വെങ്കയ്യ നായിഡുവിന്​ രാജ്യസഭയുടെ യാത്രയയപ്പ്

ന്യൂ​ഡ​ൽ​ഹി: ഭ​ര​ണ​ക​ക്ഷി​യെ ശ​ത്രു​വാ​യി കാ​ണ​രു​തെ​ന്നും എ​തി​രാ​ളി​യാ​യേ കാ​ണാ​വൂ എ​ന്നും പ്ര​തി​പ​ക്ഷ​ത്തെ ഉ​പ​ദേ​ശി​ച്ച്​ ചെ​യ​ർ​മാ​ൻ വെ​ങ്ക​യ്യ നാ​യി​ഡു രാ​ജ്യ​സ​ഭ​യോ​ട്​ വി​ട പ​റ​ഞ്ഞു.

രാ​ജ്യ​സ​ഭ​യി​ൽ ത​ന്‍റെ അ​വ​സാ​ന ദി​വ​സ​മാ​യ തി​ങ്ക​ളാ​ഴ്ച ന​ട​ത്തി​യ വി​ട​വാ​ങ്ങ​ൽ പ്ര​സം​ഗ​ത്തി​ൽ ഉ​പ​രാ​ഷ്​​​ട്ര​പ​തി​യാ​യി രാ​ജ്യ​ത്തെ ​സേ​വി​ക്കാ​ൻ അ​വ​സ​രം ന​ൽ​കി​യ​തി​ന്​ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക്​ നാ​യി​ഡു ന​ന്ദി പ​റ​ഞ്ഞു. വ​ർ​ഷ​കാ​ല സ​മ്മേ​ള​ന​ത്തി​ന്‍റെ അ​വ​സാ​ന ദി​വ​സ​മാ​യ തി​ങ്ക​ളാ​ഴ്​​ച രാ​ജ്യ​സ​ഭ വെ​ങ്ക​യ്യ​നാ​യി​ഡു​വി​ന്​ യാ​ത്ര​യ​യ​പ്പ്​ ന​ൽ​കി.

രാ​ജ്യ​ത്തി​ന്‍റെ ഉ​പ​രാ​ഷ്​​​ട്ര​പ​തി​യാ​ക്കു​ക​യാ​ണെ​ന്ന്​ പ്ര​ധാ​ന​മ​ന്ത്രി പ​റ​ഞ്ഞ ദി​വ​സം ക​ണ്ണു​നി​റ​ഞ്ഞി​രു​ന്നു. പാ​ർ​ട്ടി വി​ടേ​ണ്ടി വ​രു​മ​ല്ലോ എ​ന്നോ​ർ​ത്താ​ണ്​ ക​ണ്ണു​നി​റ​ഞ്ഞ​ത്. ഞാ​നി​ത്​ ചോ​ദി​ച്ച​താ​യി​രു​ന്നി​ല്ല. പാ​ർ​ട്ടി ചു​മ​ത​ല ഏ​ൽ​പി​ച്ചു. അ​ത​നു​സ​രി​ച്ച്​ ഞാ​ൻ പാ​ർ​ട്ടി​യി​ൽ നി​ന്ന്​ രാ​ജി​വെ​ച്ചു. സ​ഭ ന​ട​ത്താ​ൻ എ​​ന്നെ​ക്കൊ​ണ്ട്​ ക​ഴി​യു​ന്ന ത​ര​ത്തി​ൽ നോ​ക്കി. ​ എ​ല്ലാ ക​ക്ഷി​ക​ൾ​ക്കും ഇ​ട​വും അ​വ​സ​ര​വും ന​ൽ​കി. ഉ​പ​രി​സ​ഭ​ക്ക്​ കൂ​ടു​ത​ൽ ഉ​ത്ത​ര​വാ​ദി​ത്ത​മു​ണ്ട്. ലോ​കം രാ​ജ്യ​ത്തെ നോ​ക്കി​ക്കൊ​ണ്ടി​രി​ക്കു​മ്പോ​ൾ എം.​പി​മാ​ർ മ​ര്യാ​ദ പു​ല​ർ​ത്ത​ണം. ന​മ്മ​ൾ ശ​ത്രു​ക്ക​ള​ല്ല, എ​തി​രാ​ളി​ക​ളാ​ണ്. മ​ത്സ​ര​ത്തി​ൽ മ​റ്റു​ള്ള​വ​രെ​ക്കാ​ൾ ​തി​ള​ങ്ങാ​ൻ അ​ത്യ​ധ്വാ​നം ചെ​യ്യാം. ത​ള്ളി​വീ​ഴ്ത്താ​ൻ നോ​ക്ക​രു​തെ​ന്നും നാ​യി​ഡു വ്യ​ക്ത​മാ​ക്കി.

