പിങ്ക് സിറ്റിയിലെ സ്ത്രീസൗഹൃദ കാഴ്ചകൾ

പി​ങ്ക് നി​റം സ്ത്രീ ​സൗ​ഹൃ​ദ​മാ​ണ്. രാ​ജ​സ്ഥാ​ന്റെ ഭ​ര​ണ സി​രാ​കേ​ന്ദ്ര​മാ​യ ജ​യ്പു​രി​നെ ‘പി​ങ്ക് സി​റ്റി’​യെ​ന്ന വി​ളി​പ്പേ​ര് ചാ​ർ​ത്തി​യ​ത് അ​തു​കൊ​ണ്ടാ​യി​രു​ന്നി​ല്ല. ഇ​ളം​ചു​വ​പ്പു നി​റ​മു​ള്ള ക​ല്ലു​ക​ൾ കൊ​ണ്ടാ​ണ് പ​ഴ​യ​കാ​ല നി​ർ​മി​തി​ക​ൾ ഏ​റെ​യും. ജ​യ്പു​ർ മ​ഹാ​രാ​ജാ​വാ​യി​രു​ന്ന രാം​സി​ങ് ര​ണ്ടാ​മ​ൻ ബ്രി​ട്ട​നി​ൽ​നി​ന്ന് വി​രു​ന്നെ​ത്തി​യ രാ​ജ​കു​മാ​രീ-​കു​മാ​ര​ന്മാ​രെ വ​ര​വേ​ൽ​ക്കാ​ൻ ന​ഗ​ര​ത്തെ ഒ​രു​ക്കി​യ​പ്പോ​ൾ കെ​ട്ടി​ട​ങ്ങ​ൾ​ക്കെ​ല്ലാം പാ​ട​ല​വ​ർ​ണം പൂ​ശി​യെ​ന്നു​മു​ണ്ട് ച​രി​ത്രം. ച​രി​ത്രം പി​ന്നി​ട്ട് വ​ർ​ത്ത​മാ​ന​കാ​ല​ത്തേ​ക്ക് എ​ത്തി​യാ​ൽ, ഈ ​നി​യ​മ​സ​ഭാ തെ​ര​ഞ്ഞെ​ടു​പ്പി​ന് സ്ത്രീ ​സൗ​ഹൃ​ദ​ത്തി​ന്റെ പി​ങ്ക് നി​റം പൂ​ശാ​ൻ മ​ത്സ​രി​ക്കു​ക​യാ​ണ് പാ​ർ​ട്ടി​ക​ൾ.

സ്ത്രീ ​വോ​ട്ടി​നെ സ്വാ​ധീ​നി​ക്കാ​ൻ പ്ര​ഖ്യാ​പി​ച്ചി​രി​ക്കു​ന്ന പ​ദ്ധ​തി​ക​ളും പാ​രി​തോ​ഷി​ക​ങ്ങ​ളും അ​ത്ര​യേ​റെ​യാ​ണ്. സ്ത്രീ​ക​ളെ സ്വാ​ധീ​നി​ക്കാ​നു​ള്ള എ​ല്ലാ അ​ട​വും പു​റ​ത്തെ​ടു​ത്തി​ട്ടു​ണ്ട്, മു​ഖ്യ​മ​ന്ത്രി ​അ​ശോ​ക് ഗെ​ഹ്‍ലോ​ട്ട്. കോ​ൺ​ഗ്ര​സ് വീ​ണ്ടും അ​ധി​കാ​ര​ത്തി​ൽ വ​ന്നാ​ൽ കു​ടും​ബ​നാ​ഥ​ക്ക് ഗ​ഡു​ക്ക​ളാ​യി പ്ര​തി​വ​ർ​ഷം 10,000 രൂ​പ ന​ൽ​കു​മെ​ന്നാ​ണ് അ​ദ്ദേ​ഹ​ത്തി​ന്റെ ഒ​രു വാ​ഗ്ദാ​നം. വി​ല​ക്ക​യ​റ്റ​ത്തി​ൽ പൊ​ള്ളു​ന്ന അ​ടു​ക്ക​ള​ക​ളു​ടെ വി​കാ​ര​ത്തെ സ്വാ​ധീ​നി​ക്കാ​ൻ പാ​ക​ത്തി​ൽ, 500 രൂ​പ​ക്ക് ഗ്യാ​സ് സി​ലി​ണ്ട​ർ ന​ൽ​കു​മെ​ന്നു​മു​ണ്ട് വാ​ഗ്ദാ​നം.

