ശക്​തികാന്ത ദാസിന്​ കീഴിൽ ആദ്യ ​ആർ.ബി.​െഎ ബോർഡ്​ യോഗം ഇന്ന്​

ന്യൂഡൽഹി: പുതിയ ഗവർണർ ശക്​തികാന്ത ദാസിന്​ കീഴിലുള്ള ആദ്യ ആർ.ബി.​െഎ ബോർഡ്​ യോഗം ഇന്ന്​ നടക്കും. 18 അംഗ ആർ.ബി.​െഎ ബോർഡാണ്​ യോഗം ചേരുന്നത്​. പൊതുമേഖല ബാങ്കുകൾക്ക്​ വായ്​പ നൽകുന്നതിൽ കൂടുതൽ ഇളവ്​ അനുവദിക്കുന്നതുമായി ബന്ധപ്പെട്ട വിഷയങ്ങൾ ബോർഡ്​ പരിശോധിക്കും.

സമ്പദ്​വ്യവസ്ഥയിൽ പണലഭ്യത ഉറപ്പ്​ വരുത്താനുള്ള നടപടികളും ബോർഡ്​ യോഗം ചർച്ച ചെയ്യും. ആർ.ബി.​െഎയുടെ കരുതൽ ധനാനുപാതം കുറക്കുന്നതുമായി ബന്ധപ്പെട്ട ചർച്ചകൾ യോഗത്തിലുണ്ടാവില്ലെന്നാണ്​ സൂചന. ധനാനുപാതം കുറക്കുന്നത്​ സംബന്ധിച്ച്​ പരിശോധിക്കാൻ സമിതിയെ നിയോഗിക്കുമെന്ന്​ ആർ.ബി.​െഎ വ്യക്​തമാക്കിയിരുന്നു.