ബി.ജെ.പിയിൽ അടി, പൊടിപൂ​രം

നി​യ​മ​സ​ഭ​യി​ലേ​ക്കു​ള്ള വോ​ട്ടെ​ടു​പ്പി​ന്​ കൃ​ത്യം ഒ​രു മാ​സം ബാ​ക്കി​നി​ൽ​ക്കേ, രാ​ജ​സ്ഥാ​ൻ ബി.​​ജെ.​പി​യി​ൽ അ​ടി പൊ​ടി​പൂ​രം. ആ​ദ്യം ഇ​റ​ക്കി​യ സ്ഥാ​നാ​ർ​ഥി​പ്പ​ട്ടി​ക​യെ​​ച്ചൊ​ല്ലി ഉ​യ​ർ​ന്ന ക​ലാ​പ​ത്തി​ന്‍റെ പൊ​ടി​യ​ട​ക്കാ​ൻ സി​റ്റി​ങ്​ എം.​എ​ൽ.​എ​മാ​ർ​ക്ക്​ കൂ​ടു​ത​ൽ അ​വ​സ​രം ന​ൽ​കി​യ ര​ണ്ടാം പ​ട്ടി​ക​കൊ​ണ്ട്​ ക​ഴി​ഞ്ഞി​ല്ല.

ഏ​ഴു സി​റ്റി​ങ്​ എം.​പി​മാ​രെ ത​ള്ളി​ക്ക​യ​റ്റി​യ ആ​ദ്യ പ​ട്ടി​ക പു​റ​ത്തു​വ​ന്ന​പ്പോ​ൾ ടി​ക്ക​റ്റ്​ മോ​ഹി​ക​ൾ​ക്കു​ണ്ടാ​യ നി​രാ​ശ ഒ​ട്ടും ചെ​റു​ത​ല്ല. അ​തു ക​ണ​ക്കി​ലെ​ടു​ത്താ​ണ്​ 83 പേ​രു​ടെ ര​ണ്ടാം പ​ട്ടി​ക​യി​ൽ 70 സി​റ്റി​ങ്​ എം.​എ​ൽ.​എ​മാ​ർ​ക്കും ടി​ക്ക​റ്റ്​ ന​ൽ​കി​യ​ത്.

മു​ൻ മു​ഖ്യ​മ​ന്ത്രി വ​സു​ന്ധ​ര രാ​ജെ​യു​ടെ വി​നീ​ത​വി​ധേ​യ​നും മു​ൻ ഉ​പ​രാ​ഷ്​​​ട്ര​പ​തി ഭൈ​റോ​ൺ സി​ങ്​ ശെ​ഖാ​വ​തി​ന്‍റെ മ​രു​മ​ക​നു​മാ​യ ന​ർ​പാ​ൽ സി​ങ്​ രാ​ജ്​​വി​ക്ക്​ ചി​ത്തോ​ർ​ഗ​ഢി​ൽ ടി​ക്ക​റ്റ്​ കൊ​ടു​ത്ത​ത്​ വ​ലി​യ പ്ര​തി​ഷേ​ധ​ങ്ങ​ൾ​ക്ക്​ വ​ഴി​വെ​ച്ചു. നി​ല​വി​ൽ അ​ദ്ദേ​ഹം വി​ദ്യാ​ധ​ർ ന​ഗ​ർ എം.​എ​ൽ.​എ​യാ​ണ്. ചി​ത്തോ​ർ​ഗ​ഢി​ൽ​നി​ന്ന്​ 1993ലും 2003​ലും ജ​യി​ച്ചു. ഇ​ത്ത​വ​ണ ചി​ത്തോ​ർ​ഗ​ഢ്​ വീ​ണ്ടെ​ടു​ക്കാ​ൻ പ​റ്റി​ല്ലെ​ന്നു വ​ന്ന​തോ​ടെ ഉ​ട​ക്കി​യ രാ​ജ്​​വി​ക്കു മു​ന്നി​ൽ ര​ണ്ടു വ​ട്ടം എം.​എ​ൽ.​എ​യാ​യ ച​ന്ദ്ര​ബാ​ൻ സി​ങ്​ ആ​ക്യ​ക്ക്​ മാ​റി​നി​ൽ​ക്കേ​ണ്ടി​വ​ന്നു.