രാ​ജ​സ്ഥാ​നി​ലെ 1.33 കോ​ടി സ്ത്രീ​ക​ൾ​ക്ക് സ്മാ​ർ​ട്ട് ഫോ​ൺ ന​ൽ​കാ​ൻ 12,000 കോ​ടി രൂ​പ​യു​ടെ ഇ​ന്ദി​ര ഗാ​ന്ധി ഫ്രീ ​സ്മാ​ർ​ട്ട് ഫോ​ൺ പ​ദ്ധ​തി​യാ​ണ് ഗെ​ഹ്‍ലോ​ട്ട് സം​ഭാ​വ​ന ചെ​യ്തി​ട്ടു​ള്ള​ത്. സ​ർ​ക്കാ​ർ ബ​സി​ൽ സ്ത്രീ​ക​ൾ​ക്ക് 90 ശ​ത​മാ​നം സൗ​ജ​ന്യം. പെ​ൺ​കു​ട്ടി​ക​ൾ​ക്കാ​യി സൗ​ജ​ന്യ സാ​നി​റ്റ​റി നാ​പ്കി​ൻ പ​ദ്ധ​തി. ബ​ലാ​ത്സം​ഗ​ത്തി​ന് ഇ​ര​യാ​യ സ്ത്രീ​ക്ക് നി​ർ​ഭ​യം പൊ​ലീ​സ് സൂ​പ്ര​ണ്ടി​ന് മു​മ്പാ​കെ​യെ​ത്തി പ​രാ​തി പ​റ​യാ​നും, ഉ​ട​ൻ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്യാ​നും സൗ​ക​ര്യം. അ​ങ്ങ​നെ നീ​ളു​ന്നു പ​ട്ടി​ക.

മു​മ്പ​ത്തെ​പ്പോ​ലെ​യ​ല്ല, പാ​ർ​ട്ടി​ക​ളോ​ടും സ്ഥാ​നാ​ർ​ഥി​ക​ളോ​ടു​മു​ള്ള കാ​ഴ്ച​പ്പാ​ട് രൂ​പ​പ്പെ​ടു​ത്തു​ന്ന​തി​ൽ പ്ര​ധാ​ന പ​ങ്കു​വ​ഹി​ക്കു​ന്ന​ത് ഇ​ന്ന് സ്ത്രീ​ക​ള​ത്രേ. മ​ക്ക​ളെ​യും കു​ടും​ബ​നാ​ഥ​നെ​ത്ത​ന്നെ​യും അ​വ​ർ സ്വാ​ധീ​നി​ച്ചു​ക​ള​യും. ഈ ​തി​രി​ച്ച​റി​വി​ൽ​നി​ന്നാ​ണ് പാ​ർ​ട്ടി​ക​ൾ സ്ത്രീ​ക​ളെ പ്ര​ത്യേ​ക​മാ​യി പ​രി​ഗ​ണി​ക്കു​ന്ന​ത്. ഇ​ത് തി​രി​ച്ച​റി​ഞ്ഞ് ക​രു​നീ​ക്കു​ന്ന ഗെ​ഹ്‍ലോ​ട്ടി​നോ​ട് സ്വ​ന്തം മ​ണ്ഡ​ല​ത്തി​ൽ മാ​ത്ര​മ​ല്ല, സം​സ്ഥാ​ന​ത്താ​കെ വ​നി​ത​ക​ൾ​ക്ക് പ്ര​ത്യേ​ക മ​മ​ത​യു​ണ്ട്. ബി.​ജെ.​പി​യു​ടെ വ​നി​താ മു​ഖ്യ​മ​ന്ത്രി​യാ​യി​രു​ന്ന വ​സു​ന്ധ​ര രാ​ജെ​​യേ​ക്കാ​ൾ സ്ത്രീ ​വോ​ട്ട് കൂ​ടു​ത​ൽ സ​മാ​ഹ​രി​ക്കു​ന്ന​ത് ഗെ​ഹ്‍ലോ​ട്ടി​ന്റെ അ​ട​വും ന​യ​വു​മാ​ണ്.

