കോവിഡ്​ വ്യാപനത്തിനിടെ ബി.ജെ.പി എം.എൽ.എയെ കാണാനില്ല; വിവരം നൽകുന്നവർക്ക്​ 1000 രൂപ പ്രതിഫലം പ്രഖ്യാപിച്ച്​ പോസ്റ്റർ

ലഖ്​നോ: ഉത്തർപ്രദേശിൽ കോവിഡ്​ വ്യാപനം രൂക്ഷമായതോടെ ബി.ജെ.പി എം.എൽ.എയെ കാൺമാനില്ലെന്ന്​ പരിഹസിച്ച്​ പോസ്റ്റർ. ബി​.ജെ.പിയുടെ രാംനഗർ എം.എൽ.എയെക്കുറിച്ച്​ വിവരം നൽകുന്നവർക്ക്​ 1000 രൂപ പ്രതിഫലം പ്രഖ്യാപിച്ച്​ പോസ്റ്ററുകൾ പ്രത്യക്ഷപ്പെട്ട​ു. കോവിഡ്​ പ്രതി​രോധ പ്രവർത്തനങ്ങൾ താളംതെറ്റിയതോടെ എം.എൽ.എ ശരദ്​ അവാസ്​തിക്കെതിരെയാണ്​ ഗുരുതര ആരോപണം.

ആ​ഡ്ര ഗ്രാമത്തിലാണ്​ പോസ്റ്ററുകൾ പ്രത്യക്ഷപ്പെട്ടത്. കോവിഡ്​ പ്രതിസന്ധി തുടരു​േമ്പാഴും എം.എൽ.എ ഗ്രാമത്തിലേക്ക്​ തിരിഞ്ഞുനോക്കിയില്ലെന്നാണ്​ ആരോപണം.

സഹായം അഭ്യർഥിച്ച്​ ഗ്രാമവാസികളിൽ പലരും എം.എൽ.എയുടെ ഓഫിസിലും വീട്ടിലും കയറിയിറങ്ങിയെങ്കിലും ശരദിനെ കാണാൻ പോലും കഴിഞ്ഞില്ലെന്നും ഗ്രാമവാസികൾ പറയുന്നു.

എന്നാൽ, തനിക്കെതിരായ പോസ്റ്ററുകൾക്ക്​ പിന്നിൽ സമാജ്​വാദി പാർട്ടിയാണെന്നാണ്​ ശരദ്​ അവാസ്​തിയുടെ പ്രതികരണം. ആരോപണങ്ങൾ നിഷേധിച്ച ശരദ്​ ലോക്​സഭ തെരഞ്ഞെടുപ്പിന്​ ശേഷം 10 തവണ തന്‍റെ മണ്ഡലം സന്ദർശിച്ചുവെന്നും പറഞ്ഞു.