500, 2000 രൂപ നോട്ടുകളിൽ ഗാന്ധി ചിത്രം നീക്കി മോദിയുടെ വെക്കണം -രാജസ്​ഥാൻ കോൺഗ്രസ്​ എം.എൽ.എ

ജയ്​പൂർ: മഹാത്മാഗാന്ധിയുടെ ചിത്രം ഒഴിവാക്കി 500, 2000 രൂപ നോട്ടുകളിൽ പ്രധാനമന്ത്രി നരേന്ദ്രമോദിയുടെ ചിത്രം വെക്കണമെന്ന്​ രാജസ്​ഥാൻ കോൺഗ്രസ്​ എം.എൽ.എ. ഈ നോട്ടുകൾ അഴിമതിക്കും ബാറുകളിലും മാത്രമാണ്​​ ഉപയോഗിക്കുന്നതെന്നാണ്​ എം.എൽ.എ ഭരത്​ സിങ്​ കുന്ദൻപൂറിന്‍റെ ആരോപണം. ഇക്കാര്യം ആവശ്യപ്പെട്ട്​ ഒക്​ടോബർ രണ്ട്​ ഗാന്ധിജയന്തി ദിനത്തിൽ പ്രധാനമന്ത്രിക്ക്​ കത്തയക്കുകയും ചെയ്​തു.

അഞ്ച്​, 10, 50, 100, 200 രൂപ ​േനാട്ടുകളിൽ മഹാത്മാഗാന്ധിയുടെ ചിത്രം ഉപയോഗിക്കാം. അവ രാജ്യത്തെ പാവപ്പെട്ടവരാണ്​ ഉപയോഗിക്കുന്നത്​. ഗാന്ധി അദ്ദേഹ​ത്തിന്‍റെ ജീവിതം തന്നെ പാവങ്ങൾക്കായി മാറ്റിവെച്ചിരുന്നു. എന്നാൽ ഉയർന്ന മൂല്യമുള്ള നോട്ടുകളിൽനിന്ന്​ മഹാത്മാഗാന്ധിയുടെ ചിത്രം ഒഴിവാക്കി മോദിയുടെ ചിത്രം ഉപയോഗിക്കണം -എം.എൽ.എ പറഞ്ഞു.

'500, 2000 രൂപ നോട്ടുകളിൽ ഗാന്ധിയുടെ കണ്ണട പ്രതീകാത്മകമായി ഉപയോഗിക്കാമെന്നാണ്​ എന്‍റെ നിർദേശം. കൂടാതെ അശോകസ്തംഭവ​ും ഉപയോഗിക്കാം' -ഭരത്​ സിങ് പറയുന്നു.

ഗാന്ധിയുടെ ചിത്രം സത്യത്തെ പ്രതിനിധീകരിക്കാൻ 500, 2000 രൂപ നോട്ടുകളിൽ ഉപയോഗിക്കുന്നു. എന്നാൽ ഇവ അഴിമതിക്കും കൈക്കൂലിക്കുമായാണ്​ കൂടുതൽ ഉപയോഗിക്കുന്നത്​. ഇത്തരം ഉയർന്ന മൂല്യമുള്ള നോട്ടുകൾ ബാറുകളിലു​ം മറ്റും ഉപയോഗിക്കുന്നത്​ ഗാന്ധിയോടുള്ള അനാദരവ്​ കാണിക്കുന്നു' -ഭരത്​ സിങ്​ പറഞ്ഞു. രാജ്യത്ത്​​ അഴിമതി വർധിക്കുന്നതിനെരിരെയും ഭരത്​ രംഗത്തെത്തി.