നിരക്ക്​ ഇളവ്​ പുനഃസ​ഥാപിക്കൽ പ്രായോഗികമല്ലെന്ന്​ റെയിൽവേ

ന്യൂഡൽഹി: കോവിഡ്​ പശ്ചാത്തലത്തിൽ റദ്ദാക്കിയ ടിക്കറ്റ്​ നിരക്ക്​ ഇളവുകൾ പുനഃസ്ഥാപിക്കുന്നത്​ നിലവിലെ സാഹചര്യത്തിൽ പ്രായോഗികമല്ലെന്ന്​ റെയിൽവേ മന്ത്രി അശ്വിനി വൈഷ്​ണോ രാജ്യസഭയിൽ പറഞ്ഞു.

പലരും ഇളവ്​ പുനഃസ്ഥാപിക്കാൻ ആവശ്യപ്പെട്ടി​ട്ടുണ്ടെന്നും മന്ത്രി ചോദ്യത്തിനുള്ള മറുപടിയായി പറഞ്ഞു. നാലു വിഭാഗങ്ങളിലുള്ള ഭിന്നശേഷിക്കാർക്കും 11 വിഭാഗങ്ങളിലുള്ള രോഗികൾക്കും വിദ്യാർഥികൾക്കും ഒഴികെ ആർക്കും ഇപ്പോൾ ഇളവില്ല. നേര​ത്തേ 54 വിഭാഗങ്ങൾക്ക്​ ഇളവ്​ അനുവദിച്ചിരുന്നു.