ​ഗ്ര​ഹി​ക്കു​ന്നു.

ഫ​ല​ത്തി​ൽ ര​ണ്ടാം സ്വാ​ത​ന്ത്ര്യ സ​മ​ര​മാ​ണി​ത്. ഇ​ന്ത്യ​യു​ടെ ദേ​ശീ​യ​പ​താ​ക​ക്ക്​ അ​തി​ന്‍റേ​താ​യ പ്രാ​ധാ​ന്യ​മു​ണ്ട്. എ​ന്നാ​ൽ, പ​താ​ക ത​ങ്ങ​ളു​ടെ സ്വ​ന്ത​മാ​ണെ​ന്ന്​ വ​രു​ത്തി​ത്തീ​ർ​ക്കാ​നു​ള്ള ശ്ര​മ​മാ​ണ്​ ബി.​ജെ.​പി​യും ആ​ർ.​എ​സ്.​എ​സും ന​ട​ത്തു​ന്ന​ത്. ഇ​ന്ത്യ​യു​ടെ ദേ​ശീ​യ​പ​താ​ക പ്ര​തി​നി​ധീ​ക​രി​ക്കു​ന്ന നി​റ​ങ്ങ​ളും അ​ശോ​ക​ച​ക്ര​വു​മെ​ല്ലാം രാ​ജ്യ​ത്തി​ന്‍റെ വൈ​വി​ധ്യ​ത്തെ​യാ​ണ് സൂ​ചി​പ്പി​ക്കു​ന്ന​ത്. നീ​ണ്ട പോ​രാ​ട്ട​ത്തി​നു​​ ശേ​ഷം ന​മ്മു​ടെ കൈ​യി​ൽ ല​ഭി​ച്ച​താ​ണ​ത്.

എ​തി​ർ​ക​ക്ഷി നേ​താ​ക്ക​ളെ സി.​ബി.​ഐ, ക​സ്റ്റം​സ്​, ഇ.​ഡി പോ​ലു​ള്ള ​കേ​ന്ദ്ര ഏ​ജ​ൻ​സി​ക​ളെ ഉ​പ​യോ​ഗി​ച്ച്​ ഭ​യ​പ്പെ​ടു​ത്താ​മെ​ന്നാ​ണ്​ ബി.​ജെ.​പി ക​രു​തു​ന്ന​ത്.

എ​ന്നാ​ൽ, എ​ത്ര മ​ണി​ക്കൂ​ർ വേ​ണ​മെ​ങ്കി​ലും അ​ന്വേ​ഷ​ണ ഏ​ജ​ൻ​സി​യെ ഉ​പ​യോ​ഗി​ച്ച്​ അ​വ​ർ ചോ​ദ്യം ചെ​യ്യ​ട്ടെ. ഒ​രു പ്ര​തി​പ​ക്ഷ നേ​താ​വ്​ പോ​ലും അ​ത്​ ക​ണ്ട്​ പേ​ടി​ക്കി​ല്ല. ഇ​ന്ത്യ​ൻ ജ​ന​ത​യും ഭ​യ​പ്പെ​ടി​ല്ലെ​ന്നും രാ​ഹു​ൽ ഗാ​ന്ധി പ​റ​ഞ്ഞു.

നവോത്ഥാനത്തിന്‍റെ തുടക്കമെന്ന്​ സോണിയ ഗാ​ന്ധി

ക​ന്യാ​കു​മാ​രി: ഇ​ന്ത്യ​ൻ രാ​ഷ്ട്രീ​യ​ത്തി​ൽ ന​വോ​ത്ഥാ​ന​​ത്തി​ന്‍റെ തു​ട​ക്ക​മാ​ണ്​ ന​ട​ക്കു​ന്ന​തെ​ന്ന്​​ കോ​ൺ​ഗ്ര​സ്​ അ​ധ്യ​ക്ഷ സോ​ണി​യ ഗാ​ന്ധി. മ​ന​സ്സ്​​ കൊ​ണ്ട്​ യാ​ത്ര​ക്കൊ​പ്പ​മാ​ണ്. കോ​ൺ​ഗ്ര​സ്​ ഉ​യി​ർ​ത്തെ​ഴു​ന്നേ​ൽ​ക്കു​ക​യാ​ണെ​ന്നും സോ​ണി​യ ഗാ​ന്ധി സ​ന്ദേ​ശ​ത്തി​ൽ പ​റ​ഞ്ഞു.