കനത്ത മഴ; തിയറ്ററിന്‍റെ മതിൽ ഇടിഞ്ഞുവീണ്​ അമ്പത്​ ബൈക്കുകൾ തകർന്നു

ഹൈ​​​ദ​​​രാ​​​ബാ​​​ദ്: കനത്തമഴയിൽ ഹൈ​​​ദ​​​രാ​​​ബാ​​​ദി​​​ൽ തിയറ്ററിന്‍റെ മതിൽ ഇടിഞ്ഞു വീണ്​ അമ്പത്​ ഇരുചക്ര വാഹനങ്ങൾ തകർന്നു. ഹൈദരാബാദ്​ ദി​​​ൽ​​​സു​​​ഖ്ന​​​ഗ​​​റി​​​​ലെ ശിവഗംഗ തിയറ്ററിന്‍റെ മതിലാണ്​ തകർന്നത്​.

സിനിമ കാണാനെത്തിയവരുടെ ബൈക്കുകളാണ്​ തകർന്നത്​. എന്നാൽ ഇതുവരെ ആ​​​ള​​​പായമൊന്നും റി​​​പ്പോ​​​ർ​​​ട്ട് ചെ​​​യ്തി​​​ട്ടി​​​ല്ല.ജി.എച്ച്​.എം.സി അധികൃതർ തിയറ്റർ സന്ദർശിക്കുകയും നാശനഷ്​ടങ്ങളുടെ കണക്കുകൾ ​​എടുക്കുകയും ചെയ്​തിട്ടുണ്ട്​.

കഴിഞ്ഞ ദിവസമുണ്ടായ കനത്ത മഴയിൽ​ ഹൈദരാബാദ്​ നഗരം വെള്ളത്തിൽ മുങ്ങിയിരുന്നു. താഴ്ന്ന പ്രദേശങ്ങൾ പലതും വെള്ളത്തിനടിയിലായി. നിരവധി സ്​ഥാപനങ്ങളിലും വീടുകളിലും വെള്ളം കയറിയിരുന്നു. നഗരത്തിലെ റസ്റ്ററന്‍റിൽ ഉൾപ്പെടെ ​വെള്ളം കയറിയതിന്‍റെ ദൃശ്യങ്ങും പുറത്തുവന്നിരുന്നു.