ബലാത്സംഗത്തിനിരയായ പെൺകുട്ടിയെ പൊലീസി​െൻറ സാന്നിധ്യത്തിൽ പ്രതി വിവാഹം കഴിച്ചു

കോട്ട: ബലാത്സംഗത്തിനിരയായ പെൺകുട്ടിയെ പൊലീസി​െൻറ സാന്നിധ്യത്തിൽ പ്രതിവിവാഹ കഴിച്ചു. രാജസ്ഥാനിലെ കോട്ടയിലാണ്​ സംഭവം. പൊലീസ്​ മധ്യസ്ഥതയിൽ നടന്ന ചർച്ചകളിലാണ്​ ഇരുവരും വിവാഹം കഴിക്കാൻ ധാരണയിലെത്തിയതെന്നാണ്​ റിപ്പോർട്ടുകൾ.

രാംഗഞ്ച്​ പൊലീസ്​ സ്​റ്റേഷന്​ സമീപത്തെ അമ്പലത്തിൽ വെച്ചായിരുന്നു വിവാഹം. വധുവി​െൻറ സഹോദരനും വര​െൻറ പിതാവും ചടങ്ങിനെത്തിയിരുന്നു. പെൺകുട്ടി ഒരു മാസം മുമ്പ്​ പ്രതിക്കെതിരെ ഐ.പി.സി 376 സെക്ഷൻ പ്രകാരം പരാതി നൽകിയിരുന്നു. വിവാഹവാഗ്​ദാനം നൽകി പീഡിപ്പിച്ചുവെന്നായിരുന്നു പരാതി.

തുടർന്ന്​ പൊലീസ്​ മധ്യസ്ഥതയിൽ ചർച്ചകൾ നടക്കുകയും ഇരുവരും വിവാഹിതരാവാൻ തീരുമാനിക്കുകയായിരുന്നു. കോവിഡി​െൻറ പശ്​ചാത്തലത്തിൽ ബന്ധുക്കളെ വിളിച്ച്​ വിവാഹം നടത്തുന്നതിന്​ കോടതി അനുമതി നിഷേധിച്ചിരുന്നു. തുടർന്നാണ്​ പൊലീസി​െൻറ സാന്നിധ്യത്തിൽ ചെറിയ ചടങ്ങുകളോടെ വിവാഹം നടത്തിയത്​.