ഗുർമീതിനെതിരായ കൊപാതക കേസുകളിലെ വാദം; പഞ്ച്​ഗുളയിൽ കനത്ത സുരക്ഷ

പഞ്ച്​ഗുള: ദേര സച്ചാ സൗധ തലവൻ ഗുർമീത്​ റാം റഹീമിനെതിരായ കൊലപാതക കേസുകളിൽ വാദം ശനിയാഴ്​ച തുടങ്ങും. സി.ബി.​െഎ പ്രത്യേക കോടതിയിലാണ്​ വാദം ആരംഭിക്കുക. സിർസ കേന്ദ്രമാക്കി പ്രവർത്തിച്ചിരുന്ന മാധ്യമപ്രവർത്തകൾ റാം ചന്ദർ ചത്രപതി, മുൻ ദേര മാനേജർ രഞ്​ജിത്​ സിങ്​ എന്നിവരെ ​കൊലപ്പെടുത്തിയെന്നാണ്​ ഗുർമീതിനെതിരായ കേസ്​.  വീഡിയോ കോൺഫറൻസ്​ വഴിയാകും ഗുർമീത്​ കോടതി നടപടികളുടെ ഭാഗമാവുക.

കേസി​​െൻറ വാദം തുടങ്ങുന്നതി​​െൻറ പശ്​ചാത്തലത്തിൽ പഞ്ച്​ഗുളയിലും പരിസര പ്രദേശങ്ങളിലും കർശന സുരക്ഷയാണ്​ ഏർപ്പെടുത്തിയിരിക്കുന്നത്​. പാര മിലിട്ടറിക്കും ഹരിയാന പൊലീസിനുമാണ്​ സുരക്ഷ ചുമതല.  കോടതി പരിസരത്ത്​ ഇതുവരെ ദേര സച്ചാ അനുയായികൾ എത്തുന്നതായുള്ള റിപ്പോർട്ടുകളില്ലെന്ന്​ പൊലീസ്​ അറിയിച്ചു.

ബലാൽസംഗ കേസിലെ ഗുർമീതിനെ ശിക്ഷിച്ച ​അതേ കോടതിയാണ്​ ഇൗ കേസും പരിഗണിക്കുന്നത്​. ആഗസ്​റ്റ്​ 25നാണ്​ അനുയായികളായ സ്​ത്രീകളെ ബലാൽസംഗം ചെയ്​തുവെന്ന കേസിൽ​ ഗുർമീതിനെ കോടതി ശിക്ഷിച്ചത്​.