Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightരന്യ റാവുവിന്‍റെ...

രന്യ റാവുവിന്‍റെ സ്വർണക്കടത്ത്; ഡി.ജി.പി രാമചന്ദ്ര റാവുവിന് നിർബന്ധിത അവധി

text_fields
bookmark_border
ranya rao ramachandra rao 9879879
cancel

ബംഗളൂരു: കോടികളുടെ സ്വർണക്കള്ളക്കടത്ത് കേസിൽ അറസ്റ്റിലായി സെൻട്രൽ ജയിലിൽ കഴിയുന്ന കന്നട നടി റന്യ റാവുവിന്റെ വളർത്തച്ഛൻ ഡി.ജി.പി കെ. രാമചന്ദ്ര റാവുവിനോട് നിർബന്ധിത അവധിയിൽ പ്രവേശിക്കാൻ കർണാടക സർക്കാർ ഉത്തരവിട്ടു. സ്വർണക്കടത്തിൽ ഇദ്ദേഹത്തിന്റെ പങ്ക് അന്വേഷിക്കാൻ കർണാടക സർക്കാർ നിയോഗിച്ച അഡി. ചീഫ് സെക്രട്ടറി ഗൗരവ് ഗുപ്തയുടെ ശിപാർശയെത്തുടർന്നാണിത്.

രാമചന്ദ്ര റാവു നിലവിൽ കർണാടക സ്റ്റേറ്റ് പൊലീസ് ഹൗസിങ് ആൻഡ് ഇൻഫ്രാസ്ട്രക്ചർ ഡെവലപ്‌മെന്റ് കോർപ്പറേഷന്റെ മാനേജിങ് ഡയറക്ടറാണ്. ഇദ്ദേഹത്തിന്റെ വളർത്തു മകൾ എന്ന നിലയിലുള്ള പ്രോട്ടോക്കോൾ സൗകര്യം ഉപയോഗിച്ചാണ് നടി 27 തവണ വിദേശത്തുനിന്ന് ബംഗളൂരു വിമാനത്താവളത്തിലെ ഗ്രീൻ ചാനലിലൂടെ ഇറങ്ങി പൊലീസ് അകമ്പടിയോടെ താമസസ്ഥലത്തേക്ക് പോയിരുന്നത്.

രാമചന്ദ്ര റാവു മൈസൂരു ഐ.ജിയായിരിക്കെ മലയാളി വ്യവസായിയുടെ കണക്കിൽപെടാത്ത രണ്ടു കോടി രൂപ പിടികൂടുകയും 20 ലക്ഷമാണെന്ന് പറയുകയും ചെയ്ത കേസിൽ ഉൾപ്പെട്ടിരുന്നു. വ്യാജ ഏറ്റുമുട്ടലിൽ രണ്ടു ഗുണ്ടകളെ കൊന്നതും കേസായിരുന്നു.


ദു​ബൈ​യി​ൽ​നി​ന്ന് ഏ​ൽ​പി​ക്കു​ന്ന സ്വ​ർ​ണം ബം​ഗ​ളൂ​രു​വി​ൽ ഒ​രു​ത​വ​ണ എ​ത്തി​ക്കു​ന്ന​തി​ന് 12 ല​ക്ഷം രൂ​പ ക​മീ​ഷ​ൻ കൈ​പ്പ​റ്റു​ന്ന കാ​രി​യ​ർ മാ​ത്ര​മാ​ണ് താ​നെ​ന്ന് ന​ടി മൊ​ഴി ന​ൽ​കി​യതായാണ് വിവരം. ര​ന്യ റാ​വു ഈ ​മാ​സം നാ​ലി​ന് കെ​മ്പെ​ഗൗ​ഡ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ അ​റ​സ്റ്റി​ലാ​യ​തി​നെ​ത്തു​ട​ർ​ന്ന് ഡി.​ആ​ർ.​ഐ പി​ടി​കൂ​ടി​യ​ത് 17.29 കോ​ടി രൂ​പ​യു​ടെ സ്വ​ർ​ണ​മാ​ണ്. ദു​ബൈ​യി​ലെ ന​ക്ഷ​ത്ര ഹോ​ട്ട​ലി​ലെ കു​ളി​മു​റി​യി​ൽ ഒ​ളി​പ്പി​ച്ച സ്വ​ർ​ണ​ക്ക​ട്ടി​ക​ൾ എ​ടു​ത്ത് പ്ര​ത്യേ​ക അ​റ​ക​ളു​ള്ള വ​സ്ത്ര​ത്തി​ൽ ഒ​ളി​പ്പി​ച്ച് ഹോ​ട്ട​ലി​ൽ​നി​ന്ന് പു​റ​ത്തി​റ​ങ്ങി ബം​ഗ​ളൂ​രു​വി​ലേ​ക്ക് വി​മാ​നം ക​യ​റു​ക​യാ​ണ് ര​ന്യ​യു​ടെ രീ​തി.