നാ​യി​ഡു​വി​ന്‍റെ ഓ​രോ വാ​ക്കു​ക​ളെ​യും മാ​നി​ച്ചി​ട്ടു​ണ്ടെ​ന്നും ഒ​രി​ക്ക​ലും അ​തി​നെ​തി​ര്​ പ​റ​ഞ്ഞി​ട്ടി​ല്ലെ​ന്നും പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ​റ​ഞ്ഞു. ഏ​റ്റ​വും പ്ര​യാ​സ​വും സ​മ്മ​ർ​ദ​വു​മേ​റി​യ ഘ​ട്ട​ത്തി​ൽ താ​ങ്ക​ൾ സ്വ​ന്തം റോ​ൾ നി​ർ​വ​ഹി​ച്ചു​വെ​ന്ന്​ പ്ര​തി​പ​ക്ഷ നേ​താ​വ്​ മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞു. നാ​യി​ഡു​വി​നെ കു​റി​ച്ച പ​രാ​തി​യു​ണ്ടാ​യി​രു​ന്നു​വെ​ന്നും എ​ന്നാ​ൽ അ​ത്​ പ​റ​യാ​നു​ള്ള സ​മ​യ​മ​ല്ല ഇ​തെ​ന്നും മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞു. രാ​ജ്യ​ത്തെ ജ​നാ​ധി​പ​ത്യ അ​ന്ത​രീ​ക്ഷം നി​ല​നി​ർ​ത്താ​ൻ ബി.​ജെ.​പി നേ​താ​ക്ക​ളോ​ട് ആ​വ​ശ്യ​പ്പെ​ട​ണ​മെ​ന്ന് ഉ​പ​രാ​ഷ്ട്ര​പ​തി വെ​ങ്ക​യ്യ നാ​യി​ഡു​വി​നോ​ട് പി.​വി. അ​ബ്ദു​ൽ വ​ഹാ​ബ് ആ​വ​ശ്യ​പ്പെ​ട്ടു.

കേ​ന്ദ്ര സ​ർ​ക്കാ​ർ പാ​ർ​ല​മെ​ന്‍റ്​ സ​മ്മേ​ള​നം വെ​ട്ടി​ച്ചു​രു​ക്കി​യ​തി​നാ​ൽ നാ​യി​ഡു​വി​ന് യാ​ത്ര​യ​യ​പ്പ്​ ന​ൽ​കി തി​ങ്ക​ളാ​ഴ്ച രാ​ജ്യ​സ​ഭ​യും വ​ർ​ഷ​കാ​ല സ​മ്മേ​ള​നം അ​വ​സാ​നി​പ്പി​ച്ച്​ പി​രി​ഞ്ഞു. ഉ​പ​രാ​ഷ്ട്ര​പ​തി എ​ന്ന നി​ല​യി​ൽ നാ​യി​ഡു​വി​ന്‍റെ കാ​ലാ​വ​ധി 10ന്​ ​അ​വ​സാ​നി​ക്കും. 11ന്​ ​രാ​ജ്യ​ത്തി​ന്‍റെ പു​തി​യ ഉ​പ​രാ​ഷ്​​​ട്ര​പ​തി​യാ​യി ജ​ഗ്ദീ​പ്​ ധ​ൻ​ഖ​ർ സ​ത്യ​പ്ര​തി​ജ്ഞ ചെ​യ്യും.