സ്ത്രീ​ക​ളെ ഉ​ന്ന​മി​ട്ട് വോ​ട്ടു​പി​ടി​ക്കാ​നു​ള്ള ഗെ​ഹ്‍ലോ​ട്ടി​ന്റെ ശ്ര​മ​ങ്ങ​ൾ​ക്ക് ത​ട​യി​ടാ​ൻ മ​റ്റു സം​സ്ഥാ​ന​ങ്ങ​ളി​ൽ നി​ന്ന് സ്വ​ന്തം വ​നി​താ നേ​താ​ക്ക​ളെ രാ​ജ​സ്ഥാ​നി​ൽ നി​യോ​ഗി​ച്ചി​രി​ക്കു​ക​യാ​ണ് ബി.​ജെ.​പി. ഗെ​ഹ്‍ലോ​ട്ടി​ന്റെ ഭ​ര​ണ​കാ​ല​ത്ത് സ്​​ത്രീ സു​ര​ക്ഷ അ​പ​ക​ട​ത്തി​ലാ​ണെ​ന്ന് സ്ഥാ​പി​ക്കാ​നും അ​വ​ർ ശ്ര​മി​ക്കു​ന്നു. ടോ​ങ്കി​ൽ ഒ​രു എ​സ്.​ഐ അ​ഞ്ചു വ​യ​സ്സു​കാ​രി​യെ ബ​ലാ​ത്സം​ഗം ചെ​യ്ത ക​ഴി​ഞ്ഞ​യാ​ഴ്ച​ത്തെ സം​ഭ​വ​ത്തി​ലും അ​വ​ർ ഗെ​ഹ്‍ലോ​ട്ടി​നെ​ പ്ര​തി​ക്കൂ​ട്ടി​ൽ ക​യ​റ്റി. ഗെ​ഹ്‍ലോ​ട്ട് ഭ​രി​ക്കു​ന്ന നാ​ട്ടി​ൽ ക്ര​മ​സ​മാ​ധാ​നം ത​ക​ർ​ന്ന​തി​ന്റെ പു​തി​യ ഉ​ദാ​ഹ​ര​ണ​മാ​ണ് ഇ​തെ​ന്നാ​ണ് ബി.​ജെ.​പി​യു​ടെ പ​ക്ഷം.

വോ​ട്ടു​ചെ​യ്യാ​ൻ പോ​ളി​ങ് ബൂ​ത്തി​ലെ​ത്തു​ന്ന സ്ത്രീ​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ വ​ർ​ധ​ന ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ൽ ക​ണ്ട​തോ​ടെ​യാ​ണ് ഗെ​ഹ്‍ലോ​ട്ട് മ​ന​സ്സി​രു​ത്തി ക​രു​നീ​ക്കി​ത്തു​ട​ങ്ങി​യ​ത്. 2018ൽ ​ബൂ​ത്തി​ലെ​ത്തി​യ പു​രു​ഷ​ന്മാ​രേ​ക്കാ​ൾ കൂ​ടു​ത​ലാ​യി​രു​ന്നു സ്ത്രീ​ക​ൾ. വോ​ട്ടു ചെ​യ്ത​വ​രി​ൽ 74 ശ​ത​മാ​നം സ്ത്രീ​ക​ൾ; പു​രു​ഷ​ന്മാ​ർ 73 ശ​ത​മാ​നം. വോ​ട്ട​ർ​മാ​രു​ടെ ക​ണ​ക്കെ​ടു​ത്താ​ൽ ഇ​ത്ത​വ​ണ​യും പു​രു​ഷ​ന്മാ​രാ​ണ് ലേ​ശം കൂ​ടു​ത​ൽ.

