മുഴുവൻ നികുതിയുമടച്ച്​ രജനീകാന്ത്​; കോടതിയിൽ പോയത്​ തെറ്റെന്നും താരം

ചെന്നൈ: കല്യാണമണ്ഡപത്തി​െൻറ മുഴുവൻ നികുതിയുമടച്ച്​ സൂപ്പർതാരം രജനീകാന്ത്​. കോടതിയിൽ പോയത്​ തെറ്റാണെന്നും ഇത്​ തന്നെ പുതിയൊരു പാഠം പഠിപ്പിച്ചതായും രജനീകാന്ത്​ പറഞ്ഞു. നേരത്തെ രജനീകാന്തി​െൻറ ഉടമസ്ഥതയിലുള്ള കല്യാണമണ്ഡപത്തിന്​ നികുതിയിളവ്​ നൽകണമെന്ന്​ ആവശ്യപ്പെട്ട്​ താരം മദ്രാസ്​ ഹൈകോടതിയെ സമീപിച്ചിരുന്നു.

6.5 ലക്ഷം രൂപയാണ്​ രജനീകാന്ത്​ കല്യാണമണ്ഡപത്തി​െൻറ നികുതിയായി ചെന്നൈ കോർപ്പറേഷനിൽ അടക്കേണ്ടിയിരുന്നത്​. ഇതിനെതിരെ താരം കോടതിയെ സമീപിക്കുകയായിരുന്നു. എന്നാൽ, കേസിൽ രജനീകാന്തിന്​ രൂക്ഷവിമർശനം നേരിടേണ്ടി വന്നിരുന്നു.

കോവിഡ്​ ലോക്​ഡൗൺ മൂലം ബിസിനസ്​ നടന്നില്ലെന്നും അതിനാൽ ഇളവ്​ വേണമെന്നുമായിരുന്നു രജനീകാന്തി​െൻറ ആവശ്യം. എന്നാൽ, രജനിയുടെ ഹരജിക്കെതിരെ കോടതി കടുത്ത നിലപാട്​ സ്വീകരിക്കുകയായിരുന്നു.