ബം​ഗ​ളൂ​രു വി​മാ​ന​ത്താ​വ​ള​ത്തി​ൽ ക​ർ​ണാ​ട​ക​യി​ലെ ഡി.​ജി.​പി റാ​ങ്കി​ലു​ള്ള ഐ.​പി.​എ​സ് ഉ​ദ്യോ​ഗ​സ്ഥ​ന്റെ മ​ക​ൾ എ​ന്ന പ​രി​ഗ​ണ​ന​യി​ൽ ഗ്രീ​ൻ ചാ​ന​ലി​ലൂ​ടെ പു​റ​ത്തു​ക​ട​ക്കു​ക​യും പൊ​ലീ​സി​ന്റെ ഔ​ദ്യോ​ഗി​ക വാ​ഹ​ന​ത്തി​ൽ ല​ക്ഷ്യ​സ്ഥാ​ന​ത്ത് എ​ത്തു​ക​യും ചെ​യ്യു​ന്നു. ഇ​ങ്ങ​നെ 27 യാ​ത്ര​ക​ൾ ഇ​തി​ന​കം ന​ട​ത്തി​യെ​ന്നാ​ണ് പ്രാ​ഥ​മി​ക വി​വ​രം. 15 ദി​വ​സ​ങ്ങ​ളി​ൽ ഇ​ത്ത​രം നാ​ലു യാ​ത്ര​ക​ൾ പ്രോ​ട്ടോ​കോ​ൾ സു​ര​ക്ഷ​യോ​ടെ ന​ട​ത്തി​യ​ത് ശ്ര​ദ്ധ​യി​ൽ​പ്പെ​ട്ട​പ്പോ​ഴാ​ണ് ഡി.​ആ​ർ.​ഐ​യി​ലെ ഉ​ദ്യോ​ഗ​സ്ഥ​ർ ന​ടി​യെ നി​രീ​ക്ഷി​ച്ച​ത്.

യൂ​റോ​പ്പ്, അ​മേ​രി​ക്ക, ദു​ബൈ, സൗ​ദി അ​റേ​ബ്യ എ​ന്നി​വ​യു​ൾ​പ്പെ​ടെ താ​ൻ യാ​ത്ര ചെ​യ്തി​ട്ടു​ണ്ടെ​ന്ന് ര​ന്യ വെ​ളി​പ്പെ​ടു​ത്തി. ക്ഷീ​ണം പ്ര​ക​ടി​പ്പി​ച്ച​തി​നാ​ൽ കൂ​ടു​ത​ൽ വി​വ​ര​ങ്ങ​ൾ ശേ​ഖ​രി​ക്കു​ന്ന​ത് അ​ടു​ത്ത ദി​വ​സ​ങ്ങ​ളി​ൽ തു​ട​രും. ക​സ്റ്റം​സ് ആ​ക്ടി​ന് കീ​ഴി​ൽ തെ​റ്റാ​യ​തോ തെ​റ്റി​ദ്ധ​രി​പ്പി​ക്കു​ന്ന​തോ ആ​യ വി​വ​ര​ങ്ങ​ൾ ന​ൽ​കു​ന്ന​തി​ന്റെ നി​യ​മ​പ​ര​മാ​യ പ്ര​ത്യാ​ഘാ​ത​ങ്ങ​ൾ മ​ന​സ്സി​ലാ​ക്കി​യി​ട്ടു​ണ്ടെ​ന്ന് സ​മ്മ​തി​ച്ച ന​ടി കേ​സ് അ​ന്വേ​ഷ​ണ​വു​മാ​യി സ​ഹ​ക​രി​ക്കും എ​ന്ന​റി​യി​ച്ചു.

അതേസമയം, തന്നെ മര്‍ദിച്ചും ഭീഷണിപ്പെടുത്തിയുമാണ് പൊലീസ് മൊഴിയെടുത്തതെന്ന് നടി രന്യ റാവു ആരോപിച്ചിരിക്കുകയാണ്. റവന്യു ഇന്റലിജന്‍സ് ഡയറക്ടറേറ്റ് (ഡി.ആര്‍.ഐ) ഉദ്യോഗസ്ഥര്‍ക്കെതിരെയാണ് നടി പരാതി ഉന്നയിച്ചിരിക്കുന്നത്. കസ്റ്റഡിയില്‍ തന്നെ ആവര്‍ത്തിച്ച് മര്‍ദിച്ചും തന്റെ രണ്ടാനച്ഛനായ ഡി.ജി.പി കെ. രാമചന്ദ്ര റാവുവിനെ കുടുക്കുമെന്ന് പറഞ്ഞ് ഭീഷണിപ്പെടുത്തിയുമാണ് മൊഴികളില്‍ ഒപ്പുവെപ്പിച്ചതെന്നാണ് രന്യ റാവു പറഞ്ഞിരിക്കുന്നത്. ഐ.എ.എന്‍.എസ് ആണ് ഇക്കാര്യം റിപ്പോര്‍ട്ട് ചെയ്തത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Gold smuggling caseRanya Rao
News Summary - Ranya Rao gold smuggling case: Karnataka govt orders actress' stepfather, DGP Ramachandra Rao, to go on compulsory leave
Next Story
RADO