ത​നി​ക്ക്​ ടി​ക്ക​റ്റ്​ നി​ഷേ​ധി​ച്ച​തി​ന്​ ആ​ക്യ സം​സ്ഥാ​ന ബി.​ജെ.​പി അ​ധ്യ​ക്ഷ​നും ചി​ത്തോ​ർ​ഗ​ഢ്​ എം.​പി​യു​മാ​യ സി.​പി. ജോ​ഷി​ക്കു​നേ​രെ നാ​ക്കു​ചു​ഴ​റ്റി. പ​ഴ​യ കോ​ൺ​ഗ്ര​സു​കാ​ര​നാ​യ ജോ​ഷി​ക്ക്​ ത​ന്നോ​ട്​ അ​സൂ​യ​യാ​ണെ​ന്ന്​ വി​ളി​ച്ചു​പ​റ​ഞ്ഞു. മു​മ്പ്​ താ​ൻ എ.​ബി.​വി.​പി​യി​ൽ പ്ര​വ​ർ​ത്തി​ച്ച​പ്പോ​ൾ സി.​പി. ജോ​ഷി എ​ൻ.​എ​സ്.​യു​വി​ലാ​യി​രു​ന്നു. അ​ന്നേ​യു​ണ്ട്​ ശ​ത്രു​ത. പി​ന്നെ, ടി​ക്ക​റ്റ്​ നി​ഷേ​ധി​ക്കാ​തി​രി​​ക്കു​മോ? -ആ​ക്യ​ക്ക്​ സം​ശ​യ​മി​ല്ല.

ആ​ക്യ സ്വ​ത​ന്ത്ര​നാ​യി ക​ള​ത്തി​ലി​റ​ങ്ങു​മെ​ന്ന സൂ​ച​ന വ​ന്നു. അ​ദ്ദേ​ഹ​ത്തി​ന്‍റെ അ​നു​യാ​യി​ക​ൾ തെ​രു​വി​ലി​റ​ങ്ങി പ്ര​തി​ഷേ​ധി​ച്ചു. ജോ​ഷി​യു​ടെ കോ​ലം ക​ത്തി​ച്ചു. പ​ഴ​യ കോ​ൺ​ഗ്ര​സു​കാ​ര​നാ​യ​തി​ന്‍റെ കെ​ടു​തി മു​ഴു​വ​ൻ ബി.​ജെ.​പി​യി​ൽ ഏ​റ്റു​വാ​ങ്ങു​ന്ന ​സി.​പി. ജോ​ഷി അ​തൊ​ക്കെ നി​സ്സാ​ര​മാ​യി ചി​ത്രീ​ക​രി​ക്കാ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. സ്ഥാ​നാ​ർ​ഥി​ത്വം പാ​ർ​ട്ടി കൂ​ട്ടാ​യി എ​ടു​ത്ത​താ​ണെ​ന്ന്​ വി​ശ​ദീ​ക​രി​ച്ചു​നോ​ക്കി. പ​ക്ഷേ, ചി​ത്തോ​ർ​ഗ​ഢ്​ സി​റ്റി​ങ്​ എം.​എ​ൽ.​എ​യു​ടെ അ​നു​യാ​യി​ക​ൾ ഇ​നി​യും അ​ട​ങ്ങി​യി​ട്ടി​ല്ല.

ര​ജ​സാ​മ​ണ്ഡി​ലും ബി.​ജെ.​പി​ക്കാ​ർ ക്ഷു​ഭി​ത​രാ​ണ്. സി​റ്റി​ങ്​ എം.​എ​ൽ.​എ ദീ​പ്​​തി കി​ര​ൺ മ​ഹേ​ശ്വ​രി​ക്കു​ത​ന്നെ​യാ​ണ്​ സീ​റ്റ്. 2021ലെ ​ഉ​പ​തെ​ര​ഞ്ഞെ​ടു​പ്പി​ലാ​ണ്​ കി​ര​ൺ മ​ഹേ​ശ്വ​രി​യു​ടെ വേ​ർ​പാ​ടി​നെ തു​ട​ർ​ന്ന്​ മ​ക​ൾ മ​ത്സ​രി​ച്ച്​ നി​യ​മ​സ​ഭ​യി​ൽ എ​ത്തി​യ​ത്. എ​ന്നാ​ൽ, ദീ​പ്തി​ക്ക്​ വീ​ണ്ടും ടി​ക്ക​റ്റ്​ കൊ​ടു​ത്ത​തി​ലെ പ്ര​തി​ഷേ​ധം മൂ​ത്ത്​ പാ​ർ​ട്ടി ഓ​ഫി​സി​ലെ മേ​ശ ത​ല്ലി​ത്ത​ക​ർ​ക്കു​ന്ന ചി​ത്ര​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​ണ്. ദീ​പ്തി പു​റം​നാ​ട്ടു​കാ​രി​യാ​ണെ​ന്നാ​ണ്​ കു​റ്റ​പ്പെ​ടു​ത്ത​ൽ. അ​ക്ര​മം കാ​ട്ടി​യ നാ​ലു പേ​രെ അ​ച്ച​ട​ക്ക സ​മി​തി പാ​ർ​ട്ടി​യി​ൽ​നി​ന്ന്​ സ​സ്​​പെ​ൻ​ഡ്​ ചെ​യ്തി​രി​ക്കു​ക​യാ​ണ്.

