മുഖ്യതെരഞ്ഞെടുപ്പ് കമീഷണറായി രാജീവ് കുമാർ ചുമതലയേറ്റു

ന്യൂഡൽഹി: രാജ്യത്തെ 25ാമത് മുഖ്യതെരഞ്ഞെടുപ്പ് കമീഷണറായി രാജീവ് കുമാർ ചുമതലയേറ്റു. സുശീൽ ചന്ദ്ര സ്ഥാനമൊഴിഞ്ഞതോടെയാണ് 2020 സെപ്റ്റംബർ മുതൽ തെരഞ്ഞെടുപ്പ് കമീഷനിലുള്ള രാജീവ് കുമാർ മുഖ്യ കമീഷണറായി നിയമിതനായത്.

ഈവർഷം ജൂലൈ-ആഗസ്റ്റിൽ നടക്കുന്ന രാഷ്ട്രപതി, ഉപരാഷ്ട്രപതി തെരഞ്ഞെടുപ്പുകളും 2024ലെ ലോക്സഭ തെരഞ്ഞെടുപ്പുമാണ് പുതിയ മുഖ്യതെരഞ്ഞെടുപ്പ് കമീഷണർക്കുമുന്നിലുള്ള പ്രധാന ചുമതലകൾ. 2025 ഫെബ്രുവരി വരെയാണ് രാജീവ് കുമാറിന്റെ കാലാവധി.