ക്രിസ്ത്യൻ, മുസ്‍ലിം വിഭാഗങ്ങൾക്കെതിരായ വിദ്വേഷ പ്രസംഗം; ബാബാ രാംദേവിനെതിരെ ​രാജസ്ഥാൻ പൊലീസ് ​അന്വേഷണം

യോഗ ഗുരു ബാബാ രാംദേവിന്റെ വിദ്വേഷ പ്രസംഗത്തിനെതിരെ സവമേധയാ അന്വേഷണം പ്രഖ്യാപിച്ച് രാജസ്ഥാൻ സർക്കാർ. കഴിഞ്ഞ ദിവസം രാജസ്ഥാനിലെ ബാർമറിൽ നടന്ന പരിപാടിയിൽ രാജ്യത്തെ മുസ്‍ലിംകൾക്കും ക്രിസ്ത്യാനികൾക്കും എതിരെ അതി ഗുരുതരമായ വിദ്വേഷ പ്രസ്താവനകളാണ് രാംദേവ് നടത്തിയിരുന്നത്. മുസ്‍ലിംകൾ നമസ്കാരത്തിലൂടെ തീവ്രവാദികളെ സൃഷ്ടിക്കുകയാണെന്നും ക്രിസ്ത്യാനികൾ മതപരിവർത്തനം നടത്തിക്കൊണ്ടിരിക്കുകയാണെന്നുമായിരുന്നു ഇയാളുടെ പ്രസ്താവന.