ദുരന്തവാർത്തകൾ കാണാതെ ദേശീയ ചാനലുകൾ; വിമർശനവുമായി രാജ്​ദീപ്​ സ​ർദേശായി

ന്യൂഡൽഹി: കേരളത്തിലെ വിമാന, ഉരുൾപൊട്ടൽ ദുരന്തവാർത്തകൾക്ക്​ അർഹിക്കുന്ന പ്രധാന്യം നൽകാത്ത ദേശീയമാധ്യമങ്ങൾക്കെതിരെ രൂക്ഷ വിമർശനവുമായി മുതിർന്ന മാധ്യമപ്രവർത്തകൻ രാജ്​ദീപ്​ സർദേശായി. ഇരുദുരന്തത്തിലും 35ഓളം പേർ മരിച്ചപ്പോൾ നടൻ സുശാന്തി​െൻറ മരണത്തെ ചുറ്റിപ്പറ്റിയുള്ള വിവാദങ്ങൾ തുടർച്ചയായി ചർച്ച ചെയ്യുകയായിരുന്നു ദേശീയചാനലുകൾ.

''ഒരു നട​െൻറ മരണം ടാബ്ലോയിഡ് സോപ്പ് ഓപ്പറയായി അവതരിപ്പിക്കുന്നതിനേക്കാൾ കൂടുതൽ വാർത്തകളുണ്ടെന്ന് നമ്മുടെ ബഹളമയമായ ചാനലുകൾക്ക്​ മനസ്സിലാകണമെങ്കിൽ ഏറെ പ്രയാസമാണ്​. വാർത്തയെന്നത്​ സേവന വിഭാഗമാണ്​. അനാവശ്യ വിവാദങ്ങളല്ല. വിവരങ്ങൾ വിനോദമല്ല. ദുഃഖത്തി​െൻറ വേളയിൽ കേരളത്തിന്​ പ്രാർത്ഥനകൾ!'' എന്നായിരുന്നു അദ്ദേഹത്തി​െൻറ ട്വീറ്റ്​.