അ​സം ഗ​വ​ർ​ണ​റാ​യി പോ​യി​ട്ടും പ്രാ​ദേ​ശി​ക രാ​ഷ്ട്രീ​യം വി​ടാ​തെ ക​ളി​ക്കു​ന്ന പ​ഴ​യ എം.​എ​ൽ.​എ ഗു​ലാ​ബ്​ ച​ന്ദ്​ ക​ട്ടാ​രി​യ​ക്കു​നേ​രെ​യാ​ണ്​ ഉ​ദ​യ്പു​രി​ലെ പ്ര​തി​ഷേ​ധം. അ​തു ന​യി​ക്കു​ന്ന​ത്​ ഡെ​പ്യൂ​ട്ടി മേ​യ​ർ പ​ര​സ്​ സി​ങ്​​വി. ജ​യ്പു​രി​ൽ ബി.​ജെ.​പി ഓ​ഫി​സി​നു മു​ന്നി​ൽ പ്ര​തി​ഷേ​ധി​ച്ച​ത്​ സാം​ഗ​നീ​ർ എം.​എ​ൽ.​എ​യും ജ​യ്പു​ർ മു​ൻ മേ​യ​റു​മാ​യ ​അ​ശോ​ക്​ ലാ​ഹോ​ട്ടി​യു​ടെ പ​ക്ഷ​ക്കാ​രാ​ണ്. ഭ​ജ​ൻ​ലാ​ൽ ശ​ർ​മ​യെ ഇ​റ​ക്കി​യ​താ​ണ്​ കാ​ര​ണം.

2018ൽ ​ബി.​എ​സ്.​പി ജ​യം തീ​രു​മാ​നി​ച്ച​ത്​ 30 സീ​റ്റി​ൽ

രാ​ജ​സ്ഥാ​നി​ൽ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ജ​യി​ച്ച ആ​റ്​ ബി.​എ​സ്.​പി​ക്കാ​രെ​യും ഒ​രു വ​ർ​ഷ​ത്തി​ന​കം കോ​ൺ​ഗ്ര​സ്​ റാ​ഞ്ചി. അ​തു​കൊ​ണ്ട്​ ഇ​ത്ത​വ​ണ മാ​യാ​വ​തി ന​യി​ക്കു​ന്ന ബി.​എ​സ്.​പി തി​ക​ഞ്ഞ ജാ​ഗ്ര​ത​യി​ൽ. ജ​യ​ത്തേ​ക്കാ​ൾ, പ്ര​ധാ​ന പാ​ർ​ട്ടി​ക​ളു​ടെ ജ​യ​വും തോ​ൽ​വി​യും നി​ശ്ച​യി​ക്കാ​ൻ ത​ങ്ങ​ൾ​ക്ക്​ കെ​ല്പു​ണ്ടെ​ന്ന്​ കാ​ണി​ക്കാ​നു​ള്ള പു​റ​പ്പാ​ടി​ൽ​കൂ​ടി​യാ​ണ്​ ബി.​എ​സ്.​പി.

രാ​ജ​സ്ഥാ​നി​ൽ കോ​ൺ​ഗ്ര​സും ബി.​ജെ.​പി​യും ക​ഴി​ഞ്ഞാ​ൽ മൂ​ന്നാ​മ​ത്തെ പ്ര​ധാ​ന ക​ക്ഷി​യാ​ണ്​ ബി.​എ​സ്.​പി. 2018ൽ 190 ​സീ​റ്റി​ൽ മ​ത്സ​രി​ച്ച ബി.​എ​സ്.​പി​ക്ക്​ ജ​യി​ക്കാ​നോ, ര​ണ്ടും മൂ​ന്നും സ്ഥാ​ന​ക്കാ​രാ​കാ​നോ ക​ഴി​ഞ്ഞ​ത്​ 60 സീ​റ്റു​ക​ളി​ലാ​ണ്. 4.03 ശ​ത​മാ​നം വോ​ട്ട്​ ബി.​എ​സ്.​പി പി​ടി​ച്ചു. 30 സീ​റ്റി​ൽ ജ​യി​ച്ച​യാ​ൾ നേ​ടി​യ ഭൂ​രി​പ​ക്ഷ​ത്തേ​ക്കാ​ൾ കൂ​ടു​ത​ൽ വോ​ട്ട്​ ബി.​എ​സ്.​പി പി​ടി​ച്ചു.

ഈ 30 ​മ​ണ്ഡ​ല​ങ്ങ​ളി​ൽ 17ൽ ​ജ​യി​ച്ച​ത്​ കോ​ൺ​ഗ്ര​സ്. 10 സീ​റ്റി​ൽ ബി.​ജെ.​പി. മൂ​ന്നി​ട​ത്ത്​ സ്വ​ത​ന്ത്ര​ർ. ബി.​എ​സ്.​പി സ്ഥാ​നാ​ർ​ഥി​ക​ൾ​മൂ​ലം 17 സീ​റ്റ്​ ബി.​ജെ.​പി​ക്ക്​ കൈ​വി​ട്ടു പോ​യി. ഈ ​സീ​റ്റു​ക​ളി​ൽ ജ​യി​ച്ചി​രു​ന്നെ​ങ്കി​ൽ 200 അം​ഗ നി​യ​മ​സ​ഭ​യി​ൽ സീ​റ്റെ​ണ്ണം 73ൽ​നി​ന്ന്​ 90 ആ​യി ഉ​യ​ർ​ന്നേ​നെ. കോ​ൺ​ഗ്ര​സി​ന്‍റെ സീ​റ്റെ​ണ്ണം 100ൽ​നി​ന്ന്​ 84ലേ​ക്കു താ​ഴു​ക​യും ചെ​യ്യും. കോ​ൺ​ഗ്ര​സി​നെ സം​ബ​ന്ധി​ച്ചി​ട​ത്തോ​ളം ബി.​എ​സ്.​പി തു​ല​ച്ച​ത്​ 11 സീ​റ്റാ​ണ്. അ​തി​ൽ ഒ​മ്പ​തും ബി.​ജെ.​പി പി​ടി​ച്ചു. ര​ണ്ടി​ൽ സ്വ​ത​ന്ത്ര​ർ ജ​യി​ച്ചു.

ജ​യി​ച്ച ആ​റ്​ എം.​എ​ൽ.​എ​മാ​രും കോ​ൺ​ഗ്ര​സി​നൊ​പ്പം പോ​യ 2019ലെ ​അ​നു​ഭ​വം ആ​വ​ർ​ത്തി​ക്കാ​തി​രി​ക്കാ​ൻ, സ്ഥാ​നാ​ർ​ഥി​ക​ളെ തെ​ര​ഞ്ഞെ​ടു​ക്കു​ന്ന​തി​ൽ വ​ലി​യ സൂ​ക്ഷ്മ​ത കാ​ണി​ക്കു​ന്നു​ണ്ട്​ ബി.​എ​സ്.​പി. ഇ​തി​ന​കം 12 പേ​രെ​യാ​ണ്​ പ്ര​ഖ്യാ​പി​ച്ച​ത്. എ​ന്നാ​ൽ, എ​ല്ലാ സീ​റ്റി​ലും മ​ത്സ​രി​ക്കാ​നു​ള്ള പു​റ​പ്പാ​ടി​ലു​മാ​ണ്. ഒ​ന്നും ര​ണ്ടും മൂ​ന്നും സ്ഥാ​ന​ത്തെ​ത്തി​യ 60 സീ​റ്റി​ൽ കേ​ന്ദ്രീ​ക​രി​ച്ചു പ്ര​വ​ർ​ത്തി​ക്കാ​നും ഒ​രു​ങ്ങു​ന്നു. ബി.​എ​സ്.​പി​യു​ടെ വോ​ട്ടു​ബാ​ങ്കി​ൽ വി​ള്ള​ൽ വീ​ഴ്ത്താ​ൻ പ്ര​ധാ​ന പാ​ർ​ട്ടി​ക​ൾ ശ്ര​മി​ക്കു​ക​യും ചെ​യ്യു​ന്നു.