റെയിൽവേ ജീവനക്കാർക്ക് ബോണസായി 78 ദിവസത്തെ വേതനം

ന്യൂഡൽഹി: ഇന്ത്യൻ റെയിൽവേ ജീവനക്കാർക്ക് 78 ദിവസത്തെ വേതനത്തിന് തുല്യമായ തുക ബോണസായി ലഭിക്കും. കേന്ദ്ര മന്ത്രി സഭ ഇതിന് അനുവാദം നൽകിയതായി കേന്ദ്ര മന്ത്രി പ്രകാശ് ജാവദേക്കർ പറഞ്ഞു.

റെയിൽവേയിലെ 11 ലക്ഷം ജീവനക്കാർക്ക് ഇതിന്‍റെ പ്രയോജനം ലഭിക്കും. പ്രവർത്തനക്ഷമതക്കുള്ള അംഗീകാരമായാണ് ബോണസെന്ന് മന്ത്രി പറഞ്ഞു.

കേന്ദ്ര സർക്കാറിന് 2024 കോടിയുടെ ബാധ്യതയാണ് ബോണസ് നൽകുന്നത് വഴി ഉണ്ടാവുക. തുടർച്ചയായ ആറാം വർഷമാണ് റെയിൽവേ ജീവനക്കാർക്ക് പ്രവർത്തന ക്ഷമതക്കുള്ള ബോണസ് നൽകുന്നതെന്ന് മന്ത്രി പറഞ്ഞു.