മ്യാൻമറുമായുള്ള അതിർത്തിയിൽ വേലി നിർമിക്കുന്നതിനെതിരെ മണിപ്പൂരിൽ പ്രതിഷേധ റാലി
text_fieldsഇംഫാൽ: മ്യാൻമറുമായുള്ള അതിർത്തിയിൽ വേലി നിർമിക്കാനുള്ള കേന്ദ്ര സർക്കാറിന്റെ നീക്കത്തിനെതിരെ മണിപ്പൂരിൽ വൻ പ്രതിഷേധ റാലി. തെങ്നൗപാൽ ജില്ലയിൽ വ്യാഴാഴ്ചയാണ് റാലി സംഘടിപ്പിച്ചത്.
സോ-യൂനിഫിക്കേഷൻ ഓർഗനൈസേഷൻ, നാഗാലാൻഡ് ഇൻഡിജിനസ് പീപ്പിൾസ് ഫോറം, കുക്കി ഇൻപി തെങ്നൗപൽ ഡിസ്ട്രിക്റ്റ്, കുക്കി സ്റ്റുഡൻ്റ്സ് ഓർഗനൈസേഷൻ എന്നിവയുടെ നേതൃത്വത്തിലായിരുന്നു റാലി. തെങ്ങ്നൗപാൽ ഡെപ്യൂട്ടി കമ്മീഷണറുടെ ഓഫീസിലേക്കായിരുന്നു സെന്റ് പീറ്റേഴ്സ് പള്ളിയിൽനിന്ന് ആരംഭിച്ച റാലി.
ജില്ലയിലെ നൂറുകണക്കിന് കുക്കി-സോ ജനങ്ങൾ റാലിയിൽ പങ്കെടുത്തു. റാലിക്ക് ശേഷം തെങ്നൗപാൽ കമ്യൂണിറ്റി ഹാളിൽ സമ്മേളനവും നടന്നു.
ഫെബ്രുവരിയിൽ കേന്ദ്ര ആഭ്യന്തര മന്ത്രി അമിത് ഷാ, ഇന്ത്യ-മ്യാൻമർ അതിർത്തിയിലെ 1,643 കിലോമീറ്ററിൽ മുഴുവൻ വേലി കെട്ടാനുള്ള പദ്ധതി പ്രഖ്യാപിച്ചിരുന്നു. രേഖകളൊന്നുമില്ലാതെ പ്രദേശവാസികൾക്ക് പരസ്പരം 16 കിലോമീറ്റർ സഞ്ചരിക്കാൻ അനുവദിക്കുന്ന ഫ്രീ മൂവ്മെന്റ് സംവിധാനം ഇതോടെ അവസാനിച്ചേക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.