പ​ക്ഷേ, വോ​ട്ടു ചെ​യ്യാ​ൻ വാ​ശി കൂ​ടു​ത​ൽ സ്ത്രീ​ക​ൾ​ക്കാ​ണ്. സ​ർ​ക്കാ​റി​ൽ​നി​ന്ന് നേ​രി​ട്ടു പ​ണ​മാ​യി കി​ട്ടു​ന്ന ഏ​തൊ​രു തു​ക​യും വോ​ട്ടി​നെ വ​ല്ലാ​തെ സ്വാ​ധീ​നി​ക്കു​ന്നു​ണ്ടെ​ന്ന് രാ​ജ​സ്ഥാ​നി​ൽ മാ​ത്ര​മ​ല്ല, പ​ല സം​സ്ഥാ​ന​ങ്ങ​ളി​ലും ക​ണ്ട​താ​ണ്. കു​ടും​ബ​നാ​ഥ​ക്ക് 10,000 രൂ​പ പ്ര​തി​വ​ർ​ഷം ന​ൽ​കു​മെ​ന്ന് ഗെ​ഹ്‍ലോ​ട്ട് പ​റ​യു​മ്പോ​ൾ, അ​ടു​ത്ത അ​ഞ്ചു​വ​ർ​ഷം​ കൊ​ണ്ട് ആ ​സ​ർ​ക്കാ​റി​ൽ​നി​ന്ന് ഓ​രോ കു​ടും​ബ​ത്തി​നും റൊ​ക്ക​മാ​യി കി​ട്ടാ​ൻ പോ​കു​ന്ന​ത് 50,000 രൂ​പ​യാ​ണ്. ഇ​ത്ത​ര​ത്തി​ൽ വോ​ട്ട​ർ മ​ന​ക്കോ​ട്ട കെ​ട്ടു​മ്പോ​ൾ വി​ഷ​മി​ക്കു​ന്ന​ത് ബി.​ജെ.​പി​യാ​ണ്. കൂ​ടു​ത​ൽ സ്ത്രീ ​സൗ​ഹൃ​ദ​മാ​കാ​ൻ അ​വ​ർ​ക്ക് മ​ത്സ​രി​ക്കാ​തെ ത​ര​മി​ല്ല. സ്മാ​ർ​ട്ട് ഫോ​ണ​ല്ല, സു​ര​ക്ഷ​യാ​ണ് സ്ത്രീ​ക​ൾ​ക്ക് വേ​ണ്ട​തെ​ന്ന് ഉ​റ​ക്കെ​യു​റ​ക്കെ പ​റ​യാ​തെ ത​ര​മി​ല്ല. ബി.​ജെ.​പി ഭ​രി​ക്കു​ന്ന യു.​പി​യാ​ണ് സ്ത്രീ ​അ​ര​ക്ഷി​താ​വ​സ്ഥ​യി​ൽ പ്ര​ഥ​മ സം​സ്ഥാ​ന​മെ​ന്ന് കോ​ൺ​ഗ്ര​സു​കാ​ർ തി​രി​ച്ച​ടി​ക്കു​ന്നു.

​സൗ​ജ​ന്യ​ങ്ങ​ളും പ്ര​ലോ​ഭ​ന​ങ്ങ​ളും വാ​രി​വി​ത​റു​ന്നു​ണ്ടെ​ങ്കി​ലും, പ​റ​യു​ന്ന​ത്ര സ്ത്രീ​സൗ​ഹൃ​ദ​മ​ല്ല രാ​ജ​സ്ഥാ​നി​ലെ പ്ര​മു​ഖ പാ​ർ​ട്ടി​ക​ൾ. വോ​ട്ട​ർ​മാ​രി​ൽ പ​കു​തി സ്ത്രീ​ക​ളാ​ണ്. എ​ന്നാ​ൽ, സം​സ്ഥാ​ന​ത്ത് ആ​കെ​യു​ള്ള 1,875 സ്ഥാ​നാ​ർ​ഥി​ക​ളി​ൽ സ്ത്രീ​ജ​നം 183 മാ​ത്രം. 299 സ്ത്രീ​ക​ൾ പ​ത്രി​ക ന​ൽ​കി​യി​രു​ന്നെ​ങ്കി​ലും, മ​റ്റു​ള്ള​വ​ർ പി​ൻ​വ​ലി​ക്കാ​ൻ നി​ർ​ബ​ന്ധി​ത​രാ​യി. ഗെ​ഹ്‍ലോ​ട്ടി​ന്റെ മ​ന്ത്രി​സ​ഭ​യി​ലെ മൂ​ന്നു വ​നി​ത​ക​ളി​ൽ ആ​രും പ്ര​ധാ​ന വ​കു​പ്പു​ക​ളൊ​ന്നും കൈ​കാ​ര്യം ചെ​യ്യു​ന്നി​ല്ല. ബി.​ജെ.​പി​യോ? രാ​ജ​കു​ടും​ബ​ത്തി​ന് ന​ൽ​കേ​ണ്ടി വ​ന്ന പ്ര​ത്യേ​ക പ​രി​ഗ​ണ​ന​യാ​ണെ​ങ്കി​ൽ​ക്കൂ​ടി, ര​ണ്ടു​വ​ട്ടം മു​ഖ്യ​മ​ന്ത്രി​യാ​യ വ​നി​ത വ​സു​ന്ധ​ര രാ​ജെ​യെ ഒ​തു​ക്കി​യാ​ണ് മു​ന്നോ​ട്ടു​പോ​കു​ന്ന​ത്. 200 അം​ഗ നി​യ​മ​സ​ഭ​യി​ലേ​ക്കു​ള്ള തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ് മ​ത്സ​രി​പ്പി​ക്കു​ന്ന​ത് 28 വ​നി​ത​ക​ളെ​യാ​ണ് -ഫ​ല​ത്തി​ൽ 14 ശ​ത​മാ​നം.

