ബജറ്റ് പ്രസംഗത്തിൽ പദ്ധതിയും പരാമർശവുമില്ലാതെ റെയിൽവേ

ന്യൂ​ഡ​ൽ​ഹി: കേ​ന്ദ്ര ധ​ന​മ​ന്ത്രി നി​ർ​മ​ലാ സീ​താ​രാ​മ​ൻ ചൊ​വ്വാ​ഴ്ച ന​ട​ത്തി​യ ഒ​ന്ന​ര മ​ണി​ക്കൂ​ർ നീ​ണ്ട ബ​ജ​റ്റ് പ്ര​സം​ഗ​ത്തി​ൽ രാ​ജ്യ​ത്തെ സു​പ്ര​ധാ​ന വ​കു​പ്പാ​യ റെ​യി​ൽ​വേ​യു​ടെ വി​ക​സ​ന​ത്തി​ന് എ​ത്ര രൂ​പ വ​ക​യി​രു​ത്തി​യെ​ന്നോ പു​തി​യ പ​ദ്ധ​തി​ക​ളെ​ക്കു​റി​ച്ചോ മി​ണ്ടാ​ട്ട​മി​ല്ല. ആ​ന്ധ്ര പ്ര​ദേ​ശി​ന്റെ വി​ക​സ​ന​വു​മാ​യി ബ​ന്ധ​പ്പെ​ട്ട് സം​സാ​രി​ക്കു​ന്ന​തി​നി​ട​യി​ൽ ഒ​രു​ത​വ​ണ മാ​ത്ര​മാ​ണ് റെ​യി​ൽ​വേ എ​ന്ന പ​ദം മ​ന്ത്രി​യു​ടെ പ്ര​സം​ഗ​ത്തി​ൽ ക​ട​ന്നു​വ​ന്ന​ത്. രാ​ജ്യ​ത്ത് ട്രെ​യി​ന​പ​ക​ടം വ​ർ​ധി​ച്ച സാ​ഹ​ച​ര്യ​ത്തി​ൽ ​റെ​യി​ൽ​വേ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നും ബു​ള്ള​റ്റ് ട്രെ​യി​ൻ, വ​ന്ദേ ഭാ​ര​ത് മെ​ട്രോ, വ​ന്ദേ​ഭാ​ര​ത് സ്ലീ​പ്പ​ർ തു​ട​ങ്ങി​യ പു​തി​യ ട്രെ​യി​നു​ക​ൾ​ക്കു​മു​ള്ള വ​ലി​യ പ്ര​ഖ്യാ​പ​ന​ങ്ങ​ൾ ഏ​വ​രും പ്ര​തീ​ക്ഷി​ച്ചി​രു​ന്നു.

എ​ന്നാ​ൽ, 2.62 ല​ക്ഷം കോ​ടി രൂ​പ ബ​ജ​റ്റി​ൽ വ​ക​യി​രു​ത്തി​യി​ട്ടു​ണ്ടെ​ന്നും ച​രി​ത്ര​ത്തി​ലെ ഏ​റ്റ​വും വ​ലി​യ തു​ക​യാ​ണി​തെ​ന്നും റെ​യി​ൽ​വേ മ​ന്ത്രി അ​ശ്വ​നി വൈ​ഷ്ണ​വ് പി​ന്നീ​ട് ന​ട​ത്തി​യ വാ​ർ​ത്ത​സ​മ്മേ​ന​ത്തി​ൽ പ​റ​ഞ്ഞു. 1.8 ല​ക്ഷം കോ​ടി രൂ​പ റെ​യി​ൽ​വേ സു​ര​ക്ഷ സം​ബ​ന്ധി​ച്ച പ്ര​വ​ർ​ത്ത​ന​ങ്ങ​ൾ​ക്കാ​ണ് വ​ക​യി​രു​ത്തി​യ​ത്. പ​ഴ​യ പാ​ത​ക​ൾ മാ​റ്റി സ്ഥാ​പി​ക്കു​ന്ന​തി​നും സി​ഗ്ന​ൽ സം​വി​ധാ​നം പ​രി​ഷ്ക​രി​ക്കാ​നും ട്രെ​യി​നു​ക​ൾ കൂ​ട്ടി​യി​ടി​ക്കു​ന്ന് ത​ട​യാ​നു​ള്ള ക​വ​ച് സം​വി​ധാ​നം പാ​ത​ക​ളി​ൽ സ്ഥാ​പി​ക്കാ​നും മേ​ൽ​പാ​ലം നി​ർ​മി​ക്കാ​നും ഉ​ൾ​പ്പെ​ടെ​യാ​ണി​ത്. എ​ന്നാ​ൽ, ക​വ​ച് പ​ദ്ധ​തി​ക്ക് എ​ത്ര രൂ​പ​യാ​ണ് വ​ക​യി​രു​ത്തി​യ​തെ​ന്ന ചോ​ദ്യ​ത്തി​ന് മ​ന്ത്രി മ​റു​പ​ടി ന​ൽ​കി​യി​ല്ല. പ​ക​രം ഇ​തു​വ​രെ എ​ത്ര കി​ലോ​മീ​റ്റ​ർ ക​വ​ച് ന​ട​പ്പാ​ക്കി എ​ന്ന​ത് സം​ബ​ന്ധി​ച്ച വി​ശ​ദീ​ക​ര​ണ​മാ​ണ് മ​ന്ത്രി ന​ൽ​കി​യ​ത്. 2017 വ​രെ റെ​യി​ൽ​വേ ബ​ജ​റ്റ് പ്ര​ത്യേ​ക​മാ​യാ​ണ് അ​വ​ത​രി​പ്പി​ച്ചി​രു​ന്ന​ത്. 92 വ​ർ​ഷ​ത്തെ ഈ ​കീ​ഴ്വ​ഴ​ക്ക​ത്തി​ന് മാ​റ്റ​മു​ണ്ടാ​ക്കി​യ​ത് ധ​ന​മ​ന്ത്രി​യാ​യി​രു​ന്ന അ​രു​ൺ ജ​യ്റ്റ്ലി​യാ​ണ്.

പ്രതിരോധവിഹിതമുയർത്തി

പ്ര​തി​രോ​ധ​മേ​ഖ​ല​ക്കു​ള്ള ബ​ജ​റ്റ് വി​ഹി​ത​മു​യ​ർ​ത്തി. 6.21 ല​ക്ഷം കോ​ടി രൂ​പ​യാ​ണ് രാ​ജ്യ​ത്തി​ന്‍റെ പ്ര​തി​രോ​ധ മേ​ഖ​ല​ക്കാ​യി ഇ​ക്കു​റി കേ​ന്ദ്ര ബ​ജ​റ്റി​ൽ വ​ക​യി​രു​ത്തി​യ​ത്. ക​ഴി​ഞ്ഞ ബ​ജ​റ്റി​ൽ 5.94 ല​ക്ഷം കോ​ടി​യാ​യി​രു​ന്നു പ്ര​തി​രോ​ധ​ത്തി​ന് നീ​ക്കി​വെ​ച്ച​ത്. ആ​കെ ബ​ജ​റ്റി​ന്റെ 12.9 ശ​ത​മാ​ന​മാ​ണ് പ്ര​തി​രോ​ധ​ത്തി​ന് നീ​ക്കി​വെ​ച്ച തു​ക. പ്ര​തി​രോ​ധ മ​ന്ത്രാ​ല​യ​ത്തി​ന് ഉ​യ​ർ​ന്ന വി​ഹി​തം അ​നു​വ​ദി​ച്ച​തി​ന് താ​ൻ ധ​ന​മ​ന്ത്രി​യോ​ട് ന​ന്ദി പ​റ​യു​ന്ന​താ​യി പ്ര​തി​രോ​ധ​മ​ന്ത്രി രാ​ജ്നാ​ഥ് സി​ങ് എ​ക്‌​സി​ൽ കു​റി​ച്ചു. അ​ധി​ക​മാ​യി അ​നു​വ​ദി​ച്ച 1,72,000 കോ​ടി സാ​യു​ധ സേ​ന​യു​ടെ ക​ഴി​വു​ക​ളെ കൂ​ടു​ത​ൽ ശ​ക്തി​പ്പെ​ടു​ത്തു​ന്ന​തി​നാ​യി വി​നി​യോ​ഗി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

ആരോഗ്യ മേഖലക്ക് ​ഒന്നുമില്ല

മു​ൻ​കാ​ല​ങ്ങ​ളെ അ​പേ​ക്ഷി​ച്ച് ആ​രോ​ഗ്യ മേ​ഖ​ല​ക്ക് പ്ര​ത്യേ​ക പ്ര​ഖ്യാ​പ​ന​ങ്ങ​ളൊ​ന്നും ബ​ജ​റ്റ് പ്ര​സം​ഗ​ത്തി​ൽ ഉ​ണ്ടാ​യി​ല്ല. അ​ർ​ബു​ദ ചി​കി​ത്സ​ക്കാ​യി ഉ​പ​യോ​ഗി​ക്കു​ന്ന മൂ​ന്ന് മ​രു​ന്നു​ക​ളെ നി​കു​തി ഇ​ള​വി​ൽ ഉ​ൾ​പ്പെ​ടു​ത്തി​യെ​ന്ന പ്ര​സ്താ​വ​ന മാ​ത്ര​മാ​ണ് ആ​രോ​ഗ്യം സം​ബ​ന്ധി​ച്ച് ബ​ജ​റ്റ് പ്ര​സം​ഗ​ത്തി​ൽ മ​ന്ത്രി പ​റ​ഞ്ഞി​ട്ടു​ള്ള​ത്. ബി​ഹാ​റി​ൽ മെ​ഡി​ക്ക​ൽ കോ​ള​ജു​ക​ൾ സ്ഥാ​പി​ക്കു​മെ​ന്ന് പ​രാ​മ​ർ​ശി​ക്കു​ക​യും ​ചെ​യ്യു​ക​യു​ണ്ടാ​യി. ഇ​ത്ത​വ​ണ​ത്തെ ബ​ജ​റ്റി​ൽ 89,287 കോ​ടി രൂ​പ​യാ​ണ് ആ​രോ​ഗ്യ​മേ​ഖ​ല​ക്ക് വ​ക​യി​രു​ത്തി​യ​ത്. .