കർണാടകയിലെ കോൺഗ്രസ്​ സ്ഥാനാർഥിയുടെ വീട്ടിൽ ആദായനികുതി പര​ിശോധന

ബംഗളൂരു: തെരഞ്ഞെടുപ്പ്​ നടക്കാനിരിക്കുന്ന കർണാടകയിൽ കോൺഗ്രസ്​ സ്ഥാനാർഥിയുടെ വീട്ടിൽ ആദായ നികുതി പരിശോധന. സിർസിദ്ധപൂരയിൽ നിന്ന്​ തെരഞ്ഞെടുപ്പിൽ മൽസരിക്കുന്ന ഭീംന നായികി​​​െൻറ വീട്ടിലാണ്​ ബുധനാഴ്​ച രാവിലെ ആദായ നികുതി ഉദ്യോഗസ്ഥർ പരിശോധന നടത്തിയത്​. പരിശോധനക്ക്​ പിന്നാലെ ആദായ നികുതി വകുപ്പിനെ ബി.ജെ.പി ദുരുപയോഗം ചെയ്യുകയാണെന്ന ആരോപണവുമായി കോൺഗ്രസ്​ രംഗത്തെത്തി. മെയ്​ 12നാണ്​ കർണാടകയിൽ വോ​െട്ടടുപ്പ്​ നടക്കുന്നത്​.

നേരത്തെ കെ.പി.സി.സി പ്രചാരണ വിഭാഗം കമിറ്റി തലവുനും  ഉൗർജ മന്ത്രിയുമായ ഡി.കെ ശിവകുമാറി​​​െൻറ വീട്ടിലും ആദായനികുതി വകുപ്പ്​ ഉദ്യോഗസ്ഥർ പരിശോധന നടത്തിയിരുന്നു. ശിവകുമാ​റിനെതിരെ എൻഫോഴ്​സ്​മ​​െൻറ്​ ഡയറക്​ടറേറ്റും കേസെടുത്തിട്ടുണ്ട്​. പൊതുമരാമത്ത്​ വകുപ്പ്​ മന്ത്രി എച്ച്​.സി മഹാദേവപ്പ, മ​ന്ത്രി കെ.ജി ജോർജ്​, എം.എൽ.എ എം.ടി.ബി നാഗരാജ്​ തുടങ്ങിയവരുമായി ബന്ധമുള്ളവരുടെ വീട്ടിലും ആദായ നികുതി വകുപ്പ്​​ പരിശോധന നടത്തിയിരുന്നു.

അതേ സമയം, ആദായ നികുതി പരിശോധനയിൽ രാഷ്​ട്രീയം കലർത്തേണ്ടെന്ന നിലപാടാണ്​ ബി.ജെ.പിക്കുള്ളത്​. ആദായ നികുതി വകുപ്പി​​​െൻറ പതിവ്​ പരിശോധനകൾ മാത്രമാണ്​ ഇതെന്നും ബി.ജെ.പി പറയുന്നു