രാ​ജീ​വ് ​ഗാ​ന്ധി വ​ധ​ം: ഇരകൾക്ക് ഹരജി സമർപ്പിക്കാമെന്ന് സുപ്രീംകോടതി

ന്യൂ​ഡ​ൽ​ഹി: രാ​ജീ​വ് ​ഗാ​ന്ധി വ​ധ​ക്കേസിൽ തടവുശിക്ഷ അനുഭവിക്കുന്നവരെ മോചിപ്പിക്കുന്നതിൽ ആക്ഷേപമുള്ള ഇരകൾക്ക് ഹരജി സമർപ്പിക്കാമെന്ന് സുപ്രീംകോടതി. ഈ വിഷയത്തിൽ മൂന്നാഴ്ചക്കകം പുതിയ ഹരജികൾ സമർപ്പിക്കണമെന്നും കോടതി നിർദേശിച്ചു.

1991 മേയ്​ 21നാണ്​ തമിഴ്​നാട്ടിലെ ​ശ്രീപെരുമ്പുത്തൂരിൽ മുൻ പ്രധാനമന്ത്രി രാജീവ്​ ഗാന്ധി കൊല്ല​പ്പെട്ടത്​. തെരഞ്ഞെടുപ്പ് പ്രചാരണത്തിന് എത്തിയ രാജീവിന് മുമ്പിൽ എൽ.ടി.ടി.ഇ അംഗം തനു എന്ന വനിതാ ചാവേർ ​െപാട്ടിത്തെറിക്കുകയായിരുന്നു. ഈ ദുരന്തത്തിൽ രാജീവിനെ കൂടാതെ 14 പേർ കൊല്ലപ്പെട്ടിരുന്നു.

ഈ കൊല്ലപ്പെട്ടവരുടെ ബന്ധുക്കളാണ് പ്രതികളെ വിട്ടയക്കാനുള്ള തമിഴ്നാട് സർക്കാറിന്‍റെ ശിപാർശക്കെതിരെ രംഗത്തു വന്നത്. കൂടാതെ, ഈ ആവശ്യം ഉന്നയിച്ച് ഇരകൾ തമിഴ്നാട് ഗവർണർ ബൻവാരി​ലാൽ പുരോഹിതിനെ കാണുകയും സർക്കാറിന്‍റെ ശിപാർശക്ക് അംഗീകാരം നൽകരുതെന്ന് ആവശ്യപ്പെടുകയും ചെയ്തിരുന്നു.

വ​ധ​ക്കേ​സിൽ ശിക്ഷ അനുഭവിക്കുന്ന എ.​ജി. പേ​ര​റി​വാ​ള​​ന്‍റെ ദ​യാ​ഹ​ര​ജി പ​രി​ഗ​ണി​ച്ച സു​പ്രീം​കോ​ട​തി,​ ഉ​ചി​ത ന​ട​പ​ടി സ്വീ​ക​രി​ക്കാ​ൻ ത​മി​ഴ്​​നാ​ട്​ ഗ​വ​ർ​ണ​റോ​ട്​ നേരത്തെ ആ​വ​ശ്യ​പ്പെ​ട്ടിരുന്നു. ഏ​ഴു പ്ര​തി​ക​ളെ വി​ട്ട​യ​ക്കാ​നു​ള്ള ത​മി​ഴ്​​നാ​ട്​ സ​ർ​ക്കാ​റി​​ന്‍റെ നീ​ക്ക​ത്തി​നെ​തി​രെ കേ​ന്ദ്രം ന​ൽ​കി​യ അ​പേ​ക്ഷ തീ​ർ​പ്പാ​ക്കി​യാ​ണ്​ ജ​സ്​​റ്റി​സു​മാ​രാ​യ ര​ഞ്​​ജ​ൻ ഗൊ​ഗോ​യി, ന​വീ​ൻ സി​ൻ​ഹ, കെ.​എം. ജോ​സ​ഫ്​ എ​ന്നി​വ​ർ ഉ​ൾ​പ്പെ​ട്ട ബെ​ഞ്ച് നി​ർ​ദേ​ശം നൽകിയത്.

തുടർന്ന് വധക്കേസിൽ 27 വർഷമായി ജയിൽശിക്ഷ അനുഭവിക്കുന്ന മുരുകൻ, ശാന്തൻ, പേരറിവാളൻ, ജയകുമാർ, രവിചന്ദ്രൻ, റോബർട്ട്​ പയസ്​, നളിനി എന്നിവരെ മോചിപ്പിക്കാൻ ഗവർണറോട്​ അണ്ണാ ഡി.എം.കെ ​സർക്കാർ ശിപാർശ ചെയ്തു. എന്നാൽ, ഈ വിഷയത്തിൽ ഇതുവരെ ഗവർണർ അന്തിമ തീരുമാനം എടുത്തിട്ടില്ല.