വിവാഹശേഷമുള്ള ബലാത്​സംഗം കുറ്റകരമല്ലെന്ന്​ കേന്ദ്രം സുപ്രീംകോടതിയിൽ

ന്യൂഡല്‍ഹി: വിവാഹശേഷം ബലപ്രയോഗത്തിലൂടെ ലൈംഗിക ബന്ധത്തില്‍ ഏര്‍പ്പെടുന്നതിനെ ക്രിമിനല്‍ കുറ്റമായി കാണാനാവില്ലെന്ന് കേന്ദ്ര സർക്കാർ സുപ്രീംകോടതിയിൽ. 15നും 17നും ഇടക്ക് പ്രായമുള്ള ഭാര്യയുമായുള്ള ​ൈലംഗിക ബന്ധം ബലപ്രയോഗത്തിലൂടെയാണെങ്കിൽ പോലും കുറ്റകരമായി കാണാനാവില്ല. ഇന്ത്യൻ ശിക്ഷാ നിയമം ഇതിനെ കുറ്റകരമായി കാണുന്നില്ലെന്നും ജസ്​റ്റിസ്​ എം.ബി ലോകൂർ അധ്യക്ഷനായ ബെഞ്ചിന് മുന്നിൽ കേന്ദ്രം വാദിച്ചു. 

15 വയസിനും 17 വയസിനുമിടയിലുള്ള പെൺകുട്ടിയെ വിവാഹം ചെയ്യുന്നവർക്കും ലൈംഗിക ബന്ധത്തിലേർപ്പെടാൻ അനുവാദം നൽകുന്ന നിയമമാണ്​ ഇന്ത്യൻ ശിക്ഷാ നിയമത്തിലെ 375ാം വകുപ്പ്​. ഇതിനെ ചോദ്യം ചെയ്​തു കൊണ്ട്​ ഇൻഡിപെൻഡൻറ്​ തോട്ട്​ എന്ന സന്നദ്ധസംഘടന നൽകിയ ഹരജിയിലാണ്​ കേന്ദ്രസർക്കാർ നിലപാട്​ വ്യക്​തമാക്കിയത്​.

കുട്ടികളുമായി ബന്ധപ്പെട്ട മറ്റു നിയമങ്ങൾ ഉദ്ധരിച്ചുകൊണ്ടായിരുന്നു​ ഇൻഡിപ​​​െൻറഡ്​ തോട്ട്​ വാദം. വിവാഹപ്രായം 18 ആണെന്ന് നിജപ്പെടുത്തിയിരിക്കെ 15 വയസ്സിൽ താഴെയുള്ള കുട്ടികളെ വിവാഹം ചെയ്യുന്നതും ലൈംഗികബന്ധത്തിൽ ഏർപ്പെടുന്നതും കുറ്റകരമായി കണക്കാക്കണമെന്നും ഇന്‍റിപെൻഡന്‍റ് തോട്ട് വാദിച്ചു. നിയമ പ്രകാരം 18 വയസിനു താഴെയുള്ള കുട്ടികളെ വിവാഹം ചെയ്യുന്നത്​ കുറ്റകരമാണ്​. എന്നാൽ, മറ്റ് നിയമങ്ങൾ ബാലവിവാഹത്തെ പിന്തുണക്കുകയും ചെയ്യുന്നു. ബാലവിവാഹങ്ങളുടെ കാര്യത്തിൽ ബാലികമാരുടെ പ്രായത്തിന്‍റെ കാര്യത്തിലും ഏകീകരണം വേണമെന്നാണ് സംഘടനയുടെ ആവശ്യം.

ബാലവിവാഹം ഇന്ത്യയിൽ നടക്കുന്നുവെന്നത്​ യാഥാർഥ്യമാണെന്ന്​ കേന്ദ്രത്തിനുവേണ്ടി ഹാജരായ അഭിഭാഷകൻ ബിനു തംത കോടതിയിൽ വ്യക്തമാക്കി. വിവാഹമെന്ന സ്ഥാപനത്തെ സംരക്ഷിക്കേണ്ടതുണ്ട്​. ഇല്ലെങ്കിൽ ബാലവിവാഹത്തിനിരയായ കുട്ടികൾക്ക്​ അത്​ തിരിച്ചടിയാകും. 23 ദശലക്ഷത്തോളം ബാലവധുക്കൾ ഇന്ത്യയിലുണ്ടെന്നും കേന്ദ്രം കോടതി​െയ അറിയിച്ചു.

കണക്കുകളിൽ ആശങ്ക പ്രകടിപ്പിച്ച കോടതി ബാലവിവാഹത്തിനെ സഹായിക്കുന്ന നിലപാടല്ലേ ഇതെന്നും കേന്ദ്രത്തോട്​ ചോദിച്ചു. ബാലവിവാഹം തടയുന്നതിന്​ എത്ര ഉദ്യോഗസ്​ഥരുണ്ടെന്നും 2006ലെ ബാലവിവാഹം തടയുന്ന നിയമപ്രകാരം എത്ര കേസുകൾ രജിസ്​റ്റർ ചെയ്​തിട്ടുണ്ടെന്നുമുള്ളതി​​​​െൻറ കണക്കുകൾ നൽകാൻ കേന്ദ്രത്തോട്​ കോടതി ആവശ്യപ്പെട്ടു. 23ദശലക്ഷം ബാലവധുക്കൾ എന്നത്​ സർക്കാറി​​​​െൻറ അനാസ്​ഥയാണ്​ ​െവളിവാക്കുന്നതെന്ന് ജസ്​റ്റിസ്​ ദീപക്​ ഗുപ്​ത പറഞ്ഞു.