ഓർമയായത് ടാറ്റ സാമ്രാജ്യത്തിന് പുതുമോടി നൽകിയ അതികായൻ

മും​ബൈ: ഇരുമ്പുമുതൽ സോഫ്റ്റ് വെയർ വരെയുള്ള വ്യവസായ മേഖലകളിൽ ഉരുക്കിന്റെ കരുത്തും വറ്റാത്ത കാരുണ്യവുമായി ‘ടാറ്റ’യെ ദീർഘകാലം നയിച്ചയാളാണ് ‘ടാ​റ്റ സ​ൺ​സ്’ മു​ൻ ചെ​യ​ർ​മാ​ൻ ര​ത്ത​ൻ ടാ​റ്റ. മും​ബൈ ബ്രീ​ച്ച് കാ​ൻ​ഡ് ആ​ശു​പ​ത്രി​യി​ൽ വെച്ച് ലോകത്തോട് വിടപറയുമ്പോൾ 86 വ​യ​സ്സാ​യി​രു​ന്നു. ര​ക്ത​സ​മ്മ​ർ​ദ നി​ല താ​ഴ്ന്ന​തി​നെ തു​ട​ർ​ന്ന് ആശുപത്രിയിൽ പ്രവേശിപ്പിച്ച അദ്ദേഹത്തെ പി​ന്നീ​ട് ഐ.​സി.​യു​വി​ലേ​ക്ക് മാ​റ്റിയിരുന്നു.

ര​ത്ത​ൻ നേ​വ​ൽ ടാ​റ്റ എ​ന്നാ​ണ് മു​ഴു​വ​ൻ പേ​ര്. 1937 ഡി​സം​ബ​ർ 28ന് ​മും​ബൈ​യി​ലാ​ണ് ജ​ന​നം. പി​താ​വ് നേ​വ​ൽ ടാ​റ്റ. നേ​വ​ൽ ടാ​റ്റ​യെ ടാ​റ്റ ഗ്രൂ​പ് സ്ഥാ​പ​ക​ൻ ജം​ഷ​ഡ്ജി ടാ​റ്റ​യു​ടെ മ​ക​ൻ ര​ത്ത​ൻ​ജി ടാ​റ്റ ദ​ത്തെ​ടു​ത്ത​താ​ണ്.

ആ​ർ​ക്കി​ടെ​ക്ച​റി​ൽ കോ​ർ​ണ​ൽ യൂ​നി​വേ​ഴ്സി​റ്റി​യി​ൽ​നി​ന്ന് ബി​രു​ദം നേ​ടി​യ ര​ത്ത​ൻ ടാ​റ്റ 1961ലാ​ണ് ടാ​റ്റ ഗ്രൂ​പ്പി​ൽ ചേ​രു​ന്ന​ത്. ടാ​റ്റ സ്റ്റീ​ലി​ൽ ക​രി​യ​ർ തു​ട​ങ്ങി​യ അ​ദ്ദേ​ഹം പ​ടി​പ​ടി​യാ​യി ഉ​യ​ർ​ന്ന്, 1991ൽ ​ജെ.​ആ​ർ.​ഡി ടാ​റ്റ വി​ര​മി​ച്ച​തോ​ടെ ടാ​റ്റ സ​ൺ​സി​ന്റെ ചെ​യ​ർ​മാ​നാ​യി. തുടർന്ന്, വെല്ലുവിളികളെല്ലാം ഏറ്റെടുത്ത് വിവിധ മേ​ഖ​ല​ക​ളി​ൽ സാന്നിധ്യമുറപ്പിച്ച ക​മ്പ​നി​യെ അസാധ്യമായ നേൃത്വ മികവോടെ ന​യി​ച്ചു. ‘ടെ​റ്റ്ലി’, ‘ജാ​ഗ്വ​ർ ലാ​ൻ​ഡ് റോ​വ​ർ’ തു​ട​ങ്ങി​യ ക​മ്പ​നി​ക​ൾ ഏ​റ്റെ​ടു​ക്കു​ന്ന​ത് ര​ത്ത​​ന്റെ കാ​ല​ത്താ​ണ്. ആ​ഗോ​ള​ വ്യവസായത്തി​ൽ ടാ​റ്റ​യു​ടെ മു​ദ്ര വ്യാപിപ്പി​ക്കാ​ൻ അ​ദ്ദേ​ഹ​ത്തി​നായി. വ​രു​മാ​ന​ത്തി​ന്റെ പ​കു​തി​യി​ലേ​റെ ചാ​രി​റ്റി പ്ര​വ​ർ​ത്ത​ന​ങ്ങ​ൾ​ക്ക് മാ​റ്റി​വെ​ച്ച വ്യ​വ​സാ​യി​യാ​യി​രു​ന്നു. വി​വി​ധ ക​മ്പ​നി​ക​ളി​ലും സ്റ്റാ​ർ​ട്ട്അ​പ്പു​ക​ളി​ലും ടാ​റ്റ​യു​ടെ നി​ക്ഷേ​പം വ്യാ​പി​പ്പി​ക്കു​ന്ന​തി​ലും ര​ത്ത​ൻ ശ്ര​ദ്ധ കേ​ന്ദ്രീ​ക​രി​ച്ചു. 21 വ​ർ​ഷം ടാ​റ്റ​യെ ന​യി​ച്ച അ​ദ്ദേ​ഹ​ത്തി​ന്റെ കാ​ല​ത്ത് ക​മ്പ​നി​യു​ടെ വ​രു​മാ​നം 40 മ​ട​ങ്ങ് വ​ർ​ധി​ച്ചു. ലാ​ഭം 50 മ​ട​ങ്ങും കൂ​ടി. 75 വ​യ​സ്സ് പൂ​ർ​ത്തി​യാ​യ 2012ലാ​ണ് ടാ​റ്റ ഗ്രൂ​പ്പി​ന്റെ എ​ക്സി​ക്യൂ​ട്ടി​വ് അ​ധി​കാ​ര​ങ്ങ​ൾ വി​ട്ടൊ​ഴി​ഞ്ഞ​ത്. അ​വി​വാ​ഹി​ത​നാ​ണ്.

പ​ദ്മ ഭൂ​ഷ​ൺ, പ​ദ്മ​വി​ഭൂ​ഷ​ൺ തു​ട​ങ്ങി നി​ര​വ​ധി അം​ഗീ​കാ​ര​ങ്ങ​ൾ അ​ദ്ദേ​ഹ​ത്തെ തേ​ടി​യെ​ത്തി. ടാ​റ്റ ​ഗ്രൂ​പ്പി​നെ മാ​ത്ര​മ​ല്ല, രാ​ജ്യ​ത്തി​ന്റെ​ത്ത​ന്നെ അ​സ്തി​ത്വം രൂ​പ​പ്പെ​ടു​ത്തു​ന്ന​തി​ൽ പ​ങ്കു​വ​ഹി​ച്ച​യാ​ളാ​ണ് ര​ത്ത​ൻ എ​ന്നും അ​ദ്ദേ​ഹ​ത്തി​ന്റെ വി​യോ​ഗം വ​ലി​യ ന​ഷ്ട​മാ​ണെ​ന്നും ടാ​റ്റ സ​ൺ​സ് ചെ​യ​ർ​മാ​ൻ എ​ൻ. ച​ന്ദ്ര​ശേ​ഖ​ര​ൻ പ​റ​ഞ്ഞു. പ്രധാനമന്ത്രി നരേന്ദ്രമോദി, രാഷ്ട്രപതി ദ്രൗപതി മുർമു തുടങ്ങി പ്ര​മു​ഖ​ർ അ​നു​ശോ​ചി​ച്ചു.