കോ​ൺ​ഗ്ര​സ് സ്ത്രീ ​വി​രു​ദ്ധ​മാ​ണെ​ന്നു​പ​റ​യു​ന്ന ബി.​ജെ.​പി​യു​ടെ സ്ഥാ​നാ​ർ​ഥി​പ്പ​ട്ടി​ക​യി​ൽ 10 ശ​ത​മാ​നം മാ​ത്ര​മാ​ണ് സ്ത്രീ​ക​ൾ. ബി.​ജെ.​പി മ​ത്സ​രി​പ്പി​ക്കു​ന്ന​ത് 20 വ​നി​ത​ക​ളെ മാ​ത്രം. അ​ഞ്ചു​വ​ർ​ഷം മു​മ്പ​ത്തെ തെ​ര​ഞ്ഞെ​ടു​പ്പി​നേ​ക്കാ​ൾ മോ​ശ​മാ​ണ് സ്ഥി​തി. 2018ൽ ​ബി.​ജെ.​പി 23 പേ​ർ​ക്ക് ടി​ക്ക​റ്റ് കൊ​ടു​ത്തി​രു​ന്നു. കോ​ൺ​ഗ്ര​സി​ന് പ​റ​ഞ്ഞു​നി​ൽ​ക്കാം. 27ൽ ​നി​ന്ന് ഇ​ത്ത​വ​ണ ഒ​രു സീ​റ്റു​കൂ​ടി വ​നി​ത​ക്ക് കോ​ൺ​ഗ്ര​സ് ന​ൽ​കി​യി​ട്ടു​ണ്ട്. ക​ഴി​ഞ്ഞ ത​വ​ണ​ത്തേ​ക്കാ​ൾ 80,000 സ്ത്രീ​ക​ൾ കൂ​ടി വോ​ട്ട​ർ​പ​ട്ടി​ക​യി​ൽ ഉ​ള്ള​തി​ന്റെ പ​രി​ഗ​ണ​ന​യാ​കാം. പി​ന്നാ​ക്ക-​ന്യൂ​ന​പ​ക്ഷ വി​ഭാ​ഗ പ്രാ​തി​നി​ധ്യ​ത്തി​ന്റെ സ്ഥി​തി അ​തി​നേ​ക്കാ​ൾ മോ​ശം.

പ​ട്ടി​ക വി​ഭാ​ഗ​ക്കാ​ർ​ക്ക് നി​യ​മാ​നു​സൃ​ത പ്രാ​തി​നി​ധ്യം കൊ​ടു​ത്തേ തീ​രൂ. 200 അം​ഗ നി​യ​മ​സ​ഭ​യി​ലേ​ക്കു​ള്ള കോ​ൺ​ഗ്ര​സ് സ്ഥാ​നാ​ർ​ഥി​പ്പ​ട്ടി​ക​യി​ൽ മു​സ്‍ലിം​ക​ൾ 12 പേ​ർ. ബി.​ജെ.​പി പ​ട്ടി​ക​യി​ൽ മു​സ്‍ലിം ആ​രു​മി​ല്ല. അ​ഞ്ചു​വ​ർ​ഷം മു​മ്പ​ത്തെ പ​ട്ടി​ക​യി​ലു​ണ്ടാ​യി​രു​ന്ന ഏ​ക മു​സ്‍ലിം മു​ഖ​മാ​യി​രു​ന്ന സി​റ്റി​ങ് എം.​എ​ൽ.​എ യൂ​നു​സ്ഖാ​നും ഇ​ത്ത​വ​ണ ഔ​ട്ട്.