പേരറിവാളന്​ ഒരു മാസ​ത്തെ പരോൾ

ചെന്നൈ: രാജീവ്​ ഗാന്ധി വധക്കേസിലെ ജീവപര്യന്തം തടവുകാരനായ പേരറിവാളന്​ ഒരു മാസത്തെ പരോൾ അനുവദിച്ചതായി വെല്ലൂ ർ സെൻട്രൽ ജയിൽ അധികൃതർ അറിയിച്ചു. പിതാവി​​​െൻറ ആരോഗ്യനില മോശമായ സാഹചര്യം കണക്കിലെടുത്താണ്​ നടപടി. കഴിഞ്ഞ വർ ഷവും മദ്രാസ്​ ഹൈകോടതി ഉത്തരവ്​ പ്രകാരം പേരറിവാളന്​ രണ്ട്​ മാസത്തെ പരോൾ ലഭിച്ചിരുന്നു.

പേരറിവാളൻ ഉൾപ്പെടെ ഏഴു പ്രതികളും 28 വർഷമായി തടവിലാണ്​. ഇൗയിടെ മകളുടെ വിവാഹത്തിന്​ നളിനിയും ഒന്നര മാസത്തെ പരോളിലിറങ്ങിയിരുന്നു. മറ്റൊരു പ്രതിയായ റോബർട്ട്​ പയസും മക​​​െൻറ വിവാഹത്തിന്​ പരോൾ അപേക്ഷയുമായി മദ്രാസ്​ ഹൈകോടതിയെ സമീപിച്ചിട്ടുണ്ട്​.