'മോദിജീ, ഞങ്ങളുടെ കുഞ്ഞുങ്ങൾക്കുള്ള വാക്​സിൻ എന്തിനാണ്​ വിദേശത്തേക്കയച്ചത്​​?'; ആ ചോദ്യം ഏറ്റെടുത്ത്​ രാഹുൽ ഗാന്ധി

ന്യൂഡൽഹി: 'മോദിജീ..ഹമാരേ ബച്ചോം കീ വാക്​സിൻ വിദേശ്​ ക്യോം ഭേജ്​ ദിയാ? (മോദിജീ, ഞങ്ങളുടെ കുഞ്ഞുങ്ങൾക്കുള്ള വാക്​സിൻ നിങ്ങളെന്തിനാണ്​ വിദേശത്തേക്ക്​ അയച്ചത്​?')...ഡൽഹിയിലെ പലയിടങ്ങളിലും പതിച്ച പോസ്​റ്ററുകളിം ബാനറുകളിലുമുള്ളത്​ ഈ ചോദ്യമായിരുന്നു. അധികാര കേന്ദ്രത്തിനു താഴെ പൊള്ളുന്ന ചോദ്യങ്ങളെറിഞ്ഞ ആ പോസ്​റ്ററുകൾ നരേന്ദ്ര മോദി സർക്കാറിന്​ ഒട്ടും ദഹിച്ചില്ല. ഫലം, അവയൊട്ടിച്ച പാവങ്ങളെ വിവിധ വകുപ്പുകൾ ചേർത്ത്​ കേസെടുത്ത്​ ഡൽഹി പൊലീസ്​ അറസ്റ്റ്​ ചെയ്​തു​.

അറസ്​റ്റുകൾ വിവാദമായ​തോടെ ഈ ചോദ്യം രാജ്യത്തുടനീളം കൂടുതൽ ശക്​തമായി ഉയരുകയാണ്​. അതി​െൻറ ഭാഗമായി ​കോൺഗ്രസ്​ നേതാവ്​ രാഹുൽ ഗാന്ധി ഇ​തേ ചോദ്യം ട്വിറ്ററിൽ പോസ്​റ്റ്​ ചെയ്​തു. ഒപ്പം ത​െൻറ പ്രൊഫൈൽ പടവും ഈ ചോദ്യമാക്കി മാറ്റിയിട്ടുണ്ട്​. ​'എന്നെയും അറസ്​റ്റ്​ ചെയ്യൂ' എന്ന്​ ഇംഗ്ലീഷിലും ഹിന്ദിയിലും എഴുതിയാണ്​ രാഹുൽ കറുപ്പു പ്രതലത്തിൽ വെളുത്ത അക്ഷരങ്ങളിൽ ഈ ചോദ്യം ഉന്നയിച്ചത്​. പോസ്​റ്റ്​ ചെയ്​ത്​ ഒരു മണിക്കൂറിനകം അരലക്ഷ​ത്തോളം പേർ ലൈക്​ ചെയ്​ത ട്വീറ്റ്​ 15,000ത്തിലേ​​റെ പേർ റീട്വീറ്റ്​ ചെയ്​തിട്ടുമുണ്ട്​.

പഠനം നിർത്തിയ 19കാരൻ, 30 വയസ്സുള്ള റിക്ഷാക്കാരൻ, 61 വയസ്സുള്ള ആശാരിപ്പണിക്കാരൻ... പ്രധാനമന്ത്രിയെ അപമാനിക്കാൻ ശ്രമിച്ചുവെന്ന്​ മുദ്രകുത്തി അറസ്​റ്റ്​ ചെയ്​തവരിൽ ഏറെയും ഇത്തരത്തിലുള്ള കൂലിപ്പണിക്കാരാണ്​. ആം ആദ്​മി പാർട്ടി ഭാരവാഹികൾ 600 രൂപ ദിവസക്കൂലിക്ക്​ തങ്ങളെ ജോലി ഏൽപിക്കുകയായിരുന്നുവെന്ന്​ അറസ്​റ്റിലായവരിൽ പലരും 'ഇന്ത്യൻ എക്​സ്​പ്രസി'നോട്​ പറഞ്ഞു. ലോക്​ഡൗണിൽ തൊഴിലൊന്നുമില്ലാതെ ബുദ്ധിമുട്ടിലായവർ പോസ്​റ്ററുകളും ബാനറുകളും പതിക്കാനുള്ള ജോലി ഏറ്റെടുക്കുകയായിരുന്നു.

സ്​പെഷൽ ബ്രാഞ്ച്​ അറിയിച്ചതനുസരിച്ച്​ ഡൽഹി പൊലീസ്​ കമീഷണർ എൻ.എൻ. ​ശ്രീവാസ്തവയുടെ നേതൃത്വത്തിൽ 25ലേറെപ്പേരെയാണ്​ കസ്​റ്റഡിയിലെടുത്തത്​. കിഴക്കൻ ഡൽഹിയിലെ മണ്ഡാവലിയിൽനിന്ന്​ രാഹുൽ ത്യാഗി, രാജീവ്​ കുമാർ, ദിലീപ്​ തിവാരി, ശിവം ദുബേ എന്നിവരെയാണ്​ അറസ്​റ്റ്​ ചെയ്​തത്​. ​െവസ്​റ്റ് ഡൽഹിയിലെ കീർത്തി നഗറിൽനിന്ന്​ ദേവേന്ദർ കുമാർ, തിലക്​ രാജ്​ ഛബ്ര, അനിൽ ഗുലാത്തി, മുരാരി, രാകേഷ്​ കുമാർ എന്നിവരെയും അറസ്​റ്റ്​ ചെയ്​തു. മെയ്​ 12 മുതലാണ്​ പോസ്​റ്റർ പതിച്ചവരെ അറസ്​റ്റ്​ ചെയ്​തത്​. പോസ്​റ്ററുകളും ബാനറുകളുമൊ​ക്കെ പൊലീസ്​ നീക്കം ചെയ്യുകയും ചെയ്​തു.

ആം ആദ്​മി പാർട്ടിയാണ്​ ഇവരെ പോസ്​റ്ററുകളും ബാനറുകളും ഏൽപിച്ചതെന്നതിനോട്​ പാർട്ടി ഔദ്യോഗികമായി പ്രതികരിച്ചിട്ടില്ല. പകരം, 'മോദിജീ..ഹമാരേ ബച്ചോം കീ വാക്​സിൻ വിദേശ്​ ക്യോം ഭേജ്​ ദിയാ? എന്ന പോസ്​റ്ററിലെ അതേ വാചകങ്ങൾ കഴിഞ്ഞ ദിവസം പാർട്ടിയുടെ ട്വിറ്റർ ഹാൻഡിലിൽ പോസ്​റ്റ്​ ചെയ്​തു. രാഹുൽ ഗാന്ധി ഈ ചോദ്യമുന്നയിച്ച്​ രംഗത്തെത്തിയതോടെ ഇതുസംബന്ധിച്ച വിവാദങ്ങൾ പുതിയ തലത്തിലേക്ക്​ മാറിയേക്കും.