പാർലമെൻറിൽ പ്രതിപക്ഷ ബഹളം; ലോക്​സഭ ഇന്നത്തേക്ക്​ പിരിഞ്ഞു

ന്യുഡൽഹി: പാർലമ​​​​െൻറിൽ ബജറ്റ്​ സമ്മേളനം ബഹളം മൂലം ലോക്​സഭ ഇന്നത്തേക്ക്​ പിരിഞ്ഞു. രാജ്യസഭ ഉച്ച വരെ നിർത്തിവെച്ചു. പഞ്ചാബ്​ നാഷണൽ ബാങ്ക്​ തട്ടിപ്പ്​, ആന്ധ്രപ്രദേശി​​​​​െൻറ​ പ്രത്യേക പാക്കേജ്​ തുടങ്ങിയ വിഷയങ്ങൾ ഉന്നയിച്ച്​ പ്രതിപക്ഷം ബഹളം തുടർന്നതോടെയാണ്​ ലോക്​ സഭ പിരിയുകയും രാജ്യ സഭ രണ്ടുമണി വരെ നിർത്തി​െവക്കുകയും ചെയ്​തത്​. 

തൃണമൂൽ കോൺഗ്രസും ഇടത്​ എം.പിമാരും പി.എൻ.ബി തട്ടിപ്പ്​ ഉന്നയിച്ച്​ ഭരണപക്ഷത്തിനെതിരെ മുദ്രാവാക്യം മുഴക്കിയപ്പോൾ, ടി.ഡി.പി എം.എൽ.എമാർ ആന്ധ്രയുടെ പ്രത്യേക പദവിക്കായാണ്​ മുദ്രാവാക്യം മുഴക്കിയത്​. ഗുലാം നബി ആസാദ്​, നരേഷ്​ അഗർവാൾ, ഡി. രാജ എന്നിവർ ചർച്ചക്ക്​ നോട്ടീസ്​ നൽകി. എന്നാൽ, കാർത്തി ചിദംബരത്തിനെതിരായ ആരോപണങ്ങൾ ഉന്നയിച്ച്​ പ്രതിപക്ഷ ആരോപണങ്ങളെ എതിർക്കാനാണ്​ ഭരണപക്ഷം ശ്രമിച്ചത്​. ഇത്​ പ്രതിപക്ഷത്തെ കൂടുതൽ പ്രകോപിതരാക്കി.

ബഹളംവെക്കരുതെന്നും ചർച്ചകളാകാമെന്നുമുള്ള  രാജ്യസഭാധ്യക്ഷൻ വെങ്കയ്യ നായിഡുവി​​​​​െൻറ നിർദേശങ്ങളൊന്നും പ്രതിപക്ഷം ചെവിക്കൊണ്ടില്ല. 

നേരത്തെ സഭ ​േചർന്നയുടൻ ബഹളവുമായി രംഗത്തെത്തിയ പ്രതിപക്ഷത്തെ ശാന്തരാക്കാൻ സാധിക്കാത്തതിനെ തുടർന്ന്​ രാജ്യ സഭ നിർത്തിവെക്കുകയും പിന്നീട്​ 11.20ന്​ വീണ്ടും ചേരുകയുമായിരുന്നു. അപ്പോഴും ബഹളം തുടർന്നതി​നാലാണ്​ രണ്ടു മണി വരെ നിർത്തിവെച്ചത്​.  ആന്ധ്രയുടെ പ്രത്യേക പദവി ആവശ്യപ്പെട്ട്​ ലോക്​ സഭയിലും ബഹളം തുടർന്നതിനാൽ ഇന്നത്തേക്ക്​ പിരിയുകയായിരുന്നു.