ഏത് നേതാവിനാണ് പാര്‍ട്ടിയില്‍ അവസരം കിട്ടാത്തതെന്ന ചോദ്യവുമായി രമേശ് ചെന്നിത്തല

ഗുജറാത്ത്: ഏത് നേതാവിനാണ് പാര്‍ട്ടിയില്‍ അവസരം കിട്ടാത്തതെന്ന ചോദ്യവുമായി രമേശ് ചെന്നിത്തല. വ്യക്തിയല്ല പാര്‍ട്ടിയാണ് വലുതെന്ന് മനസിലാക്കി എല്ലാവരും പ്രവര്‍ത്തിച്ചാല്‍ കോണ്‍ഗ്രസിനുള്ളിലെ പ്രശ്‌നങ്ങള്‍ ഇല്ലാതാകും. കോണ്‍ഗ്രസ് എല്ലാവര്‍ക്കും അവസരം നല്‍കുന്നുണ്ട്. അവസരം നല്‍കിയതുകൊണ്ടാണ് തരൂര്‍ മൂന്നുതവണ എംപിയും കേന്ദ്ര മന്ത്രിയുമായതും.

എല്ലാ നേതാക്കന്‍മാര്‍ക്കും ഈ പാര്‍ട്ടി അവസരങ്ങള്‍ കൊടുക്കാറുണ്ട്. അത് കുറഞ്ഞും കൂടിയും ഇരിക്കുമെന്ന വ്യത്യാസമേയുള്ളു. തരൂര്‍ മൂന്നുതവണ എംപിയായി, കേന്ദ്രമന്ത്രിയായി. പാര്‍ട്ടിയില്‍ എല്ലാ അവസരവും അദ്ദേഹത്തിന് നല്‍കിയിട്ടുണ്ട്. ഞങ്ങള്‍ക്ക് എല്ലാവര്‍ക്കും അവസരങ്ങള്‍ ലഭിച്ചിട്ടുണ്ട്. എല്ലാവരും പാര്‍ട്ടിയുടെ നന്മയെ കരുതി പ്രവര്‍ത്തിക്കണമെന്നും ​ചെന്നിത്തല പറഞ്ഞു. ഗുജറാത്തിലെ തെരഞ്ഞെടുപ്പ് പ്രചാരണ പ്രവർത്തനത്തിൽ നേതൃത്വം വഹിക്കുകയാണ് ചെന്നിത്തല.