അവകാശങ്ങൾക്കായി പോരാടുന്ന കർഷകർക്ക്​ പ്രാർഥനകളും ആശംസകളുമറിയിച്ച്​ രാഹുൽ ഗാന്ധി

ന്യൂഡൽഹി: കേന്ദ്രസർക്കാറിന്‍റെ കാർഷിക നിയമങ്ങൾക്കെതിരായി പ്രതിഷേധിക്കുന്ന കർഷകർക്ക്​ പൊങ്കൽ, മകര സംക്രാന്തി, ബിഹു ആശംസകൾ നേർന്ന്​ കോൺഗ്രസ്​ നേതാവ്​ രാഹുൽ ഗാന്ധി.

സന്തോഷത്തിന്‍റെയും ആഘോഷത്തിന്‍റെയും കാലമാണ്​ വിളവെടുപ്പ്​ കാലമെന്നും കാർഷിക നിയമങ്ങൾക്കെതിരെ പ്രതിഷേധിക്കുന്ന കർഷകർക്ക്​ ആശംസകളും പ്രാർഥനകളും അറിയിക്കു​ന്നുവെന്നും രാഹുൽ ട്വീറ്റ്​ ചെയ്​തു.

'സ​േന്താഷത്തിന്‍റെയും ആഘോഷത്തിന്‍റെയും കാലമാണ്​ വിളവെടുപ്പ്​ കാലം. എല്ലാവർക്കും മകര സംക്രാന്തി, പൊങ്കൽ, ബിഹു, ബോഗി, ഉത്തരായൻ ആശംസകൾ. കരുത്തേറിയ ശക്തികൾക്കെതിരെ തങ്ങളുടെ അവകാശ​ങ്ങൾക്കായി പോരാടുന്ന എല്ലാ കർഷകർക്കും പ്രത്യേക പ്രാർഥനകളും ആശംസകളും അറിയിക്കുന്നു' -രാഹുൽ ട്വീറ്റ്​ ചെയ്​തു.

പൊങ്കലിനോട്​ അനുബന്ധിച്ച്​ രാഹുൽ തമിഴ്​നാട്​ സന്ദർശിക്കുമെന്ന്​ നേരത്തേ അറിയിച്ചിരുന്നു. ജെല്ലിക്കെട്ട്​ കാണുന്നതിനാണ്​ അദ്ദേഹം മധുരയിലെത്തുക.