സോ​ഷ്യ​ലി​സ​ത്തി​ൽ തു​ട​ക്കം, സം​ഘ്​​പാ​ള​യ​ത്തി​ൽ നി​ന്ന്​ മ​ട​ക്കം

'ഊ​പ​ർ ഭ​ഗ​വാ​ൻ, നീ​ചേ പാ​സ്വാ​ൻ' (മു​ക​ളി​ൽ ദൈ​വം, താ​ഴെ പാ​സ്വാ​ൻ..' 90 ക​ളു​ടെ ഒ​ടു​വി​ൽ രാം ​വി​ലാ​സ്​ പാ​സ്വാ​ൻ തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​ന്​ ഹാ​ജി​പൂ​ർ എ​ന്ന സ്വ​ന്തം മ​ണ്ഡ​ല​ത്തി​ലി​റ​ങ്ങു​മ്പോ​ൾ അ​നു​യാ​യി​ക​ൾ തൊ​ണ്ട​കീ​റി വി​ളി​ച്ച മു​ദ്രാ​വാ​ക്യ​മാ​യി​രു​ന്നു ഇ​ത്. ഭൂ​രി​പ​ക്ഷ​ക്ക​ണ​ക്കി​ന്​ പാ​സ്വാ​നെ ഗി​ന്ന​സ്​ ബു​ക്കി​ൽ ക​യ​റ്റി​യ ഹാ​ജി​പൂ​രു​കാ​ർ ആ ​മു​ദ്രാ​വാ​ക്യ​ത്തെ ശ​രി​വെ​ച്ചി​രു​ന്നു. ഒ​​ട്ടേ​റെ പ്ര​ത്യാ​ശ​ക​ളു​മാ​യി ഒ​രു​കാ​ല​ത്ത്​ ഉ​യ​ർ​ന്നു​വ​ന്ന ദ​ലി​ത്​ രാ​ഷ്​​ട്രീ​യ​ത്തി​ലെ പ്ര​സ​രി​പ്പാ​ർ​ന്ന മു​ഖ​മാ​യി​രു​ന്നു രാം ​വി​ലാ​സ്​ പാ​സ്വാ​ൻ.

വി.​പി.​സിം​ഗ്​ മ​ന്ത്രി​സ​ഭ​മു​ത​ൽ ഇ​ന്ത്യ ഭ​രി​ച്ച എ​ല്ലാ മു​ന്ന​ണി​ക​ളി​ലും പാ​സ്വാ​ൻ ഉ​ണ്ടാ​യി​രു​ന്നു. അ​വ​സ​ര​ങ്ങ​ളു​ടെ ക​ല​യാ​ണ്​ രാ​ഷ്​​ട്രീ​യ​മെ​ന്ന പ്രാ​യോ​ഗി​ക ത​ന്ത്ര​ത്തെ പാ​സ്വാ​നോ​ളം പ​യ​റ്റി​ത്തെ​ളി​യി​ച്ച മ​റ്റൊ​രു രാ​ഷ്​​ട്രീ​യ നേ​താ​വ്​ ഇ​ന്ത്യ​യി​ലു​ണ്ടാ​വി​ല്ല. രാ​ജ്​​നാ​രാ​യ​ണ​െൻറ​യും ജ​യ​പ്ര​കാ​ശ്​ നാ​രാ​യ​ണ​െൻറ​യും ക​ടു​ത്ത അ​നു​യാ​യി​യാ​യി സോ​ഷ്യ​ലി​സ്​​റ്റ്​ രാ​ഷ്​​ട്രീ​യ​ത്തി​െൻറ കൊ​ടി​യേ​ന്തി​യ പാ​സ്വാ​ൻ ഒ​ടു​വി​ൽ ചെ​ന്നെ​ത്തി​യ​ത്​ സം​ഘ്​​പ​രി​വാ​ർ കൂ​ട്ടു​കെ​ട്ടി​ലാ​ണെ​ന്ന​ത്​ രാ​ഷ്​​ട്രീ​യ​ത്തി​െൻറ വി​​രു​​ദ്ധോ​ക്​​തി​യാ​യി എ​ന്നും നി​ല​നി​ൽ​ക്കും.

1975 ൽ ​ഇ​ന്ദി​ര ഗാ​ന്ധി അ​ടി​യ​ന്തി​രാ​വ​സ്​​ഥ പ്ര​ഖ്യാ​പി​ച്ച​പ്പോ​ൾ രാം ​വി​ലാ​സ്​ പാ​സ്വാ​ൻ ജ​യി​ലി​ലാ​യി. 1977 ൽ ​ഇ​ന്ദി​ര​യെ ക​ട​പു​ഴ​ക്കി​യ തെ​ര​ഞ്ഞെ​ടു​പ്പി​ൽ ഗി​ന്ന​സ്​ റെ​ക്കോ​ർ​ഡോ​ടെ ഹാ​ജി​പൂ​രി​ൽ നി​ന്ന്​ പാ​സ്വാ​നെ​ന്ന 33 വ​യ​സ്സു​ള്ള താ​ടി​ക്കാ​ര​ൻ ചെ​റു​പ്പ​ക്കാ​ര​ൻ ജ​യി​ച്ചു​ക​യ​റി​യ​പ്പോ​ൾ രാ​ഷ്​​ട്രീ​യ പ്ര​വാ​ച​ക​രൊ​ക്കെ അ​ന്തം​വി​ട്ടു​പോ​യി. പോ​ൾ ചെ​യ്​​ത വോ​ട്ടി​െൻറ 89.3 ശ​ത​മാ​നം വോ​ട്ടും പാ​സ്വാ​നാ​യി​രു​ന്നു. ലോ​ക ച​രി​ത്ര​ത്തി​ലെ ഏ​റ്റ​വും വ​ലി​യ ഭൂ​രി​പ​ക്ഷം. 424545 വോ​ട്ടി​െൻറ വ​ൻ ഭൂ​രി​പ​ക്ഷം. 1989ൽ ​അ​ഞ്ചു ല​ക്ഷ​ത്തി​നും മു​ക​ളി​ലാ​യി​രു​ന്നു പാ​സ്വാ​െൻറ ഭൂ​രി​പ​ക്ഷം.

1946 ജൂ​ലൈ അ​ഞ്ചി​ന് ബി​ഹാ​റി​ലെ ഖ​ഗാ​രി​യ ജി​ല്ല​യി​ലെ ഷ​ഹ​ർ​ബ​ന്നി​യി​ൽ ദ​ലി​ത്​ കു​ടും​ബ​ത്തി​ൽ 1946 ജൂ​​ലൈ അ​ഞ്ചി​ന്​ ജ​നി​ച്ചു. പി​താ​വ്​ ജ​മു​ൻ പാ​സ്വാ​ൻ. മാ​താ​വ്​ സി​യാ ദേ​വി. കോ​സി കോ​ള​ജി​ൽ നി​ന്ന്​ ബി​രു​ദ​വും പ​റ്റ്​​ന ലോ ​കോ​ള​ജി​ൽ നി​ന്ന്​ നി​യ​മ ബി​രു​ദ​വും നേ​ടി​യാ​യി​രു​ന്നു പാ​സ്വാ​ൻ രാ​ഷ്​​ട്രീ​യ​ത്തി​ലി​റ​ങ്ങി​യ​ത്.

2002 ഏ​പ്രിൽ 29ന്​ ഗുജറാത്ത്​ കൂട്ടക്കൊലയിൽ പ്രതിഷേധിച്ച്​ പാസ്വാൻ വാജ്​പേയ്​ മന്ത്രിസഭയി​ൽ നിന്ന്​ രാജി​വെച്ചിരുന്നു. ​എട്ടു ത​വ​ണ ലോ​ക്​​സ​ഭാം​ഗ​മാ​യി. നി​ല​വി​ൽ രാ​ജ്യ​സ​ഭാം​ഗ​മാ​യി​രു​ന്നു.