നിയമം മൂലം മാസ്​ക്​ നിർബന്ധമാക്കുമെന്ന്​ രാജസ്ഥാൻ മുഖ്യമന്ത്രി അശോക്​ ഗെഹ്​ലോട്ട്​

ജയ്​പൂർ: മാസ്​ക്​ നിർബന്ധമാക്കാൻ നിയമം കൊണ്ടു വരുമെന്ന്​ രാജസ്ഥാൻ മുഖ്യമന്ത്രി അശോക്​ ഗെഹ്​ലോട്ട്​. മാസ്​കാണ്​ കോവിഡിനെതിരെയുള്ള ഫലപ്രദമായ വാക്​സിനെന്ന്​ അശോക്​ ഗെഹ്​ലോട്ട്​ പറഞ്ഞു. കോവിഡിനെ പ്രതിരോധിക്കാൻ ഇതാദ്യാമായാണ്​ ഒരു സംസ്ഥാനം മാസ്​ക്​ നിർബന്ധമാക്കി നിയമം പാസാക്കാനൊരുങ്ങുന്നത്​.

കോവിഡിനെ പ്രതിരോധിക്കാനായി മാസ്​ക്​ നിർബന്ധമാക്കി ഇന്ന്​ തന്നെ നിയമം പാസാക്കുമെന്ന്​ അശോക്​ ഹെഗ്​ലോട്ട്​ ട്വീറ്റ്​ ചെയ്​തു. മലിനീകരണം കുറക്കാനായി പടക്കങ്ങളുടെ വിൽപന നിരോധിക്കും. പടക്കങ്ങൾ പൊട്ടിക്കുന്നതിനും നിരോധനം ബാധകമായിരിക്കുമെന്നും അശോക്​ ഗെഹ്​ലോട്ട്​ പറഞ്ഞു.

പടക്കവിൽപനക്കായി നൽകിയ താൽക്കാലിക ലൈസൻസുകൾ ഉടൻ റദ്ദാക്കും. വിവാഹത്തിലും മറ്റ്​ ആഘോഷങ്ങളിലും പടക്കത്തി​െൻറ ഉപയോഗത്തിന്​ നിയന്ത്രണമേർപ്പെടുത്തുമെന്നും അദ്ദേഹം പറഞ